"عروسات المستقبل تعالوا اقولكم".. جزء ( 12)

[ruby_lovely]

روبى اهلا ياقمراية بقالك كتير مش موجودة ,, ياقمر اسالى زى ما انتى عايزة براحتك

1 = الخطوط البيضاء انا مشوفتش حد اعرفه بس عن تجميع اراء البنات لقيت ان بانثينول حلو وعملى لانه اصلا كريم مرطب للبشرة وغنى بمادة بانثينول وبيجدد البشرة
والوصفة تانية بتاعة خل التفاح بس نصيحتى انك الاول خليكى فى بانثينول هخو اصلا ملهوش اضرار

2 - لون المصفر برافوا عليكى اعملى تحاليا دم كاملة اسمها صورة دم كاملة شوفى هيمجلوبين كام عشان الانيميا وكرات الدم الحمراء وسرعة الترسب فى الدم يعنى شوفى تحليل لو مفيش حاجة ان شاء الله يبقى تهتمى بالتغذية وده كان دكتورة باطنة قايلة عليه لانى بردو كان وشى عالطول مصفر وعملت تحاليل مفيش حاجة قالتلى اهتمى بالخضار والفاكهة واللبن والسلطة وشرب ماء وفعلا عملت كدا والاصفرار راح انتى كمان اهتمى بالاكل وكمان العبى رياضة والله بتغير فى كل حاجة

3 - السيلوليت بصراحة احسن حل لها بجد الرياضة ثم الرياضة وشرب ماء كتير كل كريمات مؤقتة ومش عملية بس لو عايزة تجربى هاتى دوف لشد البشرة بس هاتى المستورد مش المصرى

4 - خميرة اللى بتتحط ايوة فى اكياس بتاعة الخبيز بتدوبيها مع ماء ورد لغاية ما تبقى زى ماسك وتتحط فى الوش لمدة ثلث ساعة وتتعمل مرة فى الاسبوع

5 = زيت اللوز المر ايوة لتحت العين حلو جدا وبيتعمل كل يوم مفيش مشكلة وماسكات الوجه ايوة مرتين

ميرسي ياهنوده ياقمر بجد برتاح اووووى لكلامك وبستفاد منه كمان ان شاء الله هطبق كل الحاجات ديه وبندعيلك ربنا يتمملك على خير وتبقى احلى عروسه قررررررررررررريب

[basbosa.2]

بسبوسة حبيبتى عاملة ايه ؟؟؟ انتى والله بجد بتوحشينى ونفسى يارب اطمن عليكى قريب

لو عليا عايزة ادخل كل شوية لانى بجد برتاح اوى معاكم بحس انى مبسوطة ومطمنة اوى معاكم وانى وسط اصحابى بس غصب عنى الشغل وكمان خلاص ربنا سهل الامور وقرب ميعاد الزواج وبخلص ورقى فى القنصلية وبكمل شوية حاجات فمعلش استحملونى ....

السيوليت ده طبقة بتبقى فى الجلد عاملة زى تعرجات يعنى تلاقى جلد طالع نازل كانه متنى كدا بيبقى اكتر فى الرجل والارداف بيبقى طبقة خشنة يعنى مش ملمس ناعم طبعا بيخلى شكل الجسم مش حلو

لو عايزة ابعتلك كتاب بيتكلم عنه اوك ومعه الصور

ياحبيبه قلبى ياهنوووووده بجد فرحتينى قوووووى والله..........ربنا يتمملك على خييييييييير يااااااااارب ويسعدك والله انا بدعيلك علطوووووووووول.....انا فرحانه قوووووى علشانك

لالالالالالالالا ياستى لو كده اتاخرى براحتك...مع انك بتوحشينا قووووووى بس اهم حاجه تكونى مبسووووووووووووووووووطه...........ربنا يسعدك ياااااااارب

اه ممكن اشوف الكتاب ده لو ينفع ابعتهولى.....اصل انا عندى عالارداف زى مش عارفه كانها علامات خروم كده ههههههههه مش عارفه اوصفهالك ازاى بس هى ناعمه عادى معرفش ده عادى ولا ايه؟؟؟

[az-butterfly]

السلام عليكم
ازيكم يا بنوتات يا قمرات ....... العروسات القمرات " سموحة" .. " ريمى " ربنا يوفقكم يارب ويتمملكم على خير وتبقوا احلى عرايس ان شاء الله


بسم الله ماشاء الله ..." هنودة" العسولة القمرايه ..ايه الاخبار الجميلة دى

يارب يا هنودة يتمملك على خير ...ويوفقك ويسعدك ان شاء الله ويجمعك بزوجك على الف خير يارب العالمين .. والله تستاهلى كل خير فى الدنياوالاخرة ان شاء الله

بجد يا هند فرحتلك جدا جداااااا .. ربنا يتمملك على خير

بارك الله لكما وبارك عليكما وجمع بينكم فى خير وعلى خير

ابقى افتكرينا بدعوة يا نودة كدة ان شاء الله هناك...وربنا ييسرلك الحال يارب

[هنودة هنانيدو]

ازيكم ياقمرات.. ده موضوع حلو عن ماء الورد كاتبه خبيرة تجميل اسمها رقية عباس

مرحبا بنات اليوم راح نتكلم عن موضوع مهم للبشرة وبنفس الوقت طبيعي واتوقع موجود باغلب البيوت وهو عن ماء الورد سمعتوا عن فوائد ماء الورد العجيبه حياكم الجواب نقلته لكم للفائدة

فوائد ماء الورد

مسح الوجه كل يوم بقطنة يخلي البشرة نقيه جدا وجميله وياريت قبل النوم وريحته جداا مقبوله.

