للافادة احبتي


حعرض عليكم باترون وتشوفوا بعض الرموز يلي الها نفس الشرح يلي شرحناه بالدروس

بتلاحظو رمز المثلث الاسود هو نفس شرح الرمز الاخير يلي بالجدول الرموز بهيدا الدرس منسلت غرزتين كانهم عدل ومنشتغل غرزة عدلة ومنرفع الغرزتين المسلوتين فوقها

وعندكم الرمز يلي على شكل سهم للاسقل وهو منسلت غرزة واحدة كانها عدل ومنشتغل غرزة واحدةعدلة ومنرفع الغرزة المسلوته فوقها كمان شرحنا رمز نفس الطريقة بس الشكل بيختلف والرمز موجود بالغرزة يلي نزلت بترونها بالدرس عرفتوا شكلوا اكيد

وفيه عندكم كمان رمز على شكل سهم بس متجه للاعلى وشغلوا كلاتي منسلت غرزة كانها عدلة ومنشتغل 2 غرزة عدلة مع بعض ثم منمرر الغرزة العدلة المشغولة فوقهم

[IMG][/IMG]

وبتلاحظو كمان الرمز يلي على شكل سبعة وبقلبها رقم 2 يلي على اليمين انا شرحتوا بدرس سابق هو اخذ 2 غرزة عدلة مع بعض وفيه بترونات منشوف نفس الرمز بس بيكونوا مشغولين 2 عدل مع بعض بس ملويات وما بتلاحظي هيدا الشي الا لما تشوفي الغرزة وهم مطبقينها

شوفوا هيدي الغرزة منشتغلها 2 مقلوب مع بعض ملوية

[IMG][/IMG]

[IMG][/IMG]

شوفوا كمان هيدي 2 عدل مع بعض ملوية




[IMG][/IMG]

بس حبيت اعرض عليكم بعض الرموز يلي بتتشابه بالشرح وبتختلف بالشكل حتى اذا شفتوها تكونوا عارفين شو معناها ما الكم الا ترسموا اشكال الرموز على ورقة وتكتبوا الشرح بصير سهل عليكم طبقوا اي غرزة بتشوفوها متل ما بعمل انا ما اكون ثقلت عليكم