يوم ربيعي مع الولاد و مناسبه جميله عموره ريونه و لولو*تجربة رائعة ليوم ملون مع أطفالي
السلام عليكم ورحمه الله وبركاته
بشكر الاخوات علي هذه الفكره الرائعه فجزاكم الله خيرا
بتعتذر لان الامور مش مرتبه في البيت وكمان الصور كبيره ومش بعرف اصغرها ياريت لو احدي المشرفات تساعدني في تصغير الصور وجزاكم الله خيرا
انا يومي بيبدأ الفجر بعد الفجر بحضر الفطار للولاد حتي في يوم الاجازه زي الخميس اللي بدءنا بيه فحضرت لهم الفطار وتركته لهم لما يصحوا يفطروا
لانهم بيصحوا من سته صباحا كانه يومي دراسي وانا بنام شويه
نسيت اقول عمار 7 سنوات في ال، كي جي ، ريان 5سنوات يو كي جي ولينه سنه وشهرين
لما صحيت من النوم بدؤوا بالصلاه
وبعد كده بدأنا توضيب الشقه مع بعض وهما ساعدوني في تجميع العاب لينه
ودخلنا لمطبخ علشان نعمل البيتزا اللي كانت مفاجاه لهم وكمان ما قولتلهم انهم حيساعدوني غير لما جهزت كل حاجه لو عرفوا مش حعرف اخلص حاجه طبعا كنت مجهزه العجينه من الفجر
عمار قرر يزين بشكل مرتب كل حاجه بالترتيب وريان عمل وجه علي البيتزا
وده الشكل النهائي للبتيزا بتعتهم
وانا كمان عملت البيتزا بتعتنا بسرعه وطبعا بضع كل حاجه بشكل عشوائي عمار قالي ياماما انت طاهيه مبتدئه لازم تتعلمي من عمار
لانه بيرص الحاجه بالترتيب
طلبت منهم يصلوا الظهر قالي عمار كل شويه تتعبينا ياماما نصلي ونعمل البيتزا علي الرغم انهم كانوا فرحانين اوي بالمشاركه وطبعا بالنسبه لهم مفاجأه انهم يدخلوا يعملوا حاجه من فتره كبيره ما حصلت
بعد كده لينه كمان وانا بصلي لازم تصلي امامي وقولها نصلي يا لولو تشد المصليه والاسدال وتقف امامي وده صورتها عذرا طبعا علي الكركبه محبتش اضيع الوقت وهي بتصلي لحسن تخلص وتمشي صلاتها طبعا تضع ايدها كده وبعد كده تنام علي الارض وخلاص
وبعد كده قولت لهم يقعدوا شويه علي الكمبيوتر لانه بالنسبه لهم افضل وسيله تعليم كبروا علي الوسائل التعليميه البسيطه لانهم اخدوا في المدرسه حاجات اكبر بكتير واللاب توب التعليميي بتعهم لينه بتلعب بيه حاليا وطبعا البازل والبورد بتاعه الكتابه خلاص الحمد لله كبرنا تنفع لسن قبل دخول المدرسه
طبعا دلوقتي كل تركيزهم في شراء عربيات طيارات موتوسيكلات لعب اولاد خالص وانا بسيبهم براحتهم علشان الضغط في المدرسه كفايه عليهم
طبعا لينه مش بتسبهم في حالهم بتطلع علي الكرسي وتدوس علي الكاي بورد وتقفل كمان الجهاز مكنش في حل غير انهم يقعدوا كده ولينه فضلت محتاره توصل للجهاز ازاي تاني
طبعا المواقع المهمه بالنسبه لهم
موقع اسلامي مفيد جدا اخدته من احدي الاخوات جزاها الله خيرامن المنتدي هنا طبعا لما الجهاز بيبوظ بيكون ماساه علشان الموقع ده بيضيع مني
ده الموقع فيه قصص جميل جدا عمار استفاد منه كتير وفيه قرأن واناشيد وحروف وارقام متنوع واسلامي تحفه
http://www.harfkids.com/fun_Story.aspx
وده موقع تعليم انجلزي برضه جميل اوي بيحبوه جدا
http://www.starfall.com/
وموقع للالعاب وطبعا العاب معينه بيعلبوها بنقفل السماعات والعاب كله سباق وطبخ وترتيب وبازل بعيد عن العاب العنف
واخر حاجه بيتفرجوا علي اناشيد وتوم اند جيري علي اليوتيوب لان التليفزيون عندي مش بجيب لهم قنوات فيها توم وجيري
عندها الجزيره للاطفال ، اجيال ، سمسم فقط طبعا انا اختارت لهم هذه القنوات لاني وجدتها افضل الموجود ومفيده وبتزود المعلومات عندهم الحمد لله
وطبعا قناه طيور الجنه ده جبتها مخصوص للينه لان الولاد ما كانت بتجذبهم لكن لينه فرحانه بيها اوي وبترقص معها باستمرار
وطبعا بعد الظهر بدءت بتزيين التورته كنت مجهزها قبلها وجهزت الزينه وكنت مقرره ازينها كلها فواكه بس هو غير كلامي وبما انها له اخدت رايه طبعا ووقفوا معايا وانا بزين وحاب يخليها نص كريمه وشيكولاته ونص فواكه علي الرغم انهم مش بيحبوا لاشيكولاته وده كان شكلها
بعد العصر ابو عمار عنده حلقه تحفيظ اولاد صغيرين بالبيت والولاد بيحضروا معاهم وطبعا ريان حاب ياكل التورته مع الولاد
بعد كده بليل خلاص جه وقت النوم وده طبعا يوم مختلف غير لما يكون في دراسه واولاد الحلقه مش موجودين اليوم بيفرق
بس يومنا انتهي علي كده وطلعنا علي السرير
وهنا عمار وريان بيقولوا اذكار النوم
كالتالي :
الاخلاص والمعواذات والنفث باليد ومسح الجسد وقبله تنفيض السرير 3مرات وقول بسم الله
وانا بزيد علي كده بعض الادعيه اللي بحبها اتعودنا خلاص نقوها قبل ما ننام
بسمك الله وضعت جنبي ده دعاء النوم
بنقول كمان
اللهم ارزقني فهم النبيين وحفظ المرسلين والملائكه المقربيين
رب اشرح لي صدري ويسر لي امري واحللي عقده من لساني يفقهوا قولي
طبعا من الاساس علمتهم الادعيه ده بنيه حفظ القرآن اولا وثانيا الدراسه
ونسيت اقولك ان لينه كمان نزلت اتصورت مع باباها علشان نعلم لها جوازا لسفر علشان النزول لمصر قرب خلاص وده صورتها وهي نظيفه بقي بالاستديو
تاني يوم كملنا النشاط اللي مقدرنش نخلصه علشان اليوم كان قصير
طبعا الواجبات المدرسيه خلصوها من يوم الثلاثاء الاربعاء لم يذهبوا للمدرسه
بعدالعصر وبعد الصلاه
جبنا الصور علشان نلون اخيرا ولينه نايمه وده انسب وقت
كل واحد كتب اسمه علي ورقته وكل واحد خلاني الون معه رسمه وطبعا كانوافرحنين اوي وبقولهم بسرعه قبل ما لينه تصحي عمار قالي انت عايزه تقوم وتسيبنا ياماما وما تقعدي معانا فتره كبيره طبعا صعب علي بس غصب عني والله اليوم مش بلحق فيه اخلص كل حاجه وفعلا كانت فرصه حلوه اني تشاركت معهم في بعض الاشياء اللي بقالي فتره كبيره مش بعملها
واخيرا من ضمن العبهم المفضله اللي لينه مش بتقدر عليها
التسلق
وريان طبعا لازم يقلد
عايزه اقولكم ان لينه مش مديهم فرصه يلعبوا باي لعبه تخصهم بمجرد مايحطوا السياره علي الارض تعمل عليها هجوم وتشيلها وطبعا تكسير علشان كده كل لعبهم مخبينها من لينه ولو في فرصه وهي نايمه ممكن يطعلوا حاجت يلعبوا شوي
اكيد طولت عليكم اليوم كان مزدحم وكمان ممكن اكون ملخبطه في حاجات وناسيه حاجات كان نفسي اخرج بيهم بس المسابقه قربت تخلص وما حنلحق نصورهم برا
انا عارفه اني مقصره في الانشطه مع الولاد ومعظم اليوم هما بيعتمدواعلي نفسهم طبعا انتوا عارفين وجود 3 اطفال ومدارس ومسئوليه والحمد لله
اخر حاجه حابه اقوله ان القرأن له وقت طبعا يوميا بالنسبه لعمار يوم مراجعه ويوم حفظ جديد والحمد لله ماشي كويس في القرأن بس ريان شويه اقل في الحفظ علشان كده مش كل يوم بيقرأ
علشان كده مش بضغط عليه وكمان عمار ماشاء الله تبارك الله حاليا اتعلم يقرآ ويراجع لوحده وده خف عني كتير الضغط بتاع لحفظ
دعواتكم ان ربنا يتم له علي خير حفظ القرآن والعمل به
ويرزق ريان ولينه الحفظ الجيد الذي يرضي الله عزوجل
رد مع الاستدلال
الروابط المفضلة