السلام عليكم ورحمة الله وبركاته
من مطبخى صينية القرع بالباشميل
قرع عسلى 2ك
ك الاربع سكر
1 بيضة
1معلقة سمنة
لتر لبن
3 ملاعق دقيق
ملعقة صغيرة فانيليا
الطريقة
يغسل القرع ويقشر ويقطع مكعبات وضع مقدار السكر عليه ونقلبه ونتركه من الليل للصبح حتى ينزل عصاره القرع بالسكر منه وبعدين فى حله وعلى النار نسيبه حتى يتعقد ويبقى زى المربى
بس طول ماهى على النار تقلبيهم عشان مش تنحرق
نتركه يهدأ شوية وضعه فى مصفى عشان ينزل العسل اللى خرج منه عشان هنستخدمه فى عمل الباشميل بتاعه
فى الخلاط نضع اللبن والدقيق والفانيليا والسمن وكوباية من العسل اللى صفيناه من القرع ونضربهم كويس وبعدين نصبهم فى حله ونضعهم على النار ونقلب فيهم ونهدى النار شوية ونخلى قوامهم زى المهلبية للعلم ممكن تتاكل الباشميل بس تحفه
وبعد ويكونون الباشميل جاهز نطفى النار و نجيب الصينية وندهنها ونضع القرع فيها ونسويه ونضع فوقه الباشميل ونرب بيضه مع رشة فانيليا و4 معالق باشميل ونضعها على وش الصينية وندخلها فرن حااار لحد ماتستوى ويحمر الباشميل
اللهم ارحم امى واغفر لها وارزقها الجنة
الروابط المفضلة