فول مصرى بالصلصه سهل ويجنن وبالصور
ازيكم جميعا
دى اول مشاركه ليا على الاطلاق فى اى شىء يتعلق بالمطبخ
وعملت النهارده فول بالصلصه بحبه اوى
يارب يعجبكم
المكونات
فول .......عصير طماطم او صلصه.... زيت ذرة.....ملح وفلفل وكمون..... فلفل اخضر حامى مقطع حلقات......عصير ليمون.....ثوم مهروس
الطريقه
تحمرى الثوم فى الزيت لغايه ميصفر لونه وقبل ميغمق اوى
بعدها تحطى عصير الطماطم وتقلبى وتسبيه شويه
بعدها تحطى قطع الفلفل الحامى على الطماطم وتسبيى الطماطم تتسبك
حطى الملح والفلفل والكمون والليمون
مجرد متبتدى فى التسبيك وتشوفى الزيت على الوش حطى الفول المدمس
وسبيه يستوى مع بعضه لمدة من 7 الى عشر دقايق
بعدها
تقدميه ومعاه بطاطس محمرة وسلطه وبالف هنا
يلا شموا الريحه الروعه وبعد متدقوا ادعولى بس اوعى حد ياكل صوباعه
رد مع الاستدلال
الروابط المفضلة