" عروسات المستقبل تعالوا اقولكم".. جزء ( 4 )

[ميويا86]

فيه حاجه بقى يا هند كنت عاوزاكي تساعدينى فيها انا مش عارفه هى ليها حل ولا لا
انا جسمي بيعرق بطريقه فظيعه يعني يادوب ابقى واخده شاور ومتنشفه وحاطه ديودرونت وبودره معطره وعلى م البس هدومى اكون عرقت وجربت حاجات كتير جدا مزيلات العرق بانواعها بكره دواره واسبراي وخلطات بودره معطره وحتى الشبه من عند العطار ومفيش اى حاجه بتمنع العرق ده معرفش ليه كده لو عندك حاجه تانيه ممكن اجربها ياريت تقوليهالى يا فمره

اهلا هدي
انا عارفة ان السؤال لهنودة حبيبتنا وهيا جاوبت عليه خلاص
وانا رائ من رايها انك تروحي لدكتورة جلدية شاطرة ولو ف الجامعة تكون احسن
اللي خلاني ارد عليكي اني شوفت دكتور بيتكلم عن حقن اسمهBOTOX
ده ممكن يتحقن ف الاماكن اللي بتفرز عرق عشان تقلل نشاطها شوية حتي قال ممكن ف كف الايد تخيلي؟فافتكرتك ساعتها فقلت لازم اقولك
ده طبعا بعد اذن نودي حبيبتي

[mediatech55]

اهلا هدي
انا عارفة ان السؤال لهنودة حبيبتنا وهيا جاوبت عليه خلاص
وانا رائ من رايها انك تروحي لدكتورة جلدية شاطرة ولو ف الجامعة تكون احسن
اللي خلاني ارد عليكي اني شوفت دكتور بيتكلم عن حقن اسمهBOTOX
ده ممكن يتحقن ف الاماكن اللي بتفرز عرق عشان تقلل نشاطها شوية حتي قال ممكن ف كف الايد تخيلي؟فافتكرتك ساعتها فقلت لازم اقولك
ده طبعا بعد اذن نودي حبيبتي

يا سلام يا ميويا يا قمر تسلميلي والله
انا بجد دى اكتر حاجه محببانى فى المكان ده انى حاسه بروح حلوه اوى بين البنات وبعضها ربنا يديمها علينا يارب
ويجازيكى خير انك فكرتي فيا ورديتى عليا
انا قريت عن البوتوكس ده فعلا بس اخاف اجربه لانه اكيد ليه اضرار جانبيه وكمان انا كنت عاوزه حاجه طبيعيه تخفف العرق مش تمنعه لان كلنا عارفين ان المواد الى بتسد المسام دى ممكن تجيب اورام وتعمل مشاكل
وبعدين لما بفكر برجع اقول يمكن دى حاجه فيها خير علشان العرق ده بيخرج السموم من جسمي اول باول يعني ببص للناحيه الصحيه من الموضوع
متنسيش بقى تكتبيلى الدعوه الى عاوزانى ادعيهالك فى العمره ان شاء الله

[dodo412]

يا سلام يا ميويا يا قمر تسلميلي والله
انا بجد دى اكتر حاجه محببانى فى المكان ده انى حاسه بروح حلوه اوى بين البنات وبعضها ربنا يديمها علينا يارب
ويجازيكى خير انك فكرتي فيا ورديتى عليا
انا قريت عن البوتوكس ده فعلا بس اخاف اجربه لانه اكيد ليه اضرار جانبيه وكمان انا كنت عاوزه حاجه طبيعيه تخفف العرق مش تمنعه لان كلنا عارفين ان المواد الى بتسد المسام دى ممكن تجيب اورام وتعمل مشاكل
وبعدين لما بفكر برجع اقول يمكن دى حاجه فيها خير علشان العرق ده بيخرج السموم من جسمي اول باول يعني ببص للناحيه الصحيه من الموضوع
متنسيش بقى تكتبيلى الدعوه الى عاوزانى ادعيهالك فى العمره ان شاء الله

