السلام عليكم ورحمة الله

بداية أقول لكم صباح الخير وكل سنه وأنتم طيبين
،،،،،،،،،،،،،،،،،،،
ندخل في الموضوع على طول لأنه مررره مهم وما احنا عارفين وش نسوي وكيف نتعامل بهالحاله
أمس بيوم عرفه الصباح الباكر
حصل خلاف بين أخوي اصغر واحد بالأسره عمره 15 سنه مع أختي عمرها الحين 24 سنه أولا كان تلاسن بالكلام وحاولت فيهم أمي لحد ماهدأوا شوي
ثم عادوا مجددا تلاسن ثم تشابك بالأيدي وأخوي حاول من البدايه يتلافاها بس هي الله يشافيها لأنها مريضه وعندها فصام عيت تسكت وأصرت تتلفظ عليه بالكلام
وأمي تحاول فيهم بكل الطرق مارضيوا إلا تصير مضاربه قويه ودخل أخوي الكبير وفكك بينهم وخلى كل واحد يروح لحاله ،، فقامت أختي طلعت سطح البيت وأخذت بلكه كبيره
وانتظرت اخوي هذا لحد ماطلع من البيت ورمت البلكه عليه كانت ناويه تكسر راسه وسمعنا صراخ أخوي ودخل علينا وجهه كله مغطى بالدم وكان في حاله الله يعلمها وقال امسكوها لاتكسر راسي مره ثانيه يتكلم وهو يبكي وكان معاها حجر آخر أكبر منه وناويه تقضي عليه مررره
وقاموا أهلي أخذوه ع المستشفى فورا وسووله تنظيف وعمليه جراحيه قفلوا مكان الشج اللي براسه بس أمي الله يهديها أصرت تخفي الموضوع عن الأطباء لما سألوا عن سبب الحاله قالت لهم طاحت البلكه عليه من الجدار وقلت لها لو قلتي الحقيقه كان أفضل حتى يتصرفوا معاها بالطريقه الأنسب
قالت أمي لا الحين بيسببون لنا احراج ويودونها السجن تتوقف وبالنهايه هي عندها تقرير طبي انها مريضه وما حيسووا لها شيء
فقلت لها وضعها بصراحه خطر ماينسكت عليه وسبق انها حاولت بنفس الطريقه قبل فترة ورمتني بالطوب في وجهي وانا خارجه من غرفتي بس الله ستر وكان معي ابريق زجاج تحطم كله والحمد لله وسوت نفس الطريقه جلست بالسطح تترصد لي عشان ترميني من فوق بالطوب والبلك على راسي
أنا أعلم إن وضعها خطر جداً وهذي محاولة قتل لكن نسأل الله يشافيها ويعافيها مما ابتلاها
لكن كيف نتصرف بهالحاله علما أنها تراجع بالطب النفسي وتاخذ أدويه نفسيه بس ما أشوف تحسن
في أحد المرات حاولت تنتحر وذلك ببلع جميع الدواء الذي بحوزتها لولا لطف الله وعنايته
،،،،،،،،،،،،،،،،،،،،،،،،،،،،،،،،،،،،،،،،،
المهم فزعتكم شوروا علينا وش نسوي بهالحاله والله العظيم احترنا بحالتها ومرضها الذي أصبح خطر على نفسها وعلى غيرها
أرجوووووووووكم ساعدونا كيف نتصرف ؟؟؟
وهل تصرف أمي سلييم حين أخفت الموضوع عن الطبيب