الســـلام عليكم
يوميآت الجمعه
الوزن السابق:54,6
الوزن الحالي:55,6
زدت كيلو.,. اظن انه الزيادة طبيعية بعد المرض
الفطور
خياره=0+ 2توست بر=2+ 7 حبات تمر=3+ +شريحة جبن قليلة الدسم=1
المجموع=6
سناك1+ غداء اخذتهم فرررري
سناك2
برتقاله=1+ تفاحة=1
المجموع=2
العشاء
خضروات بالفرن=0+ بيضة =2+ 2 توست بر=2+ شريحة جبن قليلة الدسم=1
المجموع=5
المجموع الكلي بدون الفري=13\22
الرياضه= 45دق على الجهاز
عدنا
بسم الله ...والصلاة والسلام على رسول الله سيدنا محمد عليه افضل الصلاة والسلام
بداية انا ما كنت احلم مجرد حلم ان وزنى ينزل ولا كنت افكر امشى على دايت من اساسه...بمعنى ان لما كنت اشوف اواسمع صاحباتى وهما بيتكلموا عن الدايت وواحدة تقول مش حاقدر اكل من ده لانى عاملة دايت كنت اتريق عليها واتريق على الدايت كفكرة اصلا وكنت معروف عنى انى ضد الرجيم وانى ما بحرم نفسي ابدا من اى اكل وان جسمى وشكله ما هم اكبر همى ..وانى قال يعنى واثقة من نفسى وشكل جسمى مش هاممنى ولا مأثر عليا من اساسه .
المهم..انا كنت باخد مقاسات كبيرة اما اشترى ملابس ومش من محلات عادية زي اللى كل الناس بتدخلها وتطلع مبضعة اكياس هدوم ..لااا طبعا كنت باشترى من ايفانز وسىمى وقسم المقاسات الكبيرة فى سنتر بوينت...مش فاكرة اسمه دلوقت...حلو ...وكنت باخد ادوية للضغط ولدهون الدم (الكوليسترول) بداتها من حوالى سنة ونص ...ده غير نفسى اللى بيقطع لومشيت من اوضة لاوضة وحتى من غير ما اقوم من مكانى...لدرجة انى اما بارد ع التليفون وانا مكانى ما اتحركت كانوا يقولولى بتنهجى ليه ؟انتى جاية تجرى ...
طبعا ما كنت اقدر اطلع سلم ولا حتى دور واحد من غير نهجان ...ولما اروح لدكتور الاسنان نفسى يتكتم لانى تقريبا بانام على الكرسى راسى مائل لاسفل من مستوى باقى جسمى
اقول لكم ايه عن ركبي وضهرى والالام اللى كنت باشعر بيها فى مفاصلى..لووقفت شوية اسوى حاجة فى المطبخ اواغسل مواعين ..طبعاا عشان امسح الارض بالمساحة ضهرى كان بيقف
باختصار كنت شبه معاقة ..مع احترامى للمعاقين ...لانهم ما لهم ذنب فى اللى هما فيه ..وان شاء الله يؤجروا فى الاخرة على صبرهم وتحملهم
اما انا فما لى عذر....
طبعا ده غير انى كنت باكره اشوف صورتى فى المراية ..وكنت باتجنب وانا معدية من قدامها انى ابص على نفسي..ولو شفتنى فى مراية محل ..اقول مين دى من كتر مانا مصدقة ان دى انا ..خصوصا انى كنت جسمى كويس لغاية من 11 سنة فاتت ..ايوة انا مش رفيعة ونحيفة ..بس كان جسمى حلو ومع طولى كان متناسق وكنت الاقى مقاسى بسهولة.
للاسف هنا بالسعودية ما فى تسليه غير الاكل والخروجات اكل وشرب وقهاوى وفاست فوود ..تقعدى فى البيت اسهل حاجة تقومى تدورى على وصفة معجنات او حلى تسويها وهكذا بالاضافة انك مستحيل تقدرى تخرجى وحدك تتمشى مثلا لازم معاكى راجل ...
بداية اللحظة اللى عملت فيها 
اهاااااااااا لازم ااعمل حاجة فى نفسي هى لما كنت فى مكة فى محرم اواول صفر..كنا نازلين فى اوتيل وكان على جبل جنب الحرم والباص مش كل مرة بييجى بعد الصلاة مباشرة فكنا نطلع على سلم فى الجبل عشان نوصل الاوتيل ..طبعا كنت بامووووت وأاقف اريح 5-6 مرات فى النص فى حين اشوف الناس حواليا طالعين عادى ..وانا بس اللى بانازع
ساعتها قررت لازم اغير حياتى عشان صحتى والا حاموت من السمنة وتوابعها ..طبعا الاعمار بيد الله بس لكل شىء سبب ..واحنا بنتخذ الاسباب .واذا كان مقدرلى اعيش كام سنة والاحتى ايام ...ليه ما اعيشهم بصحة واستمتاع بالحياة
المهم ..عارفة انى طولت عليكى ...بس انتى اللى نكشتينى ههه
المهم دورت فى النت وفكرت كتييير اعمل عملية الgastric sleeve اللى هى قص المعدة وتدبيسها ...والحمد لله انى ما عملتهاش وانى لقيت جروب النقاط بقيادة شوشو ..اللى عطانى دفعة زي اللى بتعطى للصاروخ لحظة انطلاقة ..واصعب حاجة البداية والشهرين الاولانيين..بعد كده كله بيمشى روتينى ....وانا دلوقت خلاص عارفة ايه اللى اكله وايه اللى اخد منه مجرد ادوق ..وايه اللى ما اعديش من قدامه
طبعا النتيجة ظهرت عليا من اول 5-7 كيلو وباتت واضحة اكتر فاكتر مع نزول الوزن اكتر ..اهم حاجة
-بطلت ادوية الضغط والكوليسترول (وتكفينى هذه النعمة ..ما كنت اتخيل انى حاوقف الادوية دى)لدرجة اول ما كنت عند دكتور القلب وقال لى لازم تبداى تاخدى علاج للضغط قلت له لو نزلت وزني ممكن اوقف الدوا وما احتاجه ..قال ايوة ممكن طبعا ..بس فى كل المرضى اللى عالجتهم ماحدش قدرينزل وزنه ويستغنى عن دوا الضغط غير 6 مرضى فقط .
-مقاساتى تغيرت تماما .جيباتى وسعت على جدا ولازم حزام عشان البسها ..وفي حاجات حتى بالحزام ما عادت تتلبس
-بطنى صغرت كتير ..كان كل اللى يشوفنى يفتكرنى حامل ..وما باولدش......حتى البنت الفلبينية فى الكافيتيريا سالتنى مرة(انت في امتى ولادة مدام ).
مقاس وسطى نزل حوالى 6 سم
-بقيت اقدر البس شوز عالى شوية من غير ما رجلى وضهرى يوجعونى ..وشكل الملابس بقى احلى على.
-تصالحت مع المراية ...مش قوى بس كتييير متقبلة صورتى فيها ..لسه شوية البطن
-بطلت انهج ...بقيت ولله الحمد اقدر اطلع السلم بدون ما اقع ميته بعد اول سلمتين ...
- كمان كان القولون عندى تعبان على طول ومعدتى حرقان وارتجاع بالمرىء ...والله وما لك عليا حلفان ..كل لاعراض ولله الحمد خفت كتييير عن الاول
-ضهرى ورجلى ما عادت تؤلمنى مع الوقوف والشغل بالبيت ...بقت بتؤلمنى من الرياضة ..هههه
-حتى وجهى صار يدى عمر اقل ودى حاجة مهمة جدا ..انا كل اللى يشوفنى كان يدينى 10 سنين زيادة على عمرى
-ده غير احساس الثقة بالنفس اللى الواحد كان مفتقد جزء كبير منه ..وكنت اخاف اكلم حد ما اعرفهوش . دلوقت كل اللى يشوفنى يبص بنظرة اعجاب ويقول لى نحفانة مرة ما شاء الله...
ادى يا صبوبة حكايتى ...انتى اللى نكشتينى واكيد بتقولى دى ما صدقت ...ارجو انى اكون عطيتك دفعة تشجعك ...وتحمسك ..والله حتقولى زيي انا ليه سكتت على نفسي كل ده ...بس فى الاول والاخر كل شىء نصيب وكله بأ وان
مسلمة .,.
كل كلمة قلتيها تقريبآ مريت بمثل شعورج
لما كنت سمينه كنت اكره شيء اسمه روحت السوق والسبب لاني بعاني لما احصل لي
بدله تجي على مقاااسي + لما احصل شيء حلووو كثييير مافي إلا المقاسات الصغيره
امااا الحيييين كل شيء اقدر البس من بعد ماكنت البس مقاس xxl الحين صرت البس m و s
لما بمشي الحين ماصرت اخجل من نفسي .. امشي وكلي ثقة
الرياضه وخصوصااا المشي صار شيء اساسي في حياتي مااتخيل يوم من الأياام اتركها
بحس بحرية وثقة لما بسويهاااا.,.
محد كان يتوقع من العايله انه يوم من الأيام بسوي رجيم وبوصل للي وصلت له الحين
الكل منصدم مني .. حتى صديقااات كانوا قبل يقولون لازم اعمل رجيم
وبعد ما جافوا الفرق الكبير كثييير اتفاجوء .,. بعضهم يقولون لي خلاص وقفي اختفيتي
بس صراحة ما بسمع لكلامهم لانه الأهم انا اكون راضي عن نفسي وشكلييي
الكلام مارضي يخلص .,. لوعلييي بظل اكتب واكتب ههههههه
كبار الشخصيات - دانة الحوار
كتبت بواسطة آلاء أحمد
الله يسهل عليييج ويقومج بالسلامة انتي والبيبيي =)
أعضاء قرؤوا هذا الموضوع: 0
الروابط المفضلة