*طبق متميز*كبسه الطازج المشطشطه من مطبخ الدكتوره ماما
اخواتى العزيزات مساكم الله بالخير كلنا طبعا بنحب الكبسه بكل اشكالها وكل واحده ليها طريقتها فى عمايلها انا بقى بعد ما اكلت كبسه الطازج المشطشطه قررت انافسه واعملها احلى منه وفعلا والله بشهاده ابو الولاد والولاد انها احلى منها المهم طولت عليكم تعالو بقى نشتغل
اولا نجيب اللحمه ونسلقها باستخدام البصل والحبهان والقرنفل
ثانيا نحضر المكونات الاتيه بصلتين مبشورين- نصف راس توم مفروم- قطعه جنزبيل طازج مفروم -قرن فلفل حراق
ثالثا نبشر جزرتين
رابعا نسلق حوالى كوب بازلاء
خامسا نحضر التوابل الاتيه (ملح-فلفل اسود-بهارات مشكله-قرفه-شطه حمراء-كركم-كارى-زعفران-كمون-كسبرة-لومى )
سادسا نبدا الشغل نحضر حله ونضع فيها البصل وقليل من الزيت ونحمره قليلا
سابعا نضع الثوم والجنزبيل
ثامنانحضر عصير طماطم حوالى4 طماطمات ومعلقتين صلصه طماطم ونضعهم على البصل والثوم والجنزبيل
بعد ماتتسبك الطماطم كويس نضع اللحم المسلوق عليه
ثم نضع البهارات كلها مره واحده ثم نضع الجزر والبازلاء
ثم نضع كوبين من الارز البسمتى المنقوع مسبقا لمده نصف ساعه عليه
ثم نضع المرقه عليه ليغطي الارز جيدا ونتركه على نار عاليه لحد مايشرب المرقه ثم نهدى النار عليه حتى تمام النضج
وده شكلها النهائى بعد مازوقته بالبقدونس المفروم وممكن نزوقها بالمكسرات حسب الرغبه
وعملت معاها كفته مشويه فى الفرن
وكمان سبرينج رول باللحمه المفرومه
ويارب يكون الطبق عجبكو وبالهنا والشفا
رد مع الاستدلال
الروابط المفضلة