|
للبحث في شبكة لكِ النسائية:
|
النجم الفضي
ماشاء الله يا فروح دايما افكارك حلوة طيب قوليلى انا رحت اشترى القلب لقيت ان
مش عميق الكيكة مش هتعلى وتسيح كلها على بعضها ولا لازم القوالب الورق دى جوة القالب
وكمان انتى بتعملى نوع كيكة واحدة وتقسميه بقى ولا ايه
وفى يوغرت ليمون كيك دى هى كاتبة فى المقادير تلت كوب عصير ليمون بس ما اضافتوش فى الخطوات؟
النجم الفضي
بصي يا جوجو بالنسبة لصينية القوالب دي انت بتملي كل قالب نصه كدة عشان لسة هيعلى
وممكن تحطي الورق وممكن لا تدهني كل فتحة كويس وبس
وانا بعمل اه نوع واحد العادي الابيض، وبعدكدة بقسمه 4 وكل قسم اضيف اضافة مختلفة عليه ، شوية قرفة ومبشور جزر ، وشوية كاكو ، وشوية اسيبه ، وشوية ممكن اعمله صوص اللمون ويبقى باللمون
بالنسبة لربع كوب اللمون بتحطيه مع مقدار السكر اللي كاتباه مش فاكرة قد ايه تقريبا نص كوباية على النار زي الشربات كدة لحد اما يتقل شوية مش يتقل خالص وتسبيه على جنب واما تطلع الكيكة تحطيه عليه ، فاهمة يا جوجو؟
النجم الفضي
ايوة يا فروح مع السيرب يعنى جزاكى الله خيرا
انا بقى هختصر واقوم اعمل كيكة الشيرة عملتها قبل كدة وكانت حلوة وسهلة واحط الليمون اختراع
عضو نشيط
جيبتلكوا حتت كيكه
خراااااااااااااااافه
بس للى عندهم ميكرو ويف المقادير
1-ملعقه كبيره دقيق الكيكه الجاهزه نوع الشكولاته
2-نصف ملعقه كبيره سكر
3-ملعقه كبيره كاكاو
4-بيضه
5-معلقه كبيره لبن
6-معلقه كبيرهزيت
7-مج صينى
تقلبى المواد الجافه مع بعض
وتحطى البيضه وتقلبى
ونحطى الزيت واللبن
تحطيها فى الميكرويف
لمده3 دقايق على المكاسمم(1000watt)
تستنى لغايه لما تبطل تعلى
هشششششششششششششه
ولذييييييييييييييييذه
عضو نشيط
النجم الفضي
يا عم الحلويات والميكروييف طب ماهو بينفع اهو ماشاء الله
انا عملت انهاردة الليمون كيك شكلها كدة وريحيتها منعش جدااااااااااااااااااااا
النجم الفضي
طلعت اهى ودوقتها وااااااااااااااااااو ليمون ايه تحفة
بس انا عملتها بطريقتى لازم يبقى ليا براءة اختراع
عملت مقادير كيكة الشيرة وهى
كوب دقيق
كوب زبادى
كوب الا ربع سكر
نص كوب زيت
بيضتين
معلقة فانيليا صغير
معلقة كبيرة بيكنج بودر
ونضرب المقادير السايلة كلها فى الخلاط وبعدين عليها الدقيق مع البيكنج بودر تمام كدة
رحت بشرت ليمونتين على الخليط وبس خلاص دخلتها الفرن وطلعت هشة وخفيفة من غير ما اسقيها لانى بحبها خفيفة كدة
بس يا فروح الليمون ده بشره صعب اوى بينزل عصير مع البشر
وكمان فى عيب انا عملتها فى صينية بايركس فلزقت شوية من تحت ليه بقى
النجم الفضي
يمكن يا جوجو ماكنتيش داهنة الصينية كويس لاني جربتها في الباريكس قبل كدة وعادي
بصي بتبقى بالشيرة تجننن وعلى ضمانتي لان انت اصلا بتبقي مقللة سكر الكيكة وبتعوضيها في الشيرة ، يعني مثلا لو الكيكة بتاخد كوب ونص سكر بتحطي تلاتة ارابع في الكيكة وتلاتة ارباع مع ربع عصير اللمون
جربيها بجد تحفففففففففة والله وبتدي طعم يجنن ورفريش بجدددددددد
انا على فكرة زيك مش بحب الدسم ولا الحاجة المسكرة قوي بس دي هايلة خفيفة جدا وحلوة
النجم الفضي
انا النهاردة كنت عاملة اكلة يممي
كنت عاملة mashed potatoes
اللي هي بطاطس بيوريه وستيك بامشروم وخضار سوتيه اكلة كدة زي المطاعم بس طبعا احلى وانضف بكتير
البطاطس
بطاطس مقشرة ومقطعة ومسلوقة في ماء بارد وورق لورا وفصين توم وملح
بعد اما تتسلق نصيفهم
ونرمي ورق اللورا
ونهرس البطاطس والتوم وملح وفلفل وكريمة لباني وحتة زبدة وممكن شوية جبنة اي نوع عندك تحبيه
يميييييييييييييييييييييييييييييييييييييييييي
الستيك
تتبليه بملح قليل وفلفل
وتسخني الطاسة كويسسسسسسسسسسسسسسسس جدااااااااااااااااااااااااااااااااا
وتحطي زيت زتون وفوقه الستيك لحد اما يحمر من الناحيتين
لو الطاسة كبيرة وعادي تزودي مية شوية بشوية زي كباب الحلة كدة لحد اما يستوي
او تكملي سواه في الفرن
وعلى جنب زبدة وبعد كدة توم كمية كويسة وبعدين مشروم وكريمة لباني او كريمة خفق يعني وتسبيها تتقل وممكن تدوبي م ص نشا في بق مية وتضفيها للخليط دة عشان تديكي صوص تقيل
في طبق التقديم
شوية بطاطس بيوريه وممكن فوقهم شوية جبنة شيدر وشوية طمامطم مقطعة صغنننننننننن
الخضار السوتيه
الستيك وفوقه صوص المشروم بالكريمة يمييييييييييييييييييي
وممكن تحطي الطبق في الميكرويف عشان الجبنة تسيح فوق البطاطس او تحت الشواية
وبجد بجد الف هنا وشفا
والله الطبق دة برة اقل حاجة يعمله 70 او 80 جنيه
وعمره لا هيبقى بحلاوة ولا نضافة اللي هتعمليه بنفسك
وممكن تقطعي الستيك شرايح ونضيفله صويا صوص وورشستير صوص وفلفل شرايح الوان او اخضر اللي عندك وجزر شرياح وممكن كوسا شرايح ومشروم وبصل شرايح وتوم مفروموم ك زبادي بدل الكريمة ويممممممممممي
عضو نشيط
روحى يا شيخهكتبت بواسطة فرح1983
وادخلى فى قلبى تانى خخخخخخخخخخخ
يابنتى انتى تروحى تقعدى فى المطار تستنى السياح
توريهم الطبق دا
ربنا يكرمك وتسلم ايدك
أعضاء قرؤوا هذا الموضوع: 0
الروابط المفضلة