الامهات الجدد: كل سنة وانتو وجميع امهات المنتدى طيبين((تم دمج الموضوعين))

[2-happy]

بصوا يابنات قولولى لما انزل مصر باذن الله اشرب ياسمين عادى ميه الحنفية ولا معدنية زى السنة اللى فاتت,لانها كانت صغيرة وكنت خايفة تعملها نزلة معوية ولا حاجة
خليكوا معايا على الخط كده وكل ماافتكر حاجة هاسالكم انا اصلى متلخبطة خالص وفرحانة خالص برضو بس محدش يقول لجوزى

[om belal]

هابي بوصي احسن حاحه تشربيه ميه من الفيلتر عادي عشان لو عودتيها علي المعدنيه حتتعب لو في اي مكان مكنش في غيير ميه معنيه و شربت الميه العاديه حتتعب خليها تاخد مناعه كده و تشرب عادي زينا هي كبرت انا بلال بشربه ميه عادي خالص عماار بس عشان لسه شهوور ف بشربه المعدنيه اما شويه كده اما يكبر و يشد حشربه برده عااااادي يخده مناعه
و هاااا انتي نازله مصر امتييييييييييييي ؟؟؟؟؟؟و حتكوني في القاهره ولا محافظه ثانيا ؟؟

[2-happy]

عندك حق ياحبيبتى
انا باذن الله نازلة اخر 10...وهاكون فى اسيووووووووط هيييييييييه
عقبال كل اللى متغربين
انتى فين ياام بلال

[2-happy]

عندك حق ياحبيبتى
انا نازلة باذن الله اخر 10 ....اسيوووووووووووووط هيييييييييييييييييييييييييه
انتى فين يا ام بلال

[om belal]

انتي قربتي خاااااااااالص تيجي بالف سلامه ياااااااااااارب
انا في القاهره

[ام توتة 2008]

هههههههههه قلب ابيض يا ام بلال
انا جبتها من زماااااااااااان وملحقناش نطلع بيها البيت اصلا
اصل توتة لازم تدوس بالقلم لغايه ما تتاكد ان الكلمة اتحفرت ع السبورة مش اتكتب ههههه
يادوب من اول ما فتحتها فى العربية شخبطتي تلاته كان السن المغناطيسى اتكسر
قلت مش مهم هى معاها اشكال هندسية كدة فيها مغناطيس بتكتب برضه
قبل ما الاسبوع يخلص كانو ضاعو كلهم
ده غير انها كتبت ع البورد بالقلم الجاف
جربى الاشكال الهندسية مهمه اووى
وانا برضه هجرب لتوتة البازل دى بتاعت الارقام والحيوانات فكرتها حلوة اووى



هابى انا من اول سنه شربت توتة من الحنفيه خدت مناعتها بدرى بدرى هههههه
اصلا المية المعدنية فى مصر مكنتش بلاقى انواع كويسة ودايما الاقى تاريخ انتاجها قديم وطعم المية متغير وبيقولو انها مش بتبقى معدنية اصلا
وكذا مرة اتحطيت فى موقف نبقى فى مكان مفي ميه معدنية
فشربتها من الحنفية وخلاص
بس حاولى تحطى فلتر فعلا
او تملى كوبايه مخصوص ليها وتسيبيها شوية عشان لو فى المية شوائب تترسب
او لو خايفة وهى مناعتها قليلة اغليها وسيبيها تبرد

[Mera]

مبروك يا لوجى الفطام
وربنا معاكى ويقويكى فتره وهتعدى

هابى ترجعى بالف سلامه وزى ماقالتك ام توته جربى الاول وربنا يوفقك للى فيه الخير
هى العيشه فى وسط اهلك طبعا مفيش حاجه ابدا تعوضها واسالينى انا بس برضه هتحسى ان فى حاجه مهمه ناقصه
انا بقول لزوجى انا حاسه انى بقيت مقسومه اتنين لا حاجه بتحصل هنا بتفرحنى عشان ببقى عايزه اهلى معايا ولما بنزل اجازه برضه مفيش حاجه بتفرحنى عشان ببقى عيزاه يكون معايا
الغربه مره اوى اوى اوى اوى اوى اوى اوى
وعلى فكره انا كنت بشرب مانو من الحنفيه عادى كان عندها سنه ونص تقريبا

ام بلال البقاء لله وربنا يجعل مثواها الجنه
انا كمان جدتى توفت قبل العيد بيومين ادعولها بس هى كانت تعبانه اوى اوى ياحبيبتى
الله يرحمها يارب

ام توته اخدنى نفس مقلب الكحك بتاعى ياعينى معلش
وفكره حلوه اوى موضوع السيرك دى
انا نفسى بقى اروح بمانو حديقه الحيوانات نفسى اشوف رد فعلها بس لما الحر يروح شويه

حبيبه تيتو الف سلامه على ريناد والحمد لله انها رجعت للشقاوه

[om belal]

ميرا البقاء الله لجدتك ربنا يرحمهم جميعا يااااااااااارب
حلوه اوي فعلا فكرت السيرك و جنينيه الحيوانات ان شاء الله اشوفف و اوديهم ل بلال
بلال بقه عنده اي حيوان يبقه هو هو

[2-happy]

الله يسلمكم ياقمرات
خلاص هاعمل زى ماانتوا قولتوا
ميرا عندك حق وانا مجربة فعلا ...بس بصراحة مصر اهون من هنا على الاقل ياسمين تشوف ناس وتروح حضانة عشان تتكلم بدل ماهى محبوسة هنا متعرفش حاجة فى الدنيا غير السوبر ماركت وشغل باباها والبيت ...احنا هنا طبعا لا فى سيرك ولا جنينة حيوانات ده غير انى على طول لوحدى مفيش حتى جيران اكلمهم
يلا الحمد لله ادينى هاخلص فى اقل من شهر
البقاء لله ياميرا وياام بلال

[ام توتة 2008]

ميرا البقاء لله

جيتى ع الجرح والله انا كمان بقيت مقسومة اتنين
فعلا الغربة مرررررررررررررررة جداااااا
ربنا يهونها علينا جميعا



هابى انزلى جربى كام شهر وريحى اعصابك
وبعدين اكيد هتقررى ترجعى لجوزك تانى ههههههه نصك التانى هينقح عليكى
انا لما طولت فى ولادة توتة وقعدت خمس شهور فى مصر كنت خلاص هتجنن وارجع ههههه


توتة بقى من كتر ما السوبر ماركت بقى اهلها
بقت لما نفضى الحاجات من التروللى بتاع الشوبنج واحنا مروحين تقول للتروللى باى باى
هههههههه ما هو عشرة بقى بتقضى نص وقتها فيه وبتشوفه اكتر من باباها نفسه