ركن الجمال المغربي (الجزء الخامس )

[nourita]

السلام عليكم البنات كي صباحتو؟ انشاء الله تكونو بخير و على خير، مبارك عواشركم.

شكرا أختي from paradais على الوصفة و انشاء الله غادي نجرب هاذ الزيت ديال القمح و ياربي يدير ليا نتيجة.

ختي jawhara شكرا على الوصفة و حتى هيا انشاء الله غادي نجربها.

في الحقيقة هاذ المشكلة ديرا ليا عقدة خصوصا أنني متزوجة، راكم فاهميني طبعا.

[nourita]

البنات واش صايبتو شي حليوات للعيد ولا لأ؟

يلاه كل وحده تقول شنو وجدات للعيد، و شنو شرات ف الحويجات.

نبدأ انا الأولى؟ واخا

في الحقيقة ما صاوبت والو في الحليوات حيث ليلة ديال العيد معروضين لواحد المناسبة، و بالنسبة للحويجات شريت واحد المونطو واعر للبرد و واحد البوط من عاودش ليكم.

ايوا البنات كل وحدة تقول شنو وجدات

[nourita]

فينكم البنات

[BASMALA]

صباح الخير عليكم ألغزااالات
او اليوم ليلة 27
وجتو راسكم لشقيام،بغيتكم دعيو معي فهد الليلة
الله يجيب لي شنقرة فاش نغبر نحاسي
والبنات كاملين
اختي nourita بصحتك تلبسي وتعاودي
أنا فصلت تقليدي، جبادور 2 بيس الفوق بالموف، والسروال بالبيض وفيه القادي بالموف
وشريت ليه شال ديكرادي بالموف والبيض

[nourita]

بالصاحة و الراحة BASMALA، باين على اللبسة ديالك زوينة خصوصا الألوان متناسقين تبارك الله عليك.

عافاكم البنات عافاكم دعيو معايا هاذ الليلة الله يخليكم قولو يا ربي تجمع شمل ختنا نورا مع راجلها عافاكم البنات محتاجة للدعوات ديالكم.

[BASMALA]

شكرا ألحبيبة
مــــاتخافيش ماغديش نساك في الدعاء
بش الله اكمل لينا لكنترجاوه فخترنا و المسلمين جميعا

[morrocan_girl]

1 شريحة تخلطيها مع حبة حلاوة مع قليل من الماء وتبخيهم على نار هادئة و داومي عليها في الصباح مع الفطور لمدة 40 يوم

السلام عليكم ورحمة الله وبركاته

ربي يخليك اختي و يعطيك ما تمنيتي غادي نجربها ان شاء الله

البنات عافاكم شكون اللي عندها شي وصفة مجربة كاترطب الشعر تكون طبيعية الله يعطيكم ما تمنيتوا في هاد الليلة العظيمة

[sara01]

السلام عليكم ورحمة الله وبركاته
عواشركم مبروكة ألبنات ان شاء الله لي عندها شي أمنية تحقق ليها و الله اجمع لحباب مع بعضياتهم
اوا تبارك الله عليكم و على الوصفات ديالكم

[sara01]

لبنات الله اخليكم شكون لكتعرف شي وصفة لآلام الدورة الشهرية كتمحني و مخليت مجربت من الوصفات الطبيعية والو خاصني ضروري الدوا و منكدبش عليكم عييت منو و خفت يأتر عليا حينت سمعت أنه كعطل لحمل
عافاكم لعندها شي وصفة تقولها ليا تنتمنى تكون جديدة من غير لكنت كنجرب

[sara01]

أختي ياسمين بالنسبة للوصفة لي فيها دوف واش كتصلاح لجميع أنواع البشرة حينت أنا بشرتي مركبة و فيا شي حبوب واش تصلاح ليا