يلا يا دحدح أجى بياع الدحدح .. مين بده دحدح .. أعرفتوا الدحدح ؟! تعالوا أكتشفوه
صباحكم يا سمين شامي
صباحكم معطر بذكر الرحمن
الكتاكيت الحمد لله راحوا المدارس و فضل عنا الصيصان الصغار بالبيت
بس كمان لسه رواق لانه الصيصان نايمين ههه
خلونا نشرب كاسة هالشاي على رواق
ومعها قطعتين دحدح يا سلام
اول شيء الدحدح للي ما بعرفوه هو حلى فلسطيني تقليدي جدا و بسيط جدا
يباع علىابواب المدارس بالعربيات الصغيره و يا سلام ريحته بتكون تهفهف من الصبح
الصراحه هاي اول مره بعمله و الطريقه من رفيقة القلب ام السوس
جربوه مارح تندموا
الطريقة 1 كيلو سميد 1 كوب زيت 1/2 كوب سمنة .. 1 كوب سكر ... وملعقة باكنخ باودر وملعقة خميرة ...بتعجني بماءفاتر لحد ماتتماسك بتكون تقريبا متل البسبوسة ... حوالي 2 كوب ماء ....
الحشو نص كوب سكر 2 كوب سميد 5 معالق صغار قرفة .. وتقريبا كوب قطر .... بنخلطهم مع بعض ...
العجينة الاولى بنقسمها قسمين بنمد اول قسم في صينيه وفوقها الحشوه وبنمد القسم التاني
ثم تخبز بالفرن وصحتين ... عند التقديم ترش بسكر ناعم على الوجه
ورح تاكلوا صابعكم وراها
رد مع الاستدلال
الروابط المفضلة