السلام عليكم و رحمة و بركاته
عملت قبل هيك بان كيك كثير و كان طعمه حلو
لكن بعد ما جربت الطريقة التانية و هي للشيف نرمين هنو من فتافيت
اعجبني كثير و طلع اطرى و اخف من الاول بكثير حتى زوجي و الاولاد لاحظو
و هلا راح انزل الطريقتين و اللي راح تجرب راح تلاحظ الفرق بالطعم
الطريقة الاولى
2 بيض
1 ملعقة صغيرة فانيليا
ملعقتين كبار جرام سكر
علبتين زبادي
نصف كوب كريمة خفق او حليب
3 ملاعق زيت او زبدة مذابة حسب الرغبة
كوبين دقيق
1 ملعقة صغيرة بيكنج باودر
½ ملعقة صغيرة كربونات الصودا
رشة ملح
انا شارية اليومين دول مضرب بيض بالعجان و فرحانة بيه و جربت البان كيك فيه
بالوعاء نضع البيض و الفانيليا و نخفق و نضيف السكر و نخليه ينخفق لحتى يصر مثل الكريمة
كاننا نعمل كيك عادي
و بعدين نضيف الزبادي و كريمة الخفق او الحليب و نواصل الخفق
و نضيف الزيت و نخفق بس مو كثير لحتى ما يهبط و نحط رشة الملح
و ننزل الدقيق بعد ما خلطناه مع البيكنج باودر و كربونات الصودا
هنا نوقف المضرب و ننخل الدقيق على الخليط و نمزج بالراحة من فوق لتحت حتى ما يهبط المزيج
و شكله هكذا
و بعدين نكون جهزنا مقلاة غير لاصقه و نمسحها بالزيت و نسخنها
و نحط مقدار صغير من الخليط
و يستحسن انه النار تكون هادية حتى لا يحترق و يستوي
اول ما تلاحظي انه بدا يعمل فقاقيع اقلبيه علطول لا تنتظري حتى تنشف الفقاقيع لانه هيك ما بينفش معك
لحد ما يتحمر و طلعيه و هيك لحد ما تخلص الكمية
هون انا حطيت كا اثنين فوق بعض خطيت بقلبهم مربي و كريم شانتييه و زينت الوجه بكريم شانتييه الصراحة ما احبه مع العسل
هلا هاي الطريقه متعبة شوي لكن النتيجة افضل
يتبع....
الروابط المفضلة