{ يا هلا بنوتاتي الشطورت }
شكرا لكم على كلماتكم الطيبة ...
برافو عليكم .. تطبيقاتكم حلوة وكلها تدل على انكم عرفتوا طريقة تصغير الحجم والاقتصاص
طيب أبغى أشوف تطبيقاتكم على التحكم بالصورة لتكون مناسبة لتصميم توقيع
وليكن المقاس المحدد لنا 130× 275
الطول : 150 بكسل
العرض : 275 بكسل
وأنا سويت لكم صورة مثال عشان تقدروا تقيسوا عليها
شوفوا معاي :
تقريباً لازم يكون حجم الصورة زي هذا الحجم
أولا : نبدأ بتطبيق نادين (أنا والليل )
عملك في قص وتصغير الصورة متقن ، استطعتي أن تحافظي على جودة الصورة
ولكن برأيك .. هل حجمها مناسب لأن يكون توقيع ؟
أعتقد إنه لو كانت عريضة بتصير أحلى
طيب كيف أعرض الصورة بدون ما أفقد جودة الصورة ؟
المسأله يبغالها تفكير شوي على حسب الصورة
وحسب خبرتك بالفوتوشوب
وشوفي أنا هنا أخذت صورتك نفسها وسويت عليها حركات خليتها جات عريضة وحلوة
في البداية بأشرح إيش سويت وبعدين شوفي الصورة المتحركة للتوضيح أكثر :
في البداية فتحت صورتك يا نادين
وفتحت عمل جديد بمقاسات التوقيع المسموح به في المنتدى (130×275)
أخذت آداة التحريك وسحبت الصورة من عند المربع الأصلي للصورة إلى العمل الجديد اللي أبغاه يصير توقيع لي
وعدلت بحجمها شوي عن طريق Ctrl+T
ثم سحبتها من الطرف مع الضغط على مفتاح Shift
لما وصلت للحجم المناسب ضغطت Enter من لوحة المفاتيح
بعدين استخدمت أداة سحب اللون عشان أحصل على نفس درجة اللون بالضبط
ولونت الخلفية
( لاحظي ترتيب الليرات في صندوق الليرات )
وبعدين أخذت أداة الاصبع ولعبت شوي بالألوان عشان تبان الصورة مندمجة مع الخلفية
وبعد ما خلصت دمجت الليرين مع بعض
شوفي الشرح هنا :
وهذه النتيجة :
كيف تنفع الآن نخليها توقيع ولا لآ ؟
ثانياً تطبيق جوازل :
تطبيقك روعة بالنسبة لتصغير الصورة
وإذا تبغي الحجم مناسب ليكون توقيع فالصورة اللي استخدمتيها سهلة جداً
لأن خلفيتها لونها موحد ( الأبيض )
تابعي معي الخطوات اللي سويتها بالصورة المتحركة :
نفس اللي سويته مع صورة أنا والليل بس بدون استخدام أداة الأصبع
والنتيجة :
الروابط المفضلة