شوربة البطاطس بالكريمة
1 حبة بطاطس كبيرة مقطعة مكعبات
1 بصلة صغيرة مقطعة
4 فصوص ثوم
زيت ذرة
اعشاب عطرية (بقدونس – كزبرة خضراء – شبت)
كوب ونصف مرقة او شوربة
ملعقة كبيرة كريمة لبانى (كريمة طهى)
شوفوا بقى
نحط معلقة زيت فى حلة على النار
وبعدها نشوح البصل لمدة دقيقتين بس
وبعدها نضيف البطاطس ونشوحها برضوا (شوية صغيرة)
وبعدين نحط الثوم وهو صحيح مش مفروم ونقلبه مع البطاطس والبصل
وهنا رشة ملح وفلفل اسود
وبعدها الاعشاب العطرية
وبعدها نستنشق مع بعض الريحة الجميلة
وبعد كدة نحط الشوربة
ونغطيها لغاية ما تستوى (حوالى 15 دقيقة)
وبعد ما تستوى بالشكل ده
نضربها ضرباً مبرحاً فى الخلاط
وبعد كدة نحطها فى نفس الحلة اللى عملناها فيها << بتتعب فى تشطيب المطبخ
ونضيف معلقة كبيرة كريمة لبانى (هى اللى بتديها الطعم اللذيذ)
وأخيراً نقدمها
طبق لى وطبق لزوجى
وبالهنا والعافية
الروابط المفضلة