ريجيم النقاط متعة وصحة وحرية باذن الله ... التسجيل مفتوح على امل ينورونا الحبايب :)

[انوار الليل]

مرحبا يا حلوين
كيف الحال
مبروك عليكم الموضوع الجديد
انا لبيت النداء باعتبار اني بعتبر نفسي من الاحباب
اما تعقيد ههههه

ما شاء الله عنكم
شطورين ان شاء الله بتفرحو بلوزن الي بتحبوه في الوقت القريب

كتير اشتقتلكم ساره ومرومه
وكل الصبايا الي كانو معنا قبل ان شاء الله ترجع الجمعه الحلوه من جديد

انا من فلسطين بابا وماما ولدانة بسوريا ولكن ولادتي ونشاتي بسوريا

فاجاتيني ساره
ما كنت اعرف انك فلسطينيه
اننا زيك ع فكره فلسطينيه ومولوده في سوريا طلعت منها عمري 4 سنين

[الشفاعة]

هههههه اهلا نوارة.. اي فلسطينية
انا قرايبتكم
بس للاسف لانولدت ولاشفت فلسطين لا انا ولا امي وابي ممنوع من دخولها من 30سنة

يارب تحرر الاقصى وتفرجها ع اهلنا ياارب

بس مواليدي وعيشتي بسوريا

[انوار الليل]

ان شاء الله يارب يسمع منك
حبيبتي انتي ولو بنتشرف فيكي ياعسل

اقلك شي انا وابي برضه كنا ممنوع ندخل فلسطين بس فتنا بعد اوسلو بس انا وهو وامي وباقي اخوتي كانو يروحو ونقعد نستناهم لحالنا
ههههههههههه

[الشفاعة]

سبحان الله... ربي رزقكم شوفة ارضنا الله يرزقني وكل محروم ياارب صلاة هنيك...
تشرفت فيكِ نوارتي انت وكل اهل غزة

[انوار الليل]

اميين يارب
تسلمي يا غاليه
بنروح سوا ع الاقصى
هههه
هاي اتواعدنا اوكى
عرفنا المكان وان شاء الله الموعد قريب

[الشفاعة]

هههه

اميين يااارب عن قريب ان شاء الله

[فاطمة العايدي]

يوميات الثلاثاء:

الفطور : كاسة حليب خالي الدسم 1ن ..
قطعة جبنة صفرا قد حجم معلقة كبيرة " ما بعرف كم نقطة "
قطعة صغيرة مدورة قد قطر كاسة الشاي خبز ذرة .. واللي هي بالأحرى أكلة فنزويلية اسمها arepa عبارة عن عجينة من دقيق الذرة بتنعمل بشكل دائرة مثل الخبزة .. اما بتنقلى او بتنشوى .. وانا شويتها ما فيها زيت ابدا

سناك :
كاسة عصير بابايا غير محلى 1 ن

الغدا :
5 فطاير لحمة انا عملتهم في البيت .. اللحمة هبرة بدون دهن وما حطيت اي من الدهون بالحشوة .. حطيت فليفلة وبندورة وبقدونس وبصل وشطة وملح بس .. والعجينة عجينة العشر دقايق ما فيها غير كاسة صغيرة زيت .. وشويتها بالفرن ... مش عارفة كم نقطة هدول طلعوا .. وما اكلت معها اشي تاني عالغدا

سناك:
2 حبة كاكا .1ن .و 3 حبات خوخ صغير مش عارفة اذا بطلعوا نقطة كاملة .. و حفنة صغيرة كاجو حجم صغير بطلعوا شي عشر حبات .. ما بعرف كم نقطة بطلعوا ياريت تفيدني

عشا :
صحن سلطة " خس وخيار وبندورة وبصل اخضر وبقدونس وفليفلة وليمون وخل وشوية ملح "
2 ونص توست اسمر 2.5 نقطة
2 معلقة طعام زبادي كامل الدسم كم نقطة هدول ؟
1 معلقة صغيرة عسل ..1 ن
كاسة حليب خالي الدسم 200 ملل .. 1 ن

طبعا كنت جوعانة كتير اليوم

شو رأيك ؟ كم نقطة هدول كلهم ؟

[الشفاعة]

يوميات الثلاثاء:

الفطور : كاسة حليب خالي الدسم 1ن ..
قطعة جبنة صفرا قد حجم معلقة كبيرة " ما بعرف كم نقطة "
الجبنة ممكن 3ن بما انها صفرا لتكون كتييير دسمة استبدليها بالبيضة افضل ...

