السلام عليكم ورحمة الله و بركاته

عندي مشكلتين ياريت حد يلاقيلي حل وحدعيله من قلبي

الاولى والاهم والاتعس بالنسبة لي

من عدة شهوووور

لاحظت وجود فراشات في المنزل

ماتسرحو لبعيد وتفكروها فراشات ملونة ولا حلوة لا من المقرفين الي لونهم رمادي الي تدخل البيوت هديك الصغيرة الي

لما تكبر بتصير طيارة مش فراشة حاولت الاقي صور ماعرفت لاني مش عارفة اسمها ولما اكتب في جوجل فراشة تطلع اي صورة فراشة الا هية شكلو مو معترف فيها بعالم الفراش

المهم

انا قلت هادا موسم ويروحو
فكرت زي الهسهس لما يجيي شهرين ينتشر ويروح

بس هادول الهم شهور طويلة لازقين في وشي

خاصة في المطبخ

انتشرو بطريقة مستفزة

هما صح صغار لكن دمهم تقيل ومالهمش لزمة ... اجي البس المريلة لاجلي الاقي كم وحدة طارت في وشي

افتح الخزانة الا وحدة مرابطة هناك

افتح الفريزر الاقي وحدة دخلت بالغلط وماتت جوة ..... تستاهل عموما

وزي هيك عالسقف بكونو احيانا بعدهم بطلعو 12 وحدة في السقف

احيانا بلاقيهم بالحمام مو كتير الحمدلله مركزين عالمطبخ واحيانا جمب البلكونة

نادر الاقيهم في الغرف

بس زهقوني

وخفت يكبرو وقبل شوي صدق خوفي لاقيت وحدة كبرانة شويييي مو كتير بس كبرت مو صغيرة

شو اعمل؟؟؟ تركيزهم في المطبخ مش حقدر ارش بف باف

ولما قلت لزوجي ماشاف مشكلة قال فراشات مش مقرفين ومابعملو اشي
ومافيهم شي مزعج عاديين
يعني لازم الاقي حل بنفسي والا مافي أمل وراحت علي

ساعدوووني عندي هوس من قرف الحشرات مابتحملهم ابدا يمكن زيادة عن الحد بس الحشرات كائنات تسببلي تعاسة و حساسية وحكة و ديق نفسي حقيقي

شو في مادة مثلا احطها في المطبخ تطيرهم

شكلهم تكاثرو

على فكرة اقلكم معلومة حلوة الهسهس دايما الو موسم هون شهرين يمكن

ماكنت الاقيلهم حل

بس تعرفو جل الاخضر تبع الحمامات والارضيات كاتبين عليه يطرد الحشرات فوضعت جمب شباك المطبخ شوية من الجل على هيئة كتل صغيرة

كان يختفي فورا فورااااا الهسهس



المشكلة التانية حمامي ...

عندي مشكلة في الحمام الي جمب غرفتي

الحمام حلو نظيف جديد سيراميك مشطب حلو بانيو كبير مافي مشكلة ابدا ماشاءالله تبارك الله مو قديم ولا مكسر ولاشي والبناية كمان جديدة يمكن الها 5 سنين

بس قال شو في حمام افرنجي وعربي في نفس الحمام شو بدي في مابعرف

حاطو جمبو الغسالة تفرغ المية وهيك وبحط عليه سلات الغسيل ومابستعملو ابدا

بس في اشي عجيب

يعني الله يعزكم

لو كنت بنظف الحمام مثلا و شديت سيفون الحمام الافرنجي

تفوح ريحة لاتطاق من الحمام العربي

بموووووت بحس باستفزاز مو طبيعي ايش هالريحة ومن وين تيجي

كل يوم بكب فيها كلور وديتول والحمام كل يوم منظف لاني موسوسة نظافة يعني ماتفكروني مهملة او شي لا يشهد الله

دايما كلور ديتول صوابين و تطهير وكلو

بس هالريحة من وين تيجي هية تيجي من مجاري اكيد

قررررررررف

فتحة الحمام العربي مغطية بغطاء خاص بس عادي يمرق المية وكل شي وقت شدة السيفون تطفو عالغطا شوية مية بنية

وبتروح وبتطلع ريحة غريبة

زوجي قلي يمكن عشان مابنستعملو المياة راكدة عليه كل يوم شدي السيفون تبعو عشان يغير ميته

وصرت اعمل هيك وفش فايدة

سالت مرة وحدةجارتي بتقلي بكون الناس الي فوقك وسخين وميتهم وسخة وبتيجي عالحمام عندك في المجاري
!!! بس مو منطق صح

قال هية بتقول لما كان ساكن فوقها ناس هنود ودايما ريحتهم غريبة ومو نظاف وكان يصير معها هيك

وبس طلعو ونقلو واجا بدالهم عيلة عربية نظيفة بطل يعمل هيك ريحة


طيب شو اعمل احكولي الحمام مافي ايييييييييي مشاكل ابدا بس هالقرف من وين جاييني

هوة مو كل مرة تطلع الريحة بس لازم مرة في اليوم عالاقل

ومالوش علاقة بنظافة ولا وساخة اي شدة سيفون ولو فارغة تعمل هيك

الله يعزكم ويكرمكم واسفة لو قرفتكم بس بدي مساعدة والله