دوانية كويتيات وسوالفنا وين رحتي ؟ وين جيتي ؟ شنو شريتي ؟؟؟؟؟؟؟؟؟؟؟ وشنو جديدك ؟

[كمثرى]

بناااات اشلونكم أنا رديت لكم
والله كنت مشغولة هالأيام بس اشتقتلكم
هلا والله بالبنات الجدد نورتوا الديوانية
أوميجااااااااااا اشلونج شخبارج الدوحة بتنور بوجودج والله اليوم رحت ادور قطعة حق الحنة بس ماعجبوني قلت بكرة بروح مركز الدانه عنده قطع حلوة مالت الهنود ورحت أمس السوق منزلين قمصان عجيبة خذتلي كم واحد والأسبوع الجاي بروح الحسا والخبر وبترس شنطتي (يعني الدزة) الشنطة الأولى انترست باقي الشنطة الثانية
بغيت أسلم على شهوده اشلونج حبيتي عساج بخير
وطيوف وأنفال شخباركم
بس مابي اطول عليكم بروح الحين الخياط افصل تنانيري
ولي عودة ان شاء الله

[سيموني]

ماشاللــــــــــــــه الديوانيه عامرة...

حبيت أمر عليكم بس

اي عهود .. انا حاولت ادزلج أرقام المشاغل بس انتي معطله المراسله بلإيميل .. والرسايل الخاصه بس للمشرفين .. شنو الحل؟؟

[q8ya]

قوووووووووه بنات وحرررريم شلونكم وشخباركم

مشكورين على الترحيب

واذا سوالف عن السوق ترى ماراح نخلص منه لان السوق المكان الاكثر متعه عند الحريم

شنو تبون اسولفلكم عنه مكياج ولا ملابس ولا دراريع ولا شنو ترى خبرة بالسوق

يالله ابي قهوة عربيه شقرة ماحب السوده ثقيله

[شاطره]

قوه خواتي

اشلونكم انشالله طيبين احيي الجميع بدون استثناء

عهود حبيبتي انا عندي ارقام المشاغل ملوت الحريم ام سلطان وبنت العذاب وام ماجد وريميه وام جابر

ام فهد ام نواف وغيرهم اللي تبين رقمها قولي لي واكتبه او ارسله خاص

شهوده اكمل لج سالفة الفحيحيل ام الدنيا على قولة اخوي في سوق بازار نفس طقة سوق نايف بس اكشخ شويه

تلاقين فيه بيجامات اطفال حلوة وجناط ومكياج وعطور وشحاطات وعندنا سوق الصباح يوننننننننننننننس

يصلح اكثر شي حق الحريم الكبار اكثر محلاته ابو دينار وبهارات وعطارين كل شي عندهم

[شاطره]

صج تعالو محد فيكم عطاني معلومات عن تايلند ليش باالله؟

[شاطره]

الظاهر ماكو غيري عادي اكلم نفسي وانتظر ردودكم باجر


بنات موجنا نسينا شي؟ ماتعرفنا على بعض اكثر. يعني متزوجه مو متزوجه موظفه ولا ربة بيت العمر الهوايات



انا راح ابدا معاكم شطوره الاموره متزوجه وعمري ثلاثين : مدرسه عندي بنتين وولد فديتهم

محلاهم الله يحفظهم قولو امين. هوايتي السوق ثم السوق ثم السوق

واذا تذكرت شي قلتلكم ناطره ردودكم على احر من الجمر

بحفظ الرحمن

[شهدQ]

معاك شهد بالضبط نفسك بس افرق ربة بيت اخذت الشهاده وقعدني الحمش وعمري 30 سنه

شطوره انا مارحت تايلند لان ابوالعيال مطوع مايرضى بس اكيد راح ينفعك هالرابط وابيك تدعيلي


http://www.travel4arab.com/vb/forumdisplay.php?f=83


وابيك تقوليلي شنو شريتي من ماليزيا هناك وشنو الاسواق الي عجبتك والاماكن الحلوه لاني بروح بعد 4 ايام عسى الله لا يحوسنا وتسهل بسرعه بسرعه بسرعه معاك لي الصبح اطربيني عزيزتي ؟؟؟؟؟؟؟؟

[شهدQ]

اوميجا شلونك اي والله الوقت يركض بس اذا رحت ابيكم ماتخلون الدوانيه فاضيه ترى اذا جيت بشوف المشاركات ماوصيك عاد انتي والبنات وياليت ياليت الي راحت ماليزيا تفيدنا شنو هناك اشياء حلوه نقدر نشتريها وتتميز فيها ماليزيا والي شارين ساعات وشنط تقليد تعلمنا بجودتها تكفون تكفون بلييييييييييييز ؟؟؟؟؟؟؟؟؟؟؟؟

كمثري عسى يوفقك بالتجهيز ان شاء الله بنات شلونكم كلكم ؟؟؟؟؟؟؟؟؟؟؟

[شاطره]

هلا شهوده حياتي شوفي ياقلبي ماليزيا الصراحه ونيسه فيها الغالي والرخيص واحلى شي الاكسسوارات

والشحاطات واجناط وعندهم حلاو من فواكه طبيعيه يجنن الكل انهبل عليه لما جبته


الملابس عندهم موشي بس راح تعجبج الطبيعه الخلابه والمناظر الطبيعيه والجبال الخضرا يعني بلد

حق تمشيه ووناسه

بالنسبه للجناط التقليد والساعات انا الصراه ما اخذت منهم لان جودتها مو ذاك الزود انا بس شفت اللي بالحي الصيني ما ادري عن اللي بالاماكن الثانيه

بس اكو عندهم جناط رخيصه بس روعه موماركات


والمجمعات راح تلاقين فيها الماركات الغاليه والبضاعه اللي اسعارها مناسبه

[غفرانك]

ابصراحه خووش فكره سالفة الدوانيه هاذي وينا عنها من زمان

بنات انا ابي اسالكم عن اليوكو وين اقدر اسوي اليوكو اذا عندكم اي معلومه لاتبخلون علي فيها

انا سمعت بمجمع ليلى غالري منو ايعرف وين المكان بالظبط

وسلاامتكم