ال ،30جرام جبنة =2ن

قطعة صغيرة مدورة قد قطر كاسة الشاي خبز ذرة .. واللي هي بالأحرى أكلة فنزويلية اسمها arepa عبارة عن عجينة من دقيق الذرة بتنعمل بشكل دائرة مثل الخبزة .. اما بتنقلى او بتنشوى .. وانا شويتها ما فيها زيت ابدا

الخبز بعرفو خفيف ورقيق وصحي.. بس كتيير قليل فطورك! اتفقنى ناكل مضبوط بالفطور مشان ماتجوعي بقية يومك ...

سناك :
كاسة عصير بابايا غير محلى 1 ن

العصير جاهز ولا من البيت ؟

الجاهز الكاسة نقطتين وتبع البيت 1ن
الغدا :
5 فطاير لحمة انا عملتهم في البيت .. اللحمة هبرة بدون دهن وما حطيت اي من الدهون بالحشوة .. حطيت فليفلة وبندورة وبقدونس وبصل وشطة وملح بس .. والعجينة عجينة العشر دقايق ما فيها غير كاسة صغيرة زيت .. وشويتها بالفرن ... مش عارفة كم نقطة هدول طلعوا .. وما اكلت معها اشي تاني عالغدا

الله يسامحك ال 5كتيير .. طيب شو حجم المعجنات ؟
ع فكرة فطاير اللحمة الحجم العادي الوحدة 3او 4.نقط
يعني منقول لكل الفطايرات = 10اقل شي واكيد اكتر!
سناك:
2 حبة كاكا .1ن .و 3 حبات خوخ صغير مش عارفة اذا بطلعوا نقطة كاملة .. و حفنة صغيرة كاجو حجم صغير بطلعوا شي عشر حبات .. ما بعرف كم نقطة بطلعوا ياريت تفيدني
الكاجو مملح ومحمص ؟
منقول 3نقط ...
والفواكه الحبة =1ن
يعني 3نقط او 4للفاكهة

عشا :
صحن سلطة " خس وخيار وبندورة وبصل اخضر وبقدونس وفليفلة وليمون وخل وشوية ملح "
2 ونص توست اسمر 2.5 نقطة
2 معلقة طعام زبادي كامل الدسم كم نقطة هدول ؟

الزبادي الكوب كامل الدسم 3نقط ..
يعني المعلقتين ممكن نص نقطة
1 معلقة صغيرة عسل ..1 ن
كاسة حليب خالي الدسم 200 ملل .. 1 ن

طبعا كنت جوعانة كتير اليوم

شو رأيك ؟ كم نقطة هدول كلهم ؟

يومك بشكل تقديري 28نقطة ....
يعني ان شاء الله ماتعديتي النقاط المسموحة ... بس يومك منيح وقليل لولا الفطاير خربت عليكِ ....
الفاكهة والخضار ممتازين...
طبعا رح تجوعي اول اسبوع من الريجيم لاتنسي انك كنتي تاكلي اي شي باي وقت وهلا لا... يعني هالشعور طبيعي
لهاسبب بقول لاتضيعوا نقاطكم باكل كلو سعرات ونقاط ومامنو فايدة...
اذا جعتي شربي مي وكلي خضرة..
وماخبرتينا عن المي والرياضة ؟

هلا شو اخبار الحليب ؟

ملاحظة اخيرة... مابنصح حدا ياخد حليب خالي الدسم.. يمكن تستغربي بس فعلا مافيو الفايدة وخاصة انك مرضع ياستي خدي من الكامل عادي مافي مشكلة ولاتقلقي مو هو اللي حيزيد وزنك ابدا... قبل كانت تقولنا ام ابراهيم اخصائية تغذية... انا ناخد الحليب كامل الدسم افضل لصحتنا وعضامنا
ونقلل من الكمية بس افيد لنا لانو اصلا الكامل الدسم مخفف من الشركات كيف الخالي ! ...

[مامة مرام]

يوميات الثلاثاء.
فطور 3ارباع فطيره جبن 3ن + نص حليب 1.5ن=4.5ن
غداء / نص زبادي بخيار 1ن + كبسه دجاج 5م رز2ن +قطعة دجاج صغييره 2ن+ صحن صغيير ملوخيه =5ن
سناك /3تمر 1ن+ نسكافيه حليب =2ن
العشا/ رمان 1ن بنص زبادي 1ن=2ن
النقاط 13.5ن
الرياضه /30.د زومبا 15د تمارين و5د بقية التعويض لذاك اليوم زومبا
الماء/ اكثر من لتر ونص

Sent from my SM-N9005 using منتديات لكي mobile app

[مامة مرام]

اهلين انوار .. ايوه كذا ارجعوا اشتقنا لكم جميعا
الله ينصركم والمسلمين في كل مكان .. منصورين لا محاله.. الله العالم متى
وعقبال ما يزور الاقصى كل مسلم ..


Sent from my SM-N9005 using منتديات لكي mobile app