ازيكن بنوتات لك
وحشتونى
النهارده طبعا كنت معزومة عند مرات خالى وهيا اللى عملت الأكل أخيرا ...
عملت رز بالخلطة تحفه وأنا لحقتها هيا لسه بتعمل فيه وقلت لازم أقول لكن عليه
بصوا
الأول فرمت بصل ناعم اوى وقلبته لحد مابقى لونه ذهبى
وبعدين حطت عليه كبدة مقطعة صغير وفضلت تقلب برضه لحد الكبده مانزلت ميتها وشربتها
راحت حاطه الزبيب وفضلت تقلب وتقلب لحد الزبيب مانفش
وانا لحقت المرحله دى وابتديت اصور
وادى صوره تانيه بعد التقليب كمان وكمان
وبعدين غسلت الرز وسابته يتصفى شويه وبعدين ضافته على الخليط وهات ياتقليب
وبعدين حطت الميه فوق الخليط بحوالى سم ونص
واما الميه غليت وطت النار وحطت الشياطه
وادى طبق الرز بالخلطة المفتخر
طعمه يهبل بجد .... يم يم
الروابط المفضلة