السلام عليكم ورحمة الله وبركاته
بصراحه من كثر ما استفدت من هذا المنتدى الرائع وحبيت كل من تواجد به قلت خليني اكتبلكم وصفه سهله جدا جدا واتمنى انها تحوز على رضاكم وتعجبكم
بس بصراحه عن تجربه مررررررررررررررررره تجنن وسهله وما يبغالها مجهود ابدا
ما اطول عليكم
كيكة الموس
المقادير
2ملعقه زبده
4 حبات جالكسي ساده
4 حبات مارس كبير
2 علبه قشطة التاج الحجم العادي
كرتون سويس رول بالشوكولاته
الطريقه
نحظر صحن عميق ونبطنه بالنايلون (حق الساندويشتات).
نحضر السويس رول ونقطعه دوائر بحيث يكون سمك الواحده تقريبا اصباعين ونبطن به الصحن كامل.
في حمام مائي نضع الجالكسي والزبده والمارس ونذيبهم جيدا ثم نضع القشطه ونقلبه واذا ارت ممكن تضعين ملعقة نسكافيه حسب الرغبه ثم تسكبيه في الصحن المبطن بالسويس رول وتغطيه بالسويس رول وتتركيه في الفيريزر لمدة ساعتين .
لازم قبل ماتحطي في الفيريزر تغطيه علشان ما ينشف
وقت التقديم تقلبيه على صحن وتزيلي طبقة النايلون وممكن تزينه حسب الرغبه ببودرة شوكولاته
وباالعافيه وسامحوني ما ارفقت صور كان ودي والله بس ما امداني انشاء الله في وصفات اخرى.
جربوها وقولوا النتائج
ولا تنسوني وصديقتي من دعوه في ظهر الغيب