صباح الخير يابنات
ازيك ياهدى بصى بنت خالى كانت زيك كدا تقريبا بس ايديها
ورجلها بس بس عرق رهيب لدرجة لازم تمسك فوطة مش منديل
راحت للدكتور ال انه عملية صغيرة كدا تحت الابط بس بتمنع العرق عن ايديها
تمامااااا ودا طبعا غلط زى ماقولتى هو بيشيل السموم اللى فى الجسم
بصى ياحبيبتى روحى للدكتور وان شاءالله خير
ترجعى من العمرة بالسلامة يارب وربنا يكتتبهلنا جميعا
دعواااااتك الله يكرمك

[سماح عزت]

كلامك جامد جدا يا هنوده وعندك حق في موضوع الثقه دى فعلا
انا قعدت فتره لا يمكن اقابل خطيبي من غير ميكب لانى كنت بحس ان بشرتى مش صافيه وانه هيعلق ان وشي مرهق او شكلك متغير او انت تعبانه او كده
لكن فى يوم قررت انى اقايس بقى واقابله من غير اى مكياج وقعدت بكل ثقه واتكلمنا وضحكنا ولا خد باله خالص عكس ما كنت متخيله اطلاقا
على فكره يا هنوووده انا ربنا كرمني برحلة عمره الاسبوع الجاي ان شاء الله وكنت عاوزه نصايحك انت وباقي البنات بقى لو فيه حاجه تسمعوا عنها تستحق انى اجيبها من هناك لو مش موجوده فى مصر او كده
وطبعا الدعوات يابنات انا ان شاء الله هدعي للبنات كلهم بس برضه الي عاوزه دعوه مخصوصه تكتبهالي وربنا يقدرني وادعيلكم كلكم

الف مليون مبروك ليكى يا هدى ياقمر على العمرة ويارب تروحى وترجعى بالسلامة وربنا يمتعك بالعمرة ويتقبلها منك ويرزقك بالحج ان شاء الله ..وادعيلنا يا هدى بحسن الخاتمة والصلاح فى الدنيا والاخرة وادعيلى ربنايهدينى واحفظ القران الكريم وربنا يجمعنا على الخير فى الدنيا وان شاء الله فى الجنة..

[sooo008]

هنوده حبيبي مرسيه علي ردك بس حبيبتي
مفهمتش التمارين بالظبط وهي ممكن لوعملتها وسبتها يحصل ترهل اكتر
وطري اكتر
ولا تخليها في الوصفات احسن ولا التمارين انتي شايفه ايه احسن
وبعدين انتي عارفه المنطقه ديه حساسه اوي والغدد في نشطه
اوي ممكن الخلطات تعمل حاجه وحشه لقدر الله ولا ايه ياريت تفيدني وفعلا خلطه خل التفاح ديه حلو ولا التلج احسن وقوللي الوصفات بدقه تعمل ايه قبلها وبعده وكده لو هي احسن طبعا
لو التمارين احسن بردو عايزين وصف دقيق
وانا كمان زي الاخت اللي قالت مش بتعرف تحدد مقاس البرا بتاعه
وبعد ساعات بيبقي مش ظابط ومش شكله حلو
وشكرا علي اسستجابتك معايا وياريت متنسينيش في الفيديو بتاع التعلم
عشان انتي عارفه الجهل اخخخخخخخخخخخخخخخخخخخخخخخخخخخخخخخ
معلش حبيبتي نسيت اقوللك انتي وزوجك عقبال مليوووووووووووووووووووون سنه
ان شاء الله وربنا يجمع بينكم في خير ان شاء الله معلش سامحيني والله الدماغ
ضايعه

[م.هبة]

السلام عليكم يا هنودة يا قمر انتى
مبروك على الجزء الرابع ولو انها جاية متأخر بس معلش بقى ماكنتش بدخل كتير .

بجد يا هنودة انتى عبارة عن موسوعة جامدة جداااااااااا
ومواضيعك الجديدة عجبتنى اوى وخاصة موضوع الثقة بالنفس ...
الا صحيح يا هنودة انتى عندك كام سنة ؟؟؟

بس بجد كلامك تحففففففة ....

