>>san79<<✿تجمع أروع أمهات أحلى كتاكيت مواليد شوال,ذو القعدة,ذو الحجة1430هـ✿((16))

[san79]

صباح الخير لأحلى مامات

منمن مبروك البنوته والمعرف الجديد هههههههههههه

الله يتمملك على خير والله يعينك على الالتهابات شوناوين اتسمو ان شاء الله ؟؟

ام ردن وام راما سلامتكم والله والله يعين الجميع على المرض

والله انا الي يومين بالمرا مكسرة وجسمي نااااااااااار من الجو وضغطي كتير نازل ومرميه بالسرير عن جد حاسه حالي رح افطس خاصه بس تقطع الكهربا يا الله بنخنق

ام مصعب ان شاء الله اتكوني وصلتي بالسلامة وطمنين عنك

ام رحمة كيفك وكيف رحوووووم

دعواتكم يا صبايا

[De$eRt Ro$e]

سلاامتك سنوءة الله يتمملك ع خير خلص مش ضايل كتير هانت ان شاء الله

منوش حبيبتي حلمت فيكي يا زعره ههههههههههه
اول شي الف مبروووك ع البنوته ربنا يتمملك ع خير واتشوفيها بكامل صحتها وتكوني بكامل قواكي العقليه بس اتشرف ويصيروا 3 بوأوؤوو
المهم آل حلمت فيكي يا اختي اني انا نزلت ع غزة(متأثره بفتحة المعبر)هههههه
ومش عارفه كيف عرفت بيتك وطبيت عليكي
كنتي عند بيت حماكي قاعده بنضيفي شغله مش عارفه قهوه ولا شو
وكان في كذا ست قاعدات.. بس شفتيني صرتي تحكي وبعدين معكم كل شوي وحده بتفاجئني فيكم مش عارفه مين كاينه مفاجئتك غيري ههههههههه
وسلمت انا ع كل الحجات القاعدات وخلص الحلم

[~~منيرة~~]

÷ههههههههههههههههههههههههههههههههههههههههههههههههه هههه
ههههههههههههههههههههههههههههههههههههههههههههههه

يئطع شرك يا نداء موتيني ضحك هههههههههههههههههههههههههههههه

بس مش معئول اكيد الو تفسير ببقى ابحكش وادور

انو مين النسوان الأعدين وشو المناسبة وانتي كمان وفي وحدة قبلك

بس انا فسرتو مبدئيا هههههههههههههههههههههههههههههه

ان شاء الله خير



سنوؤة
والله انا وبالخامس وفطست الللللللللللله يعيييييينك

ولسا انا حاكلها شهر 6 و7و8و9 يعني لما يجي موعد ولادتي ما حدا يطلع بشكلي هههههههه

[~~منيرة~~]

سنوءة بالنسبة للاسم والله لسا

انا كنت رايحة ومتفقة مع زوجي انه ما اسأل عن النوع بس سألت هههههههه

هو انجن طبعا وانا اضحك لانه دكتوري بيقول بنت بهالوقت لو كانت بنت او ولد

بحمودة ضل يقولي بنت لفتت السابع ههههههههه

انا حاساه صبي ان شاء الله بس سالتو قالي بنت قلنا الحمد لله تيجي عسل زي منونة وما بدنا اكتر من هيك

وكل مناماتي من اول ما حكلت تفسيرها انه ولد هههههه ان شاء الله خير

بس انا كنت ناوية اسمي اية بس اخي زياد ما رضي هههههه

قلتلو اية ولا ملك قال ملك طبعا على اسم ماما هههههههه بس في مصيبة لو زوجي حب يسميها على اسم اخته ههههههههههههههههههههههه

يا للهوووووووووووول

تصوري يا نداء هههههههههههههههههههههههههههههههههه

بما انو اختهم الوحيدة وتزوجت وتغربت خايفة يسميها على اسمها

وازا صبي كنا ناويين نسمي زياد وكان اخي طاير من الفرحة بس حماتي بدها محمد

يعني احمد ومحمد بس انا بالاول كنت ما بدي مع انه محمد على اسم بابا

بس شفت منامين الاول بكون والدة وبغرفتي وابني بحضني ووحدة بتقولي هاد ابنك محمد

والمنام التاني بنكون في مكان كله ناس و ضجة اجتني وحدة بتقولي روحي شوفي ابنك محمد

يعني بالاسم

هاد غير المنامات التانية انه مش والدة بس تفسيرها انه ولد

الله يجيب اللي فيه الخير بس اذا حتتسمى على اسم اخته ان شاء الله بيكون صبي ههههههههههههههههههههههههههههههههههه

