السلام عليكم
والله اني نبي نسالك علي كعك السكر ياللي مرشوش عليه سكر من فوق
هو ديما يقدموا فيه في الاعراس مع الكعك الملح والغريبة والمقروض تعرفي قداش خاطري نعرف طريقته ونبي كانك تعرفيه ديرهونا وحطي معاه الصور ارجوك ارجوك ارجوك
للبحث في شبكة لكِ النسائية:
|
السلام عليكم
والله اني نبي نسالك علي كعك السكر ياللي مرشوش عليه سكر من فوق
هو ديما يقدموا فيه في الاعراس مع الكعك الملح والغريبة والمقروض تعرفي قداش خاطري نعرف طريقته ونبي كانك تعرفيه ديرهونا وحطي معاه الصور ارجوك ارجوك ارجوك
ان شاء الله ترد عليك الاخت زينب في اقرب وقت
حياك الله
هيا وينك يازينب محمد2 راهو نستنا فيك
الاخت جملية الكون انا شفت النداء للاخت زينب محمد
بس حبيت نسالك انت تقصدي كعك الزهر لو كان هو انا عندي طريقته وحبيت نشاركك
الاخت زينب محمد شهادتنا فيها مجروحة.
كعك الزهر مقاديره:
نصف كوب زبدة طرية.نصف كوب زيت نباتي .كوب زهر .ملعقة خميرة بيكنج بودر
والدقيق مايعجن تقريبا تلاث الي ثلات ونص كوب دقيق
الطريقة :تخلط الزبدو والزيت لين يتجانسو تم ضيفيلهم الزهر والبيكنج بودر وخلطيهم
وبعد دلك ضيفي الدقيق وخلطي لين تتحصلي علي عجينة متماسكة
خليها ترتاح ربع ساعة وبعدين امبرميها زي الكعك الحلو ومن فوق انقشيها بالمنقاش
وحطيها في فرن درجة الحرارة 180 من تحت لين تطيب وبعدين حمريها من فوق
وبعد النضج غمسيها في سكر الناعم
وانشاء الله طريقتي تعجبك
واسفة علي التدخل بس حبيت نساعد
تقبلي مروري
آخر مرة عدل بواسطة umebrahim78 : 02-10-2010 في 06:44 PM
مشكورة بارك الله فيك
لكن والله مش هدا الكعك يلي نبيه معليش بس حتي هو طريقته حلوة
حبيت نفيدك ي سمحه لحد ما تجيك زينب
القيت طريقة من اخت اسمها جباليه فنانه فى الحلويات كاتبه الطريقه متعها انسختها وقلت خلى نبعتها لجموله شكلك مستعجله
هادي هي طريقتي في كعك الحلوا ويطلعي الكعك مشاء الله كيف ماتبي يجي في الماكينه ولا تلويه علي طوله عادي
كوب ونص زيت
كوب سكر
كوب ونص زهره ونص كوب ماء
2 بيضتين
3 ملاعق بيكنبودر
وشويه كمون حلو وجلجلان ودقيق مايعجنها
وان شاء الله ينال اعجابك
وبالنسبه للسكر يا جموله تاخدى كل كعكه بعد ما تشكليها تقيميها بايدك وتغطسيها من فوق بالسكر الخشن طبعا وتحطيها فى الطاجين وهكدا لين تكملى
وان شاء الله الطريقه تعجبك كان درتيه وجاك كويس ماتنسيش تصوريه وتحطي التطبيق للاخت اسمها جباليه
وهذه طريق زينب محمد الكعك الحلو او الماكينه
كوبين زيت + كوب ماء ساخن مذاب فيه كوب سكر + ملعقتين كبيرتين بيكنج بودر + حوالي كيلو دقيق قد ينقص.
- ملعقتي طعام ينسون أو شومر ( الكمون العريض - كمون الخبزة ) محمص قليلا على النار.
يخلط الزيت مع الماء المذاب فيه سكر و تضاف البيكنج بودر اليهم
ثم يضاف الدقيق و الينسون أو الشومر إلى المواد السابقة
و يجب عدم اضافة كل مقدار الدقيق دفعة واحدة لان نوعيات الدقيق تختلف
بل يضاف الدقيق رويداً رويداً و يخلط حتى تتكون عجينة قابلة لتشكيل
ثم يؤخذ جزء بسيط من العجينة ويدحرج بواسطة الأصابع على طاولة العمل
حتى تتكون اصابع تقطع و تشكل على هيئة دائرة.
أو يمكن أن توضع العجينة في ألة البسكويت التي تثبت على المفرمة اليدوية القديمة.
و يثبت بها الشكل الذي على هيئة نجمة و تلف المفرمة
فيخرج الكعك على هيئة اصابع بها نتوءات تشكل على هيئة دائرة.
و ان استعملت هذه الطريقة في التشكيل
لا يضاف الينسون أو الشومر إلى المواد لأنها تغلق فتحة الألة و تمنع خروج العجينة منها.
ثم يصف الكعك في صينية الفرن
و يوضع في الرف الاوسط للفرن على نار متوسطة حتى يشقر من اسفل
ثم يحمر من اعلى.
و يقدم مع الشاي و القهوة.
الروابط المفضلة