وفيت بوعدي ....!
بسم الله الرحمن الرحيم
أحب أقولكم عن الطريقة اللي وعدتكم فيها عن الجوارب ...
لازم يكون عندك حدايد ضعيفة زي اللي نربط فيها اكياس الزبالة (( تكرمون )) و يفضل لو كانت طويلة ولو ما عندك خلاص جيبي حقت الزبالة (( و أنتي بكرامه )) ، و طبعاً خلي عندك الجوارب اللي منتي في حاجة لها لكن لازم تكون مغسولة .
شكلي الحدايد على شكل دوائر و خلي منها طرف نازل يعني لفي الحديده على بعضها و ثبتيها عدل بحيث أنك تلفينها على بعض لكن لازم تكونين تاركة شويه منها وبمعنى آخر سوي زي حبل المشنقة (( أعوذ بالله )) و تفنني في حجم الدائرة اللي بتسوينها يعني مثلاً مره سويها صغيرة مرة كبيرة لكن راعي أنك تعملين كل 5 دوائر بنفس الحجم تقريباً .
هالحين قصي الجوارب على شكل مربع بحجم كف اليد من غيرالاصابع و كل 5 قطع لازم تكون بنفس الحجم .
هالحين نجي حق الصعب شوي ، لازم تغلفين الحدايد بالقطع هذه يعني تحاولين أنك تثبتين القطعة حقت الجوارب بالمكان اللي لافه فيها الحديده علشان تثبت أتمنى انكم فهمتوا قصدي و بالاول ثبتي جهة وبعدين روحي للجهة الثانية و راح يظل عندها جهة اليمين واليسار لين هالحين مهوب مثبته ، فهنا لازم أنك تحاولين لما تجين تثبتينها أنك تسحبي القطعة علشان تتطلع شويه شفافة يعني شد القطعة ضروري ولان الجوارب مطاطية فراح يسهل عليكي السحب والشد وبكذا تكونين خلصتي أول ورقة من ورقات الوردة و سويي الأربع ورقات بنفس الطريقة و بعدين خوذي الخمس ورقات هذه و لفيهم ببعض طبعاً من نهاية الورقة و جيبي لزقة خضرة تلاقينها في المكتبات حقت الورود و لفي الحدايد اللي ظاهرة و ممكن تحطين قبل ما تثبتين الاوراق تمام ، تحطين في النصف مثلاً زي بذور الورد و هذه بعد تلاقينها في المكتبات و بعدين بعد ما ثبتي الاوراق الخمسة مع بعض شكلي الحديده مثل تشكيل الورد من تعرجات و غيره و بس سوي كم ورده و بعدين ممكن ترشينها برش لمّاعي و يطلع روعة ...
هذه الورود ممكن تسوين منها - بروش فخم - (( حلق حلو ناعم - خاتم صغير )) و هالأثنين لازم تصغرين عمل الدائرة للحديدة علشان تتطلع حلوه و بعد ممكن - مزهرية ورد -اسويره - تعملين فيها بطاقة حلوه - تزينين فيها مراية المغاسل حقت الضيوف - تزينين فيها طبق تقديم حلويات - أو طبق عطورات الضيوف - تزينين فيها هدية ...
يعني أفكار كثيره و صدقوني أنه هذه الورود تنباع في المحلات بعشرة ريال للوحده ...! فليه تخسرين الكثير في حال أنك عرفتي كيف تنعمل صح ...؟!
و لكم تحياتي .
رد مع الاستدلال
الروابط المفضلة