[~~منيرة~~]

يا الله كل هاد حكي ههههههههههههههههه

ما اكتر حكيي شو هاد والمصيبة انه ما حدا بيحكي غير

[De$eRt Ro$e]

لاااا منوش عنجد انا ما بحب حد يسمي ع اسم حد من العيله
سواء بنت او ولد سمي اسم بعيييد عن العيله وجديد
اريح لراسك احنا الحمدلله هاي الشغله متفقين عليها انا وابو راما
لانه اذا بدك اتسمي ع اسم حد من العيله بدك ترضي اطراف كتير واتسمي ع اسماءهم سيبك من هالدوامه ردي عليي هههه

[أم عبد الرحمن3122010]

http://www.lakii.com/vb/showthread.p...8#post11912078


مفاجاة يا بنات ويارب نتعاون كلنا من الاجل الاستفادة والافادة طبعا

[ALDANA]

مرحبا صبايا كيفكم يا حلووووين
انا تمام الحمدلله اتحسنت
وانا من راي ندوش لا تسمي ع اسم حدا من العيله مو حلوو هيك مع انه اسامي حلوه
امبارح كان عيد ميلاد ردون وحزرو مين



هنو (وينك يا هنا) ارجعي حاكينا بس مني الك عقبال 100 سنه يا رب

طبعا واليوم عيد ميلاد وكتير مبسوطه عشان هيك احتفلت بعيد ميلادي
وعملت غدا مجدره اجى ابو حلوويين بحكيلي جاي اليوم ومو مفطر عامل حسابي على بوفيه من اكلات حكتلو انا عكس دنيا ما بحب اعمل شي بلعكس اليوم كان عليك تجيب غدا وحلو كله عليك ههههههههههه

ندوش شو امته نازله على عمان مو عرس اختك سنه ولا انا غلطانه؟؟

[* نور هدى *]

السلام عليكم ورحمة الله وبركاته

الحمد لله أم مصعب وكتاكيتها وصلوا بخير وسلامة وبتسلم عليكم

[De$eRt Ro$e]

الله يسلمك ام هدى ويسلمها يارب
الحمدلله ع سلامتهم ربنا يهنيهم باجازتهم يارب

انا حابه ابشركم واخيييييييرا الميزان صار عليه رقم 50 لولولييييييش
اليوم عطاني 59 على ذمته
انا قعدت كم يوم اخبص واعك وزهقت من الريجيم ورجعنا بدانا الريجيم من اوله انا وابو راما ربي يخلليلي ياه
واليوم اول ما صحيت قررت اتوزن لقيت وزني 59 عنجد انبسطت
يعني الجلباب البيج قرب ييجي عليي بس مشكلتي صدري ما صغر شكله من الرضاعه
فقررت اني بإذن الله رح اوصل وزني ع الاقل ل52 يارب اقدر ^_^

صحيح صبايا بفتره من الفترات كنت اغار من بنات جمهورية النظافه
بفوت ع تجمعهم وع جداولهم وبتدااايق اني مهمله في بيتي الي كم يوم بدخل ع اول تجمع الهم بقسم التنظيف والترتيب عنجد مبسوووطه اني بشتغل بنظام كل يوم عليي شغله اعملها.. لقيت انه شغل البيت ممتع بس الوواحد يشتغله بنظام
وبلهيني عن الاكل شوي بصير حاطه هدف براسي بدي اوصلله فبنسى الاكل ههههه

بس كنت بدور ع شغله بالزمانات قريتها لوحده ايام مسابقة التظيف والترتيب الاولى
كانت منظفه غسالتها من جوا مش عارفه كيف انسيت الطريقه وحاولت ابحث عنها ما لقيتها
اذا مرت ع وحده منكم اتدلني ياريت
نفسي انظف درج الغساله تبع مسحوق الغسيل من جوا جوا مش بس افكه واغسله في طريقه انه حتى حوالين الدرج من جوا بنضفوه

اخبار سنافري راما كلماتها بيزيدوا ماشاء الله
وكل ما تحكي كلمه جديده بموووت عليها
بس صبايا في شغله صايره معها من كم يوم بس انضفلها اسنانها لثتها بتنزف
وحاسه اصلا لون لثتها ع زراق معقول من التسنين ولا لازمها دكتور شو رايكم انتو؟

اما توتو الزعره صايره كتيرة حركه وبتتقلب اكتر من اللازم راما بترمي كراتها ع الارض وتالا بتلف الغرقه كلها تقليب وهي تلاحق بالكرات هههههه
هبوله تالا بحسها بتشبه جيري اللي بتوم وجيري ههههههه