معاناة الطالبات في المدارس .. تعالوا شوفوا أسلوب بعض المعلمات مع الطالبات ..

[روعة الورود]

بسم الله الرحمن الرحيم

بما أني اكره المدرسه قلت لازم أوضح لكم أسباب كرهي لها ..

<<< ماتعقلين

تعاااالوااا شوفووووووا معاناتنا نحن الطالبات .....


ـ استاذة مافهمت الدرس
ـ اكيد مافهمتيه..هذا من الهذرة والسوالف والسرحان و الضحك بالحصة


ـ استاذة ممكن تعيدين اللي قلتيه ماسمعته
ـ اكيد مابتسمعيني ..انتي وصديقاتك بس تسولفون ..شلون بتسمعون؟


ـ استاذة ..ممكن اروح الحمام؟
ـ يعني ماافتكرتي الروحة الا الحين...بعد الحصة روحي،انتم زي الاطفال رايحين جايين على الحمام


ـ استاذة ..ممكن اشرب موية
ـ يعني ماصرتي عطشانة الا الحين..احسن خلك عطشانة عشان ماتسولفين وتتكلمين


المشهد :الابلة شغلت شريط (كاسيت) للطالبات .واحدة من الطالبات قامت وقالت:
ـ استاذة..الشريط اللي سمعتينا اياه من شوي ماكان صوته واضح
ـ لو انتم توقفون الازعