اللهم صلى على محمد وعلى آل محمد كما صليت على إبراهبم وعلى أل إبراهيم،وبارك على محمد وعلى آل محمد كما باركت على إبراهبم وعلى أل إبراهيم،فى العالمين إنك حميد مجيد.
هقولكو النهارده إن شاء الله على طريقه حلوه لرولات اللحمه
أنا بجيب لحمه ستيك
و أعمل طبق فيه التوابل اللى بحبها وده طبق التوابل ( ملح و فلفل أسمر و بابريكا و جنزبيل و عصير ليمون)
أتبل ستيك اللحم بالتوابل و أسيبها 3 ساعات وكل ما الوقت زاد بيكون أحلى
أعمل أرز ببصل وملح و فلفل أسمر زى بتاع الحمام
أجيب ورقه الومنيوم و أفردها و أفرد عليها ستيك اللحم
أضع مقدار من الأرز داخل اللحم
ألف اللحم على شكل رولات بمساعدة ورق الفويل بالشكل ده
أرصها فى صينية الفرن و أدخلها على درجة حرارة عاليه الأول و بعدين أقللها لحد ما تستوى
أطلعها من الفرن وده شكلها
يارب تكون عجبتكم
ملحوظه معلش فيه بعض الصور مش واضحه من النص و ده علشان بنتى الصغيره حطت صابعها على العدسه بتاع الكاميرا و أنا ما إكتشفتش ده غير فى الاخر
الروابط المفضلة