شربها على الريق يفتح لون البشرة ويصفيها .

ماء الورد يصغر المسام ومفيد لحبوب الشباب وذالك بغسل الوجه يوميا بماء الورد البارد

يزيل الانتفاخات بالعين عن طريق الكمادات

مفيد للرموش والهالات السوداء

وايضا اذا وضعتيه مع النشاء كخلطه بعد نزع الشعر يعطي نعمومه ويمنع الحساسيه بالجلد.

اذا تعرض الجلد للتسلخات مفيد جداا للاطفال والكبار ايضا وذلك بخلطه مع قليل من النشاء ويعاد استعماله عدة مرات متتاليه

ماء الورد من خواصه انه مبرد للجلد امن جداا مع الاطفال والكبار ومفيد جداا لمنع الحكه وتخفيف الاحمرار بالجلد ورفع الجلد الخشن

ايضا يمكنك خلط ملعقة شاي ماء ورد مع ملعقة شاي حليب نيدو يعطيك ماسك روعة لبياض البشرة

[red roseee]

مرسي ياهنودة على المعلومات الجامدة دي

[rose85]

هنودة تسلمي على موضوعك عن فوائد ماء الورد انا فعلا محتاجة لهالاشياء والن شاء الله اجيبه باسرع وقت

[ملوكة 12]

معلومات جميله جدا يا هنوودة
بس عارفة فى عداوة بين بشرتى للأسف وماء الورد يا خسارة
تلمس وشى الاقى مكانها حبوب علطول والتهابات
بجد يا هنوودة فرحتينا ان ميعاد فرحك قرب الف مبروك ويلا بسرعة
بقى عايزينك تكلمينا من السعودية بقى بس أوعى تنسينا هما يومين تتجوزى
على السريع وترجعلنا علطووووول مليش دعوة

[رحاب الرحمن]

تفتيح بين الافخاذ اما بيتادين لوحده او زيت اللوز المر او زيت جنين القمح والافضل تجربى بيتادين اسبوعين عشان يشيل اى بكتريا ضارة وبعدها الزيوت ديه عشان تنعم وتفتح او جليوسليد مع الليمون بردو حلو بس عايزة استمرار

ياريت يا نوده تقوليلى استعمل بيتادين يوميا ولا عدد مرات معينه فى الاسبوع واحطه قبل النوم وانام بيه واغسله الصبح ولا اغسله قبل ما انام ... وبعد السبوعين ابدا من تانى يوم مباشره فى استخدام الزيوت ولا استنى شويه , واحط زيت لوز لوحده ولا اخلطه مع زيت جنين القمح , الجليسوليد والليمون مقاديرهم أد ايه ........ عندى سؤال تانى: انا عندى فرق فى نص شعرى من الامام مش بيروح خالص مهما غيرت فى تسريحه شعرى,هل ده نوع من صلع الاناث وياريت تقوليلى الحل ايه .......انا جبت نخاع من الجزار واشتريت زيت خروع وناويه باذن الله اخلط زيت النخاع مع الخروع واعمل بيهم حمام زيت لانى سمعت انه بيتقل الشعر ويطوله ياترى الكلام ده صحيح وايه رأيك فى حمام الزيت ده ويا ريت تعرفينى الطريقه الصحيحه لعمل حمام الزيت واسخن الزيوت قبل ما استعملها ولا لا ...................... بجد يا نوده ميرسى ليكى اوى ويشرفنى اننا نكون اخوات والف الف مبروك يا قمر على قرب الجواز وربنا يجعلك دايما جميله فى عيون زوجك ان شاء الله ويجمع بينكم فى خير

[رحاب الرحمن]

ملعقتين عسل وملعقتين حليب سائل او طازج وملعقتين نشأ ضعيها على

الوجه والرقبة نصف ساعة وبعدها اغسليها بالماء فقط وامسحي وجهكي بماء ورد
وتستعمل هذه الخلطة مرتين باليوم وان شالله تشوفون النتائج بعد اربعة ايام او اسبوع

ايه فايده الوصفه دى يا هنوده تفتيح ولا ايه ........ وايه هو البيبى ليس؟ هو زى المكواه كده ولا ايه وهل ليه اضرار على الشعر مع تكرار الاستخدام .... ميرسى اوى يا نوده

[رحاب الرحمن]

ازيك يا نوده .. انا اشتريت زيت خروع من العطار هو لونه مائل للاصفر مش ابيض شفاف بس اللى فى المحل حاطه فى حاجه كده زى قاروره كبيره ومش مكتوب عليه اى حاجه لا ماركه ولا حاجه خالص ولما طلبته منه حطلى منه فى ازازه صغيره , ده يبقى كويس ولا لا