ملف عن اطباء الاطفال بمصر

[منلا]

هل يوجد طبيب ممتاز يكون مقيم باسيوط لاني انا واختي مقيمين بها ويصعب علينا المجيء الى القاهرة ارجو الرد السريع على طلبي انا واختي منلا واختي منار

[منلا]

اريد عنوان طبيبين يكونوا من اسيوط لي ولاختي

[kouky5]

ان شاء الله البنات يساعدوكي

[sondosa5]

اذا سمحتم عاوزة اعرف دكتور اطفال شاطر وبيشخص كويس زى الدكتور مدحت الزيات اللى على قناة الحياة 2 يوم الثلاثاء الساعة 2
بس فى الاسكندرية
لانى دوخت مع اغلب الدكاترة اللى هنا ومش مستريحة مع حد
وشكرا

[nona24]

انا من شبرا,فى دكتور كويس جدا اسمه ممدوح العربى هو استشارى،صاحب مستشفى توشيبا العربى اللى فجزيرة بدران،و المستشفى فيها عيادات مختلفة،لكن علشان هو دكتور اطفال فهو مهتم جدا بقسم الاطفال،يعنى مثلا فى دكتور اطفال فى المستشفى 24 ساعة علشان حالات الطوارئ و فى كذا دكتور اساتذة فكليات طب مختلفة بييجو المستشفى غير دكتور ممدوح ،فى دكتور كويس اوى اسمه ياسر عبدالرحمن بيروح هناك،كشف دكتور ممدوح 40 جنيه و ده اغلى كشف هناك و دكتور ياسر ب 30 بس طبعا المشكلة فالحجز و الزحمة زى معظم الدكاترة
نمرة المستشفى 25776808

[nona24]

فى دكتور تانى فالمهندسين شاطر جدا و معندوش مشكلة الزحمة و الحجز و احسن حاجة فيه انه مش بيحب يكتب على ادوية كتير و بالاخص المضادات الحيوية الا لو الحالة مستدعية دة اوى،اسمة ناصر جمال فميدان سفنكس،بس كشفه غالى شوية 150 جنيه بالاستشارة و نمرة العيادة 33448055

[kouky5]

نونا ربنا يبارك فيكي علي الافادة ....شكرا لكي

سندس ربنا يوفقك وياريت حد من البنات يكون يعرف دكتور في اسكندرية ويبلغك

[sondosa5]

هاى يا كوكى
الحمد للة انا اتوفقت عند دكتور كويس فى الاسكندرية اللى انا منها طبعا اسمة
دكتور طارق الوليلى
وهو فى سابا باشا وكشفة 52 جنية
هوذوق جدا وبياخد ويدى اوى اوى فى الكلام ومريح واظن ان الكشف بتاعة كدة (الفيزيتا) حنينة اوى اوى
وكمان فية ميزة ان تلاقى عندة التطعيمات الاضافية وبسعر معقول بالنسبة للدكاترة التانيين

[النداهه]

الدكتور اللى بتابع معاه اسمه مجدى الزينى دكتور شاااااااااااااااااااااااااااااااااااطر جدا وقديييييييييييييييم فى المهنه وسعره غير 26جنيه كشف رغم انه فى المحله الكبرى الا انه بيجيله من المنصوره وطنطا وكفر الشيخ واماكن كتير هوا دكتور فى الجامعه المنصوره ومبيديش علاج كتير وعنده امم بحجز من الساعه 11 الصبح واروح الساعه 4 ومكشفش الا9 او10

[kouky5]

هاي يا سندس الحمد لله انك اتوفقتي في دكتور شاطر ..وشكرا لكي علي الافادة يا جميل

النداهة شكرا علي مرورك وعلي الافادة بخصوص الدكتور