باركَ اللهُ فِيكِ وجزاكِ اللهُ خَيراً
< إشرافَ المصليّات والأنشطَة >
ربي يحفظكن من كل سوء ويجزيكن عن الاسلام والمسلمين خير الجزاء
الفكرة جدا رائعة بارك الله في جهودكن
احببت ان اشارككن في هذه الافكار كمعلمة تحفيظ
وكل وحدة حسب مجتمعها واللي بناسسبها
حفظ القران الكريم مع التفسير
البرنامج ببلش بطابور صباحي
لا تفكروا انو مثل نظام المدرسة ابدا الوضع مختلف تماما
الطابور مدته نصف ساعة وبكون فيه:
وحدة من الطالبات بتقرا قران
وبعدين في شعار للمركز وهو شعار حماسي وبامكانكم تستفيدوا منه:
اللي بالاحمر بتحكيه المشرفة واللي بالاسود للطالبة:
بتقول المشرفة: بتقول الطالبة:
بعدها في نشيد للمركز البنات برددوه.
وبعدها كلمة لوحدة من المعلمات بتحكي فيه عن شعار الاسبوع(رح احكيلكم عن قصة الشعارات بالتفصيل) ونصائح للحافظات
بعدها بكون مسابقة بسيطة للطالبات مشان يتنشطوا سواء بالبالونات
بعدها استراحة لمدة ثلث ساعة
بكون فيه ساندويش وعصير للطالبات وممكن تجيبوا شيبس وبسكوت
بعدها بكون حصة قصيرة عن واحد من المواد السابقة لمدة نصف ساعة
واحيانا بعد ما ننتهي بنعمل ساعة نشاط وهي منوعة وجدا رائعة للطالبات
لانها بتششجعهم انهم يجوا وبتحببهم في المركز
بنعمل مع الطالبات حلويات بسيطة
واحيانا بنخليه مفتوح يعني بنجمع الطالبات في غرفة
واي مجموع بتحب تنشد او تمثل مسرحية او اي شي بتطلع قدام الطالبات
ورح تتفاجئوا من البنات الكل متشجع ومتحمس وبدو يطلع
رح تشعري فعلا انو التفاعل كبير من البنات
مثلا اول اسبوع عن الوضوء والصلاة واخترنا اله شعار
واللي بعده عن بر الوالدين
وكتبنا الشعار على لوحة وعلقناه
وببداية الاسبوع بتقوم وحدة من المعلمات بتحكي للبنات عن الشعار
وبتنصحهن وبتذكرهن بكيفية تطبيق الشعار في مجتمعنا ومع اهلنا
يوم الخميس وهو اخر يوم في دوام الاسبوع
بعد تسميع القران والاستراحة
بكون في نشاط وهذا النشاط ثابت في كل خميس
مو مثل الانشطة في الايام الاخرى لانو احيانا بنعمل انشطة واحيانا لا
اما يوم الخميس لابد من وجود نشاط
النشاط يجب انو يكون متعلق بشعار الاسبوع
وبندرب الطالبات اللي بدهم يشاركوا اما في نفس اليوم
والتدريب على فكرة بكون كثير سهل وبيسط وما بوخذ معك 10دقائق
اول فقرة طبقنا(المعلمات طبعا) الوضوء والصلاة بالتفصيل امام الطالبات
وكان بعدها مسرحية عن الشيطان خنزب اذا بتعرفوها
وانا دربت الطالبات عليها في نفس اليوم ما اخذ معي 10دقائق
بعدها كان في اسئلة عن الفقرات السابقة واكيد جوائز
عملنا اولا عرض ازياءعرضنا فيه انواع مختلفة من حجاب البنات في هذي الايام
وكنا نسال الطالبات هل حجابها شرعي ولماذا؟
بعدها مسرحية احنا الفناها
طبعا بنعطي جوائز خلال المركز الصيفي
على صاحبة الحفظ المتقن واكثر حفظ
ووضعنا الجوائز على رف مغلق بالزجاج
مشان كل البنات بشوفوه ويتشجعوا
وهذا التاج بكون لافضل حافظة
بنلسها اياه في نهاية الدوام وبتوخذه عالبيت
وبتجيبوه معها في المرة القادمة مشان نعطيه لحافظة اخرى
حاولت قدر الامكان انو اكتبلكم كل شي
وبتمنى انو اكون وفقت في هذا
ولا تنسوا يامعلمات ويا طالبات
انو اهم شي وهو الاول والاخر:
الاخلاص ثم الاخلاص ثم الاخلاص
رد مع الاستدلال
الروابط المفضلة