السلام عليكم ورحمه الله وبركاته

بنات يارب كلكم بخير

حاجه كتيره محيارنى ومزعلانى ومش عارفه ابوح بيها ولا لا
انا تزوجت فى بلدى والتى تبعد عن بلد زوجى بحوالى 30 كم المهم
هو وافق ان نعيش فى بلدى وذلك من اجل شغلى حتى لا اسافر وهو طبيعى ان يسافر هو
عجبنى تفكيره وشكرته كثيرا
ولكن لم يستمر فى شغله كثيرا وجلس فى البيت بدون شغل واصبحت انا راجل البيت وسته
المهم كان على كل ما تعرفونه من شغل البيت وكمان شغلى بره واللى وكاتن فترتين
بس مكنش بيبعد عن البيت اكتر من 5 دقايق مشى
وبعدين بدات المشاكل انى بتاخر وكمان تعليق مستمر على لبسى اللى هو الطبيعى فى الوقت ده التاخير كان بيبقى كبيره ربع ساعه
وكمان بعد وفاه والدى كان يضايق انى بعدى على امى وهى فى نص المسافه بين البيت والشغل وكنت بطمن عليها وانا واقفه على الباب والله يا بنات ما كنت بتاخر
هو يقولى انا مش بمنعك بس عرفينى الاول

وطلبت منه انها تبقى حاجه مفتوحه انى اعدى عليها كل يوم اطمن عليها موافقش


المهم يا بنات بعد كام شهر نقلنا بلده قصاد اهله
المهم هو الحمد لله راح شغل وبعدها بفتره نزلت انا شغل
الشغل ده بيبعد عن البيت مش اقل من نص ساعه مواصلات وكمان بركب مواصلتين
شوفوا النقيض بقى
برجع بالليل متاخر عن قبل كده ومفيش تعليق ان اى حاجه
عن لبسى ولا عن المواصلات ولا عن التاخير ولا حتى عن اهله اللى انا بمر عليهم زى ما كنت بعمل مع اهلى بالضبط
بس للامانه لو قدامه لقانى لابسه حاجه هو شايفها ضيقه مش بيرضى


يا بنات انا مش قادره افهم ايه سبب التناقض ده
هل هو عشان الاول كان فاضى ؟
ولا ايه
انا تخيلت انه مش بيعلق انى بمر على اهله عشان مبقاش قاعده لوحدى
طيب ليه مش بيعلق على تاخيرى ؟؟
حد يفيدنى هتجنن