السلام عليكم حبيباتي واخواتي
حلم التخسيس يراود كتير مننا
بس انت فكرتي ان انت ممكن
تاخدي ثواب وانت بتخسسي .........انت ممكن تاخدي ثواب في كل
شئ بتعمليه لو جعلتي نيته في الله
يعني ممكن تاخدي ثواب وانت واقفة تتذوقي لزوجك لو كانت نيتك انك تعفيه عن النظر للحرام
ممكن تاخدي ثواب وانت بتربي اولادك لو كانت نيتك انك تتطلعي نشأ مسلم ينفع المسلمين وينصر الاسلام حيثما كان
وهكذا فالموضوع كله يرتبط بالنيه فاجعلي نيتك لله في جميع اعمالك
تعالو نخس اقتداء بالرسول الكريم واحياءا لسنته العطرة فهو
القائل نحن قوم لا نأكل حتى نجوع واذا اكلنا لانشبع وهو من اوصانا ان
نجعل 1/3 معدتنا للطعام و1/3 للشرب و1/3 للنفس
فالرسول عليه الصلاة والسلام
هو القدوة في كل شئ
فان شاء الله نبدأ مع بعض الريجيم والرياضة بنيه الاقتداء بالحبيب
المصطفى عليه افضل الصلاة والسلام
[CENTER
]
نفسي اننا دايما نضع امام اعيينا
ان المسلمة هي القدوة في كل شئ لان دييننا يأمرنا بأن نكون الافضل في كل شئ
قال تعالى (كنتم خير امة اخرجت للناس تأمرون بالمعروف وتنهون عن المنكر ......)
صدق الله العظيم
فالمسلمة ام متميزة وزوجة ناجحة ومعلمة متميزة رشيقة انيقة لزوجها وبيتها طبعا مرتبة .........في كل شئ يجب ان تكون المسلمة متميزة
اليوم سوف نرفع شعار المسلمة رشيقة ولتكن نيتنا في هذا ان
نكون رشيقات لنسهل على انفسنا العبادة وخدمة بيوتنا والحفاظ على
صحتنا التي هي امانة وضعها الله في اعناقنا وسنسأل عنها بعد الموت
وعلشان نسهل على نفسنا الامر خلينا نوجز بعض النصائح في نقط
علشان الموضوع يبقى اسهل
1. اهم شئ الميه .............شرب 2 لتر ميه كل يوم و 2 كوب ماء قبل الاكل
2. الشاي الاخضر مهم جدا بعد الاكل بساعة 3 مرات يوميا بيساعد على حرق الدهون
3. القرفة والجنزبيل قبل الاكل ب 1/2 ساعة تساعد على حرق الدهون
4. كمان سمعت عن بذور الرجلة قبل الاكل معلقة صغيرة مع كوب ماء تملى المعدة وتحسس بالشبع
5. الرياضة 1/2 ساعة يوميا سواء مشي او حتى مشي في المكان في البيت بس لازم نلتزم
6. النوم جيدا نامي كويس تفقدي اسرع
7. دايما اشربي مشروبات دافيه وان جوعتي اشربي ميه وان لم تشبعي كلي خضروات سلطة
8. لتسهيل الموضوع على نفسك املى ازازة 2 لتر فيها ميه وخليها على مقربة منك علشان دايما تفتكري تشربي او حتى حطيها جنب اسدال الصلاة علشان تفتكري الميه تشربي مع الصلاة
9. املي ترمس فيه ميه سخنه علشان المشروبات الساخنة واشربي اعشاب وشاي اخضر من غير سكر
10. اعرفي حاجة ابدأي بانقاص وزنك من نفسك بدل ما تتضطري انك تنقصيه بامر الطبيب
11. المعدة بيت الداء كما قال الرسول عليه افضل الصلاة والسلام
12. تذكري دايما نحن قوم لا نأكل حتى نجوع واذا اكلنا لا نشبع يعني دايما وانت رايحة تاكلي قفي على باب المطبخ وقولي انا فعلا جعانة ولا ولو جعانة اشربي ميه وبعدها الخضار زي ما اتتفقنا وهكذا
13. اعرفي ان الوقت المناسب لعمل ريجيم هو اليوم لان النهاردة في ايدينا متعرفيش بكره هيكون فيه ايه
14. واعرفي انك دايما افضل طول ما انتي مركزة انت بتاكلي ايه فممنوع تاكلي وانت مش منتبهه كالاكل امام الكمبيوتر او التليفزيون او التليفون
15. دايما حطي في دماغك ان انت بتتبعي نظام حياة افضل مش نظام حرمان او تجويع لا انت بتحسني من صحتك ومظهرك لنفسك اولا ثم للناس اللي بيحبوك
16. متحطيش لنفسك هدف واحد لكن مجموعة اهداف متباعدة علشان لما تحققيها تحسي بالثقة والتشجيع
17. وارد انك تيأسي وتلبخي بس اوعي تقولي ما هيه خربانه خربانه لا لبختي وقفي وكملي ما تسيبيش نفسك لليأس يحطمك
18. التخسيس حلم سهل المنال بس لااااااااااازم يكون عندك الارادة والعزيمة واعرفي ان الموضوع كله اسبوع ظبطيه هتلاقي الباقي اسهل لان معدتك بتاخد على الاكل القليل فبتصغر والوضع بيبقى افضل بعد كده
19. الالتزام مهم في الميزان والمتابعة اليومية
20. اياك والاستسلام للنزوات خلال الريجيم واعرفي ان الاكل بيجيب اكل ويبقى الموضوع nonstop
يلا كفاية عليكم كده نبدأ بسم الله يا ريت اللي تدخل وتكون عايزة تتابع معانا تكتب الاسم والوزن والطول والاهداف زي ما اتفقنا
ان شاء الله هحط قواعد كده في البداية علشان ما يبقاش فيه زعل
1. الوزن اسبوعي واللي هتتخلف عن الوزن بدون عذر قهري هتحرم من المشاركة طووووووووووال الاسبوع وتضاف واحدة تانية مكانها
2. اللي مش هتابع يوميا معانا او يوم بعد يوم او تنقطع بردة بدون عذر قهري هتحرم من المتابعة واللي هتتخلف لمده تزيد عن اربع ايام تتطلع من الجروب
حتى لو فضلت لوحدي مش مشكله بس ادعولي التزم هههههههههههه
3- مفييييييييييش حجج الريجيم هكتبه اسبوعيا بعد الميزان واللي عندها ريجيم مريحها ماشي هكتب ريجيم د بهاء صحي ومضمون وكل واحدة على حسب ما تحب بس نلتزم
4- اي واحدة تحب تعرض مشكلتها مع الريجيم وبفضل الله ممكن اساعدها بريجيم يناسبها
5- كمان الرياضة قلنا ان شاالله في البيت مفيش مشكله من المشي في المكان مش لازم تنزلي او تروحي جيم او تكلفي نفسك بشراء جهاز .......... مفييش حجج
يلا مين هيكمل معايا الباقي من رحلتي مع الريجيم
الروابط المفضلة