"عروسات المستقبل تعالوا اقولكم".. جزء ( 13)

[hindii]

ازيكم با قمرات وحشتوني موووووووووووت
كل سنة و انتوا طيبين
متكلوش لحمة كتير يابنات.
انا سمعت دكتورة بتقول مش كويس ناكل لحمة طول النهار
كفاية مرة واحدة في الغداء و بكمية قليلة
سما ح مبروك عليك يا حبيبتي ربنا يتمم عليك بالخير شدي حيلك
عقبال كل العروسات انشاء الله

[حنين عمرى]

ماشاءالله عليكى وجعله الله فى ميزان حسناتك

[pink_heart]

ازيكم با قمرات وحشتوني موووووووووووت
كل سنة و انتوا طيبين
متكلوش لحمة كتير يابنات.
انا سمعت دكتورة بتقول مش كويس ناكل لحمة طول النهار
كفاية مرة واحدة في الغداء و بكمية قليلة
سما ح مبروك عليك يا حبيبتي ربنا يتمم عليك بالخير شدي حيلك
عقبال كل العروسات انشاء الله

كل سنه وانتى طيبه ياهند عيد سعيد عليكى وعلى حبايبك ياقمر
صح المفروض مناكلش لحمه كتير بس فين ماما تسمعك
ده الفطار لحمه والغداء لحمه والعشاء كمان لحمه ده قانون كل عيد على كده
اما الواحد خلاص حاسه انى قربت أمأمأ هههههههههههههههه

[eng_menna]

ازيكم ياقمرات وحشتونى بجد

كل سنة وانتوا كلكوا طيبين ومبسوطين وفرحانين وكويسين كمان

[lovelydream]

السلام عليكم و رحمة الله و بركاته
كل سنة و كل البنوتات القمرات و عروسات المستقبل و المسلمين و امة النبي اجمعين بخير و صحة و امان يا رب
و يا رب السنة الجاية كلكم محققين كل احلامكم يا رب
يا بنوتات العروسة القمر سموحة بتسلم عليكم كلكم كتييييييييييييييييييييييييييييييييييييير جدا و بتقول هتاحول تكون موجودة مرة قبل الفرح ان شاء الله لو الظروف ساعدت و بتقلكم كمان ادعولها

يا رب يا سموحة يتمملك علي خير و تكوني احلي عروسة في الدنيا كلها
و يالا بقي يا نودة عاوزين نقول مبروك قريب
اللهم تقبل

[lovelydream]

بجد موضوع هايل وانا زعلانه اوى انى مكنتش معاكو من الاول
وعايزه اقولك انى سجلت فى الموقع هنا عشان اكلمك واسئلك شوية اسئله كتار
ممكن تقبلونى معاكو؟

سما القمر اهلا و سهلا بيكي معانا يا قمر و متزعليش يا جميل احنا هنا اهو كلنا معاكي و لو عاوزة تعرفي البنات القمرات دول زيادة ادخلي لمجموعة عروسات المستقبل برده

[lovelydream]

ازيكم ياحلوين وازيك ياهنودة ياقمر انا قلت بس ادخل اسلم عليكم واطلع تانى بمتحن ميد ترم اليومين دول ادعولى بقى

ربنا معاكي يا جميل و موفقة باذن الله و انتم السابقون و نحن اللاحقون

[lovelydream]

تسلميلي ياقمر ربنا يبارك فيكي معلش تعباكي معايا
طب ممكن المقادير بالظبط ياقمر؟
اصل انا شعري جااااف وخايفة الخل ينشفه اكتر

ميويا القمر في البداية يا جميل انا اسفة جدا اني اتاخرت عليكي في الرد بس معلش كانت النفسية مش تمام اوي بسبب اللي حصل للمصريين

ندخل بقي يا جميل في الموضوع
الحنة بتحطيها علي حسب طول شعرك يعني ممكن كوب او واحد و نص اذا كان طول شعرك متوسط و هكذا تقللي او تكتري علي حسب طولة
و بيضة و ملعقتين خل تفاح و دا مفيد جدا للقشرة و قطعة زبدة متوسطة يعني اد مثلثين جبنة كده و علبة زبادي بس سادة و لو عندك لبن رايب اوك عادي و الخل دا يا قمر انا اللي اعرفه انه بيخلي للشعر لمعة كمان بيساعد علي تقليل القشرة بس برده اتاكدي من نودة القمر اضمن و تعجنيهم كلهم مع بعض و لو عاوزة لون احمر هاتي دم غزال و قشر رمان من عند العطار
و تسيبيهم من نص ساعة لساعة تخمر و بعد كده تحطيها علي راسك بس بعد ما تكوني غسلاها و يا ريت تسريحها الاول قبل ما تغسلي علشان مش تزهقك في التسريح بعد الغسيل لا تكون سهلة
و تبدا تحطي علي شعرك و تغذي الفروة كويس و تتاكدي ان فروة راسك كلها عليها حنة و بعد كده خصلة خصلة تدهنيها بالحنة و تلفي شعرك بالطريقة اللي تحبيها و تسيبيها من ساعتين ل 3 ساعات و بعد كده تغسليها و ان شاء الله شعرك يكون جميل زيك كده
و لو استمريتي عليها كل اسبوعين نرمة لمدة من 3 : 6 شهور هتكون النتيجة اكتر من روعة
و شعرك مش هيكون ناشف لان الزبدة و الزبادي و البيض بيطروه و يغذوه جامد
و الحنة معقم لفروة الراس و بتنضفها من كل حاجة حتي لو فيه صداع و دا كلام الرسول عليه الصلاة و اتم التسليم

[nahed_love]

لو سمحتى يانودة عايزة اعرف كل الاتيليهات الموجودة فى محطه الرمل والابراهيميه علشان لما انزل انزل عليهم على طول لانى مش من الاسكندريه واساميهم بس ياريت بلاش اللى كنتى كتبتيهم قبل كدة فى الاجزاء الاخرى وكل سنه وانتى طيبه والسنه الجايه تكونى مع جوزك فى كمان حاجه لو ححجز الفستان وانا فرحى فى شهر 2 ان شاء الله احجزة قبليها من امتى كدة شهر ولا اتنين وشكرااااااااااا لك

[eng_menna]

ازيك ياهنودة عاملة ايه يارب تكونى بخير يارب انتى وكل البنوتات القمرات وكل الى موجودين على المنتدى