[هنودة هنانيدو]

..عشان الثقة فى النفس تكمل يانودى اناعندى عقده كبيرة اوى وهى زيادة وزن فى الارداف+السليوليت كارثة كبرى معقدانى يا نودى فى لانجيرى القصير الشورت ااو الجيب القصيرشكل الرجل وحش خالص بسببهم ومش عارف اعمل ايه وكمان بتخلينى لما انزل اشترى هدوم لازم اجيب مقاس كبير مع انى مش عندى وسط خالص ومن فوق مش مليانه وكل ماادخل محل مش بيسدؤا انى عاوزه مقاس كبير بجد حاجة تكسف ..افيدونى افادكم الله

سموحة حبيبتى الارادف والله حلها تمارين ومشى عشان تحرقى الدهون اللى فيها لانك حتى لو عملتى دايت حينزل كل الجسم بس مش حيخلص مشكلة الارادف امشى والعبى تمارين وان شاء الله حنتكلم عن التمارين والرشاقة وحاجيبلك فيهم تمارين مخصصة الاداف

بالنسبة سيليوليت انا حابعتاك على الخاص كتاب عن السليوليت عايزكى تقريه عشان تعرفى كل حاجة عنه وتبقى عارفة تتخلبصى منه ازاى

كنت قريت هنا فى المنتدى موضوع بنوتة بس فاكرة هى مين بتقول ان رجلها كانت مليانة سلوليت وكانت بتلفها بورق نايلون الشفاف اللى هو بتاع الاكل وتلبس فوقيه شورت لاميه وتتحرك فى البيت او تلعب تمارين وبعد كدا تفركه بليفة مغربية وفضلت كدا لمدة شهر لغاية ما خلصت منه

[هنودة هنانيدو]

هنودى انا فرحى ان شاء الله فى عيد الاضحى يعنى ولله الحمد هاخد الشتاء من اوله وانا بعيد عنك بعجز فى الشتا هههههههه اه والله ببقى عاوزه البس الدولاب كله وبرده سقعانه وكنت خايفة جدا ليكون فى الشتا لكن الظروف كده تفتكرى وحده بتلبس 3 بضى وبيجامه وروب وشراب وايشارب وبتكون سقعانه ههههه والله بجد هتقدر تتحول الشتا الجاى ان شاء الله.. طيب ازاى اكيد حاله فرديه اعمل ايه فى نفسى وعوزاكى تقوليلى ارتب حالى ازاى عشان اقدر استغنى عن كل الحاجت دى...وكمان معلش انا مش قدرت افهم تمارين الصدر وكمان انا مش بعرف احدد مقاس البرا لان انا وسطى صغير وبحتاج الكب كبير وده عملى مشكلة لان انا دلوقتى بجبهم وظبط الوسط بايدى لكن اكيد بعد كده مش هينفع ؟؟؟؟... لسه عندى امل اكلمك على الخاص..ينهار ابيييييض معلش اكلمت كتير اوى حئك عليه

وانا كمان عندى امل اكلمك على الخاص هههههههه بصى حبيبتى موضوع الشتاء ده ربنا معاكى فيه بس على فكرة اول 12 لسه مش حيبقى تلج اوى يعنى معقول هو البرد على 1 وبعده بس عامة الاسدال بقى والشراب و البلطو وحركات ديه انسيها انت عايزة جوزو يتصدم ههههههههه حرام الراجل بقاله كتير مستنى عشان يلاقى بدلة الاسكيمو

انتى محتاجة تعملى شوية حاجات تخليكى دافية اولها تدفى الشقة كويس اوى من بدرى خليها مقفولة ولو عندك حتى دفاية اللى بالكهرباء شغليها فى البيت ده حيقلل اى برد فى البيت واشربى حاجة سخنة عليكى بالسحلب والله مش بهزر السحلب من مشروبات اللى بتسخن الجسم وتفضل حرارة جسمك مرتفعة وطبعا تلبسى لانجيرى عادى جدا وكل حركات وممكن تلبسى فى رجلك الشبشب الفرو طبعا بيبقى شيك جدا ونازل منه اشكال كتير ونفس الوقت الفرو بيدفى الرجل والرجل لما بتدفى باقى الجسم بيدفى هاتيه الوان وحركات مناسبة مع اللبس

تمارين الصدر حاجيبها فيديو فى موضوع الرشاقة اوك ؟؟؟

بالنسبة البرا بصى انتى حددى ماركة معينة تلبسى منها زى لاسو او اى نتوع تانى وخلى البنت اللى فى المحل تديكى مقاس قريب ليكى وقسيه فى البيت ولو مش مناسب رجعيه وخدى مقاس تانى بعد كدا حتعرفى رقم المقاس وحتريحى بالك لان كل ماركة رقمها مختلف عن ماركة تانية وحددى كمان انتى بتحبى برا الكاب ولا المبطنة ولا حاجة زى تريلاك

[هنودة هنانيدو]

هند كلامك عن الثقه بالنفس مهم جدا جدا وفيه حاجه مهمه بردو فيه بنات مش بتبقى واثقه فى نفسها خالص فبتقول لخطيبها قبل الجواز انا عندى المشكله الفلانيه و الموضوع من وجهت نظرى غلط جدا جدا
بصى انا بشرتى عاديه وعايزة اعرف الفرق بين السكرب و الكلينسر و انهو احسن و اى ماركات كويسه معلش بقى هنتقل عليكى بس ان شاء الله كله فى ميزان حسناتك
انا فى كليه صيدله و اسمى شيمااااء وان شاء الله اخر امتحان ليا يوم الخميس

شيماء ياقمر ربنا يكرمك يوم الخميس وتبقى صيدلانية كبيرة اد كدااااااااااااااااااااا كمان يالالا شدى حيلك احنا محتاجين معانا دكتورة زيك تفيدنا

كلامك والله مظبوط اوقات فعلا تلاقى البنت تقول لخطيبها انا تخينة تخليه ياخد باله من حاجة هو نفسه مش شايفها انها مشكلة وهكذا فى باقى حاجات هى اللى تلفت نظرة للمشكلة خاصة ان الرجل اصلا بطبيعته معندهوش جزئية التركيز اوى

بصى يا شوشو السكرب ده بيستخدم مرة واحدة فى الاسبوع فايدته انه ينظف البشرة من كل خلايا ميتة اللى موجودة فيه وتكونت خلال الاسبوع ويشبل معاها كل الاتربة وبقايا حبوب يعنى نوع من التنظيف للبشرة بس يبقى مرة واحدة

كلينسر ده هو الغسول اليومى للبشرة cleanser ده كل يوم لما ترجعى من برا تغسلى بشرتك بيه مكان الصابونة طبعا ده زى الصابونة فى الفايدة نظافة ونعومة ومفيش مسام تتقفل بالدهون وتتطلع بثور سوداء بس طبعا مختلف تماما فى تركيبة كيمائية عن صابونة لانه مخصص للبشرة بالتالى مش حيجففها ولا يعنل التهاب فيها

ماركات بالنسبة سكراب فيه انواع جاهزة كتير حلوة واسهلها انك تعملى فى البيت ملح وليمون وزيت زيتون او ملح وليمون فقط لان فى ناس مش بتحب زيت زيتون زى حالاتى وعندك من جاهز يوكو سبا ملح الحليب وفيه من ستيفس stives وفيه ماركات زى نيفيا واوريفليم ونتروجينا كلهم حلوين

الغسول او كلينسر احسن الانواع بما ان بشرتك عادية تجيبيه بالحليب عشان الحليب منظف ومنعم ومغذى يعنى 3 فى 1 عندك مثلا نيفيا باللحليب للبشرة العادية nivea millk cleanser for normal slkin وفيه من نتروجينا واورقليم مجموعة اوبتاملس وفيه ماركات لوريال وغيره

[so0oma_the cat]

كتبت بواسطة n_h_essawy
كلامك جامد جدا يا هنوده وعندك حق في موضوع الثقه دى فعلا
انا قعدت فتره لا يمكن اقابل خطيبي من غير ميكب لانى كنت بحس ان بشرتى مش صافيه وانه هيعلق ان وشي مرهق او شكلك متغير او انت تعبانه او كده
لكن فى يوم قررت انى اقايس بقى واقابله من غير اى مكياج وقعدت بكل ثقه واتكلمنا وضحكنا ولا خد باله خالص عكس ما كنت متخيله اطلاقا
على فكره يا هنوووده انا ربنا كرمني برحلة عمره الاسبوع الجاي ان شاء الله وكنت عاوزه نصايحك انت وباقي البنات بقى لو فيه حاجه تسمعوا عنها تستحق انى اجيبها من هناك لو مش موجوده فى مصر او كده
وطبعا الدعوات يابنات انا ان شاء الله هدعي للبنات كلهم بس برضه الي عاوزه دعوه مخصوصه تكتبهالي وربنا يقدرني وادعيلكم كلكم

يارب تروحى وترجعى بالسلامه ويتممهالك ع خير
وياريت ربنا يخليكى تدعيلى انى انجح فى حياتى ومش ابقى حد فاشل ويرزقنى بالزوج الصالح وعلى فكره ماما اسمها هناء لو هتدعيلى باسم ماما يعنى

نودا ياقمر كل سنه وجوزو وانتى طيبه ويجمعكم ع خير بارك الله لكما وعليكما ويجمع بينكم بالخير اللهم امين

اسالك بقى ومعلش لو هطول اولا اللى ليه علاقه بالموضوع بصى هو ايه السيلوليت ده؟ وانتى قلتى قبل كده ان زيت الزيتون بيسمر مع المياه طب ازاى هحطه فى المنطقه الحساسه يعنى واسيبه ساعه طيب لو مكان حصل عرق ماهو هيسمر؟؟؟
طيب انا كان نفسى منطقه الصدر عندى تكبر هى مش صغيره اوى يعنى بس نفسى تبقى كده زى هيفا والناس دى فعملت ايه بقى بقعد فى البيت من غير برا عشان يكبر بس فى حد قالى غلط هيبوظ انتى ايه ايك؟؟؟؟
اه بصى موضوع الثقه ده تعرفى انا مركبه لينسز تعرفى لو خرجت من غيرها ببقى مش واثقه فى نفسى خالص بصى كانت الاول عسلى فاتح لما كنت بقلعها كنت بحس ان ماحدش بيحس بفرق بس انا ببقى مش واثقه فى نفسى ودوقتى غيرت اللون بقى اخضر
ومش ببقى واثقه من نفسى لو خلعتها لدرجه انى لو خرجت من غيرها تلاقينى بعمل فى شكلى حاجات تخلينى وحشه مش عارفه بجد ايه الحل
معلش والله طولت عليكى جيه بقى ميعاد السؤال اللى مش ليه علاقه بالموضوع وميرسى ليكى والله انتى اللى كلك زووق بصى يا نودا ان حلم حياتى اعمل مشروع جامينزيوم وساونا وحمام مغربى وتعليم رقص للعرايس وبعد ما شفت التوبيك بتاعك وحياه ربنا الفكره كبرت فى دماغى بس تحت شعار(لارضاء الازواج ومنع المحرمات) سمعتى نفسى اعمل مشروع ايه هههههههههههههه بس ده عاوز وقت كتير هو مش كتير اوى بس كتير برده بس انا نفسى اعمل مششروع جمب شغلى يعنى فاانا عندى المكان بس هو صغير يعنى ومش عارفه اعمل فكره ايه لحد ماابقى احس ان خلاص وصلت للفكره الكبيره انتى ايه رايك عاوزه حاجه تكون مضمونه ومسبها كويس وتكون فكره كويسه وجديده وحلو زيكووو يعنى ياريت تقوليلى رايك انتى والبناتيت الجمال اللى هناواسفه ع الاطاله ياقمرات