ام انس ربي يجزيك الخير ياعمري ع التجمع الجديد وسألت عنك العافية وراحة البال ،،، عساكي بخير وامورك تمام يارب والله يجبر عليكم بقصة الكهربا قلوبنا معكم والله اهلي ياحرام يادوب اذا اجت الكهربا بتقطع المية والله متغلبة ماما كثير وبتقلي الغسيل والجلي وفوقهم ضيقة الصدر وروحهم مفرفرة الله يعينكم .......
ام محمد غالية وعزيزة حمدلله ع سلامة اولادك والحمدلله ع هيك وربي يجعلها اكبر المصائب المهم سلامتهم كل شي بتعوض والله ياقلبي ....
ام مالك الحمدلله ياقلبي بتعرفي كنت متابعة اخبارك ومتوترة كثير مشانك والله وطلبت مرة من الصبايا انهم يستأذنو منك ويعطوني رقمك وانت بالمستشفى لاطمن عليكي ونصبرك بكلمتين بس الحمدلله انه ليثو الغالي طلع بالسلامة وربي يطمن بالك عليه بزيادة يارب وتصير اموره ىتمام حاسة فيكي والله لانه لو كح حمادة بقلق وبتوتر كيف انتي الله يجبر عنك واجر وعافية وكفارة عنكم وعافية تحف ليث يارب ....
روجينا كيفك ياغالية وكيف الاميرات عساهم طيبات يارب وكيف جامعتك بالبردات الله يعينك يارب .....
سنوءءءءء حبيبة قلبي كلك زوووووق وصدقيني من التجربة انا بغربة الوحدة اللي بدها تكسب زوجها ماتحاول تضع زوجها بينها وبين اهله مهما صار لانه بالاخر بتوتر وبوترك معه وبغضبو عليه اهله وهاي لحاله ربنا مابوفقو لا هو ولا ذريته وبتصير الحياة نكد وكدر وكمان الدنيا سداد ودين وحتى المشي ع الرجلين يعني الدنيا دوارة انت اعملي كل شي منيح وبتغي رضى ربنا والعوض منه بولادك بكرة لما يكبرو ويحننهم عليكي بكبرك ياقلبي وبدي اقلك شغلة انا مؤمنة فيها من ((( من أبر غير أهله ،،، أبره غير ولده ... والعكس صحيح )) لهيك خليه زوجك وعينيه يبر اهله مشان يبروكم اولادك بكبركم ياقلبي بتعرفي اضحكي عليي لما اكون بدي اعلق ع شي من اهل زوجي باصير احكي لحالي اتحملي بكرة كنتك تعمل فيكي نفس الشي ياايمان ههههه والله الدنيا بتدور ياقلبي معلش تحمليهم بكل سلبياتهم ومن هسه قبل ليصلو احتسبي امرك لله ولرضى زوجك وتاكدي الوحدة عن اهلي اهم شي رضاهم وعند زوجها رضاه قبل رضى اهلهم وبتعرفي للحديث تاع لو امرت احدا يسجد لاحد لأمرت الزوجة ان تسجد لزوجها فمشان زوجك ورضاه اكسبي اهله ياعسل .....
سيسي ياسيسي ذكرتني بحملي ربي يقومك بالسلامة ويتمملك ع خير سنة الله في عباده مافي شي بالساهل سبحان الله لانه لذة الشي بتعبه قبل تحصيله قديه معك سنافر ؟؟؟؟
ام بسملة الله يعينك ع الشغل وتدريس الصغار والله مسؤولية بعين الكريم ربي يوفقك وينجحهم وتشوفيهم باعلي المراتب ...
يقيني بالله بلا ثقلة دم شو اسمك او ام شو بقولولك لزوم التعريف هههههه انا ايمان وهمه بقولو ام احمد الله يخليلي ااياه بحس حالي ختيارة هههه
اماني ربي يطمنك ع امك بس بالله ماتستسلمي لليأس بالذات انت بالغربة ياقلبي بتعرفي حاسة فيكي والله ماانا نفسك ولما تضيق الدنيا بتذكر مقولة لسيدنا عمر بن الخطاب رضي الله عنه ((( عندما اصبته مصيبة قال الحمدلله انها لم تكن اكبر مما كانت عليه ،،،، الحمدلله انها لم تكن في ديني *** اعظم ابتلاء الله يجيرنا وااياكم *** ،،،، الحمدلله ان الله يجازي عليها خير الجزاء )))) صدقيني يعني المصاب واقع واقع بس علينا بالصبر والدعاء وعد القنوط من رحمة ربنا مشان مانضيع اجرنا فاستعيني بالله ياقلبي وهادا حال الدنيا ......
وهسه اذا سألتو عني الحمدلله الامور تمام وحمادة باشا بسلم عليكم هو كبر اسم الله عليه وصار يضحك ويقرقر ويبربر بالحكي ههههه ونازلين انا وزوجي نصوره فيديو وصور ومكيفين عليه ونومه بالليل نص نص صار اكيد احسن من الاول بس مو كثير بصحى بالليل عشر مرات يرضع وينام وانا الصحيح حابة اعوده ينام بالليل ومايرضع مين عندها تجربة بهيك امور وزبطت مابعرف اجرب اهز لما يقوم يرضع ولا اعطيه اللهاية مشان تتعود معدته ع عدم الرضاعة بالليل والله محتارة .....
ومع هالبردات تجمدنا والثلج ياعيني ياليل طبعا منطقتنا مافيها غير مطر غزير بس عمان العاصمة زوجي اجز 3 ايام من الثلج ....
دعواتكم بالله انه الاقي بيت احسن من البيت اللي فيه طبعا اكيد ايجار مو ملك بهالبلد يالطيف تلطف فينا يارب ههههه
وسلامة تسلمكم يارب ......... واذا نسيت حدا سامحوني بالله
الروابط المفضلة