الشال ده عملته السنه اللي فاتت
كنت شوفت غرزه حلوه في بطانيه وجربتها
المهم وقفت في النص وماكملتش
السنه دي طلعتها لقيتها تنفع شال
حطيتها علي كتفي لقيت اييييييه فرن هههههه
اصل الغرزه علي سطرين يعني تقيل وفي نفس الوقت ذوقه حلو
عملت له شراشيب ولبسته
وانسوا بقي دفا واعجاب شديد
بنتي مش بتلبس شالات
بس طمعت فيه وقالت الوانه شبابي مش ينفع لك
هو ممكن تعمليه باي الوان ويلم لك بواقي الخيوط اللي عندك وعلي ذوقك كمان
طولت عليكوا
دي البطانيه الاصليه




وده الشرح
بسم الله الرحمن الرحيم

البطانيه مشغوله بالعرض مش بالطول واللونين الاساسيين فيها الابيض والاسود
واي الوان بقي انتي عايزاها يعني احمر اصفر فوشيا اخضر
اي الوان عندك
- بتقطعي الخيط عند نهايه كل سطر وبتسيبي طول من الخيط عند بدايه السطر ونهايته
بتبدئي بالاسود وتعملي 206سلسله من غير شد (لازم البدايه تكون مرخيه )

السطر 1- اعملي غرزه حشو في ثاني سلسله من الابره- سلسله- سيبي سلسله من سلاسل البدايه واعملي غرزه حشو في السلسله التاليه)كرري حتي نهايه السطر
وكده حايكون معاكي 102فراغ مكون من سلسله واحده (102لوب) وسيبي حوالي 15سم من الخيط واقفلي واقطعي

السهم اللي باللون الاسود بيشير لسلاسل البدايه وهنا حاتسيبي سلسله
والسهم الاحمر بيشير للسلسله اللي حاتشتغليها

السطر 2- سيبي 15سم من طول الخيط الاسودواعملي حلقه بدايه علي الابره و دخلي الابره في اول غرزه واعملي غرزه حشو ثم غرزه حشو في كل غرزه وكل لوب وسيبي 15سم من الخيط واقفلي واقطعي
السطر 3- وصلي اي لون انتي عايزاه وانا هنا وصلت الاحمر وسبت طول من الخيط وعملت غرزه حشو
*اعملي 3سلاسل-عمود غير منتهي في اول سلسله مرتين ثم ضمي الغرز كلها في غرزه واحده (كلوستر)- ثم اعملي سلسله

الرقم 1بيشير لل3سلاسل والرقم2بيشير لاول عمود والرقم 3بيشير لثاني عمود
سيبي 3غرز واعملي غرزه حشو في الغرزه الرابعه

شوفي انا مشاروه عي الغرز اللي حاتسيبيها باللون الفوشيا
- 4سلسله- سيبي 3غرز واعملي غرزه حشو في الغرزه الرابعه *

شوفي الاسهم باللون الاسود عدد السلاسلوالاسهم باللون الفوشيا =عدد الغرز اللي حاتسيبيها والنقطه باللون الاصفر هي الغرزه اللي حاتدخلي فيها
كرري بقي مابين العلامتين** حتي نهايه السطر

اقطعي الخيط (ودايما تقطعي الخيط عد نهايه كل سطر
السطر4-وصلي الخيط الابيض عند بدايه السطر علي الوجه الامامي للشغل واعملي غرزه حشو ثم 3عمود من خلف الكلوستر اللي عملتيه في السطر السابق
ولو اخدتي بالك في الصوره دي احنا سيبنا 3غرز وعملنا غرزه حشو في الرابعه
في ال3غرز دي حانعمل ال3عمود من خلف الكلوستر

شوفي هنا السهم بيشير للغرزه اللي بندخل فيها الابر وشوفي الابره بتدخل من خلف الكلوستر


ثم اعملي غرزه حشو في غرزه الحشو من السطر السابق
- ثم اعملي 3عمود في ال3غرز اللي سبتيهم في السطر السابق تحت ال4سلسله
ولكن المره دي من امام ال4سلسله كده
والسهم بيشير للغرزه اللي حانبدا بيها ال3عمود من امام 4سلاسل

كرري حتي نهايه السطر واقطعي الخيط الابيض
سطر 5- الوصلي خيط بلون تاني وكرري السطر 3ثم اقطعي الخيط
السطر 6- وصلي الخيط الاسود وكرري لسطر 4

كرري السطور من3الي6للغرزه

وده شغلي



دي الغرزه من قريب




والي اللقاء مع شال انصاف الدوائر