ادللي غالي والطلب رخيصكتبت بواسطة FARFORA
بالنسبه للمكمور
انتي قلتي لحمكم يطول في الطياب خلاص يا حبيبه هرديه بالسكين هردات بسيطه
وحطيه في طنجره وعليه عود لحم حبه بس وعود قرفه وورق غار وحب فلفل اكحل
وحبات قرنفل اللي هو المسمار
وملح و نص ليمونه هذا لان لحمك يحتاج وقت فالليمون يسهل نضجه
وحوالي طاستين شاهي ميه وحطيه عالنار خليه لين يتحرك هو والميه وبعدها نقصي عليه واجد وعدي عنه وبعدها تلقيه زي البورديم
ونحنا لما اللحم يكون كبير ويطول ما يطيب نحط معاه طاسه شاهي ههههههههههه وماتخافيش مش ح تنكسر
بس طواسينا احني راهو مش امتاعت الشهي الخفيف اللي زمان انديرو فيهن بكيكه الكسكاس
وبالنسبه للحم الكسكاس فعلا احدي الاخوات في السفره نزلت طريقته
بس نعطيك طريقتي
اني ناخد اللحم ونتبله بكل بهاراته وشوي زيت وحطي معاه شرائح بصل للفوحه
والمهم ترغمديه بالبهارات والزيت زين وماتنسي تهرديه
ونحطوه في الكساكس وتحته ميه ونخلوه لين يطيب
بعدها فيك تقديمه هكي وفيك تحطيه في الفرن من فوق بس
والميه اللي في طنجره الكسكاس تولي نازله عليها بهارات التتبيله
خلاص هذه استفيدي منها وديري بيها رز ويطلعلك فايح ياسلام
وان شاء الله وصلاتك الفكره
ملاحظه
المكمور لكل اللحموم طبعا ماعدا السمك
الروابط المفضلة