السلام عليكم
الصراحه كلمة شكر شوية للعضوات وللمشرفات علي وصفاتهم وتشجيعهم للتطبيق
اليوم حابه انزلكم موضوعي المتواضع وهو تطبيق بريوش عمة ماما الاء مع تطبيقات للاسبوع الاول اسبوع المكسرات ومعاها حاجة بسيطة للاسبوع التانى
بعد عجنت العجينة خليتها ترتاح لفترة
وبعدين فردتها علي سطح مرشوش بدقيق وقصيتها مستطيلات صغيرة
وبعدين حطيت عليها حشوات مختلفه
مربى حبيبة سنفوري
شوكلاتة حبيبة زوجى
والتوفي حبيب قلبي
للعلم التوفي تطبيق لماما الاء
ورشيت مكسرات ( فستق, لوز , كاجو , بندق, كاكاوية او الفول السودانى ) طبعا شكلت في المكسرات وطلع لذيذ
زي ماتشوفو قصيت الحواف لانى عاملتهم قفص صدري
وهادى الصورة وهما في الطاجين
وخليته يرتاح شوي
وخلطت مربى مع شوية ماء ودهنت الوجه تبع الاقفاص
وفضلت من العجينة قلت يالله اعمل بيها سينامون رول (( للعلم هو كاكاو رول هههههه ))
فردت العجينة علي سطح مرشوش بالدقيق
ورشيت كاكاو وسكر
وبعدين لفيته وقصيته
وخليته في طاجين دائري
وخليتها على جنب ترتاح
وفضلت من العجينة
فا قلت يالله نعملها عفسة القط (( وهادى معجنات بالجبنة تطبيق الاسبوع التانى))
فردت العجينة علي سطح مرشوش بالدقيق
وقطعته دوائر صغير وحشيت الدوائر جبنة فيلادلفيا وسكرتها
و وضعتها في طاجين الكب كيك ودهنت الوجه بخليط المربي والماء
وعملت معاها بيتزا حلوة ( قطعت العجينة دوائر ودهنتها بالمربى والتوفي وحطيت على الوجه مكسرات )
لو تشوفو في قوالب الكب كيك حتشوفو البيتزا الحلوة وعفسة القط
وفضلت من العجينة
قسمت العجينة الفاضله الي تلاته اقسام
وعملت بيها ضفيرة
وحطيتها في طاجين ودهنتها بالحليب ورشيت عليها سكر
وهادا بعد دخولهم للفرن
هادا القفص الصدري حاسه بانه تحمر زيادة
وهادى البيتزا الحلوة وعفسة القط
الصراحه حلوة حلوة
وهادا الرولز
وهادى الضفيرة
الصراحه الضفيرة طعمتها تجنن خصوصي انها ذكرتنى بضفائر كنت نحبهم لما كنت صغيرة
وهادى صورة جماعيه
ان شاء الله الموضوع يكون عجبكم واتمنى انه يكون نال استحسانكم
والدعاء ليا بالنجاح
الروابط المفضلة