المجدرة ومين ما بحب المجدرة وكيف اذا كانت مجدرة البرغل تفضلوا

[shahed60]

السلام عليكم ورحمة الله وبركاته




كيفكم وشو اخباركم

المجدرة اكلة طيبة وسهلة وخفيفة رح قدملكم اياها بطريقتي وهي مجدرة البرغل


المقادير


كاس برغل خشن
كاس عدس
3 كاسات ماء
ملح
نصف كوب زيت زيتون
بصلة كبيرة مقطعةجوانح



الطريقة



يغسل كل من البرغل والعدس كل على حدة بمصفاة
يسلق العدس بالماء لحد الاستواء تقريبا تلت ساعة او اكتر
يضاف البرغل واليحرك حتى يتناسق مع العدس ويغطى القدر
يترك على نار هادئة لخمس دقائق
في طواية يحمى الزيت وتحمر جوانح البصل
ترفع جوانح البصل وتوضع جانبا
يرش الزيت الحامي على المجدرة (نفس الزيت الذي استعملناه مع البصل )
يسكب بصحن التقديم ويزين بجوانح البصل المقرمشة
يقدم مع اللبن العيران او الرائب
انا اضفت سلطتين صينيتين سلطة الخيار المدقوق وسلطة البازلاء

السفرة



المجدرة حلوة ومدردرة




وبالعافية على قلوبكم

[تغريد2007]

اول مره اسمع بتنعمل مع البرغل بس شكلها بشهىىىىىىىىىىىىىىىىىىىىىى
يسلمووووووووووووووووووو حبيبتى
انا نزلت زمان طبخة خبزاتها منها فيها وكرمال خاطرك حملتها على موقع تشوفى منه بس انت ما رحتى شفتيها
فانا حردت هههههههههههههههه

[shahed60]

اول مره اسمع بتنعمل مع البرغل بس شكلها بشهىىىىىىىىىىىىىىىىىىىىىى
يسلمووووووووووووووووووو حبيبتى
انا نزلت زمان طبخة خبزاتها منها فيها وكرمال خاطرك حملتها على موقع تشوفى منه بس انت ما رحتى شفتيها
فانا حردت هههههههههههههههه

لا يا حبيبتي لاتزعلي والله ما بهون علي بزعل الحلوين انا رحت شفت الموضوع وما ظهرت الصور وقلت ما بدي تقل عليكي وقلك ما ظهرت الصور وضليت متخباية عم الصينيين ما بيحجو غير الواقع الي بتحملي عليها ههههههههه
كتير حاولت ومحال حتى اطباقك بالمسابقة ما بتظهر عندي والي قاهرني انك ست بيت معدلة وبحب شوف اطباقك لاتعلم
اسفة كتير كتير

نحن بسوريا حبيبتي ما منعملها الا بالبرغل ومن النادر نعملها بالرز وانا ما بحبها غير بالبرغل جربيها كتير طيبة وطعمة

تسلمو لطلتك الحلوة يا عسل

[تالين عمر]

يسلموا اديكي ولا مره عملتها بالبرغل بس بجربها انشالله

[rawan_d]

يسلمو اديكي حبيبتي ... انا كتييير بحبها ..
انا عندي نفس المشكلة تبعك اني ما بشوف الصور تاعون تغريد

[emalbanat]

السلام عليكم ورحمة الله وبركاته :
ما شاء الله لا قوة إلا بالله ، شو هالمجدرة اللذيذة والله شهيتيني عليها ، تسلم اديك حبيبتي
ياريت إذا ممكن تقوليلي طريقة السلطات . وشكرا سلفا

[shahed60]

يسلموا اديكي ولا مره عملتها بالبرغل بس بجربها انشالله

الله يسلمك يا قمر

لا هيك راح نص عمرك طعم تاني والذ من مجدرة البرغل جربيها وادعيلي

يسلمو اديكي حبيبتي ... انا كتييير بحبها ..
انا عندي نفس المشكلة تبعك اني ما بشوف الصور تاعون تغريد

تحبك العافية يا قمر فعلا هي طيبة ومافي عليها كلام
شايفة معناها لازم نعمل اذراب اناىواياكي منا تغريد تغير مركز التحميل هههههههههه

السلام عليكم ورحمة الله وبركاته :
ما شاء الله لا قوة إلا بالله ، شو هالمجدرة اللذيذة والله شهيتيني عليها ، تسلم اديك حبيبتي
ياريت إذا ممكن تقوليلي طريقة السلطات . وشكرا سلفا

الله يسلمك يا ست الكل ام البنات
الف طلب متل هالطلب نمع اني تاخرت عليكي لكن انتي ببالي بتعرفي التصفح كتير بطء وهذا السبب الي اخرني

سلطة البازلا

كوب بازلاء خضراء طبعا الي بتكون غضة ومافيها بذور او بذورها ضامرة بالاصح
نقطة زيت سمسم لا اكثر لانو لاذع
ملعقتين كبار زيت ذرة
5 حباب تشلي يابسة
سمسم للتزيين

بتشيلي الخيوط الي ع طرف كل حبة بازلاء وبتغليها لدقيقة وبتصفيها
بتحمي زيت الذرة وزيت السمسم وبتشوحي الفليفلة (تشيلي ) لحتى يتغير لونها وهون بيكون الزيت تشرب الطعم الحار الي بالفليفلة
بتوحي البازلاء لدقيقتين وبتصبيها بصحن التقديم وبتزينيها بالسمسم سهلة كتير وكيبة جربيها اذا لقيتي من هاي البازلاء

سلطة الخيار المدقوق

بتحطي الخيار المغسول في قطعة قماش وبتدقيه بالهاون كم دقة مو كتير بس شي ينهرس هههههههههه
وبتحطيه بصحن وبتتبليه بملح وثوم لحتى تنزل ماءه ثم بتضيفي ملعقة خل رز وانا بضيف نصف ملعقة صغيرة ملح ليمون مع الخل
وبعدها بتحمي زيت مع شوية تشيلي بنفس الطريقة لحتى ياخد الزيت الطعم الحار وبقلي الخيار وبتقدميه طمان لذيذ كتير وعندي ادمان عليه

واي سؤال حبيبتي انا بالخدمة ومرة تانية لا توخذيني للتاخر

[lone~ly]

تسلم الايادى يا عسل
وريتها صحه وهنا

[د.سوسن]

تسلم الايادي يا قمر...احنا الوالدة بتعملها ببرغل و معك حق بتطلع كتيييير طيبة...تسلم دياتك

[وعود الخير]

شهودة .. انا ما بحب المجدرة بالبرغل


بدك تزعلي مني عادي

















لاني مو بحبها
بأعشقها عشق
كيف لما تكون من تحت دياتك

يسلمو يا عسل