◦ஐ˚◦ ๑ وسام التمييز ๑ ◦˚ஐ˚◦
السلام عليكم ورحمة الله وبركاته :
كيفكم يا قمرات المنتدى
الموضوع اليوم هو بمناسبة مروور سنتين تقريباً على اشتراكي في هذا المنتدى الرائع
خطرتي فكرة هل الموسوعة لحتى أجمع كل أطباق المطبخ السوري اللذيذ بموضوع واحد لحتى تستفيد كل الأخوات من غير تعب البحث ..
و رح خبركم أني اشتريت كاميرا ..و من اليوم و رايح رح تكون مشاركاتي مدعمة بالصور
إن شاء الله
يعني واحدة طاقق عقلها و مو مصدقة
بسم الله نبداً مع أول طبق
محشي البطاطا
المواد اللازمة :
2 كيلو بطاطا صغيرة الحجم
صنوبر محمص ( اختياري )
نصف كيلو لحمة ناعمة
ملح و بهار و قرفة
الصوص :
2- 3 ملعقة رب البندورة
خمس أكواب ماء أو مرق
نصف ملعقة صغيرة حب هال مطحون (انا بحب الهال كتير عشان هيك بضيفه لأغلب طبخاتي , بس الوصفة الأصلية ما فيها هال )
ملح و بهار مشكل
التحضير :
- نقشر البطاطا ثم نحفرها .
- نقلي البطاطا بالزيت حتى تشقر شوي .
- و بعدها نحطها على ورق نشاف أو محارم لتمتص الزائد من الزيت .
- نقلي اللحمة و نتبلها بالملح و البهار و بعدها نضيف الصنوبر و ندع الحشوة لتبرد .
- تحشى البطاطا باللحمة بحيث تملئيها بشكل كامل .
- نذوب رب البندورة بالمرق و نتبل و ندعها حتى تغلي .
- نرتب البطاطا المحشية في الطنجرة ثم نغمرها بالمرق .
- ندعها على نار هادئة مدة ثلاث أرباع ساعة تقريباً و بعد أن تنضج تقلب في صحن التقديم و تقدم مع الرز المفلفل بالشعيرية مع مرقها اللذيذ .
فااااصل ثم نواصل
موسوعة المطبخ السوري >> بالخطوات المصورة <<
◦ஐ˚◦ ๑ وسام التمييز ๑ ◦˚ஐ˚◦
بالسكين العادي؟
الروابط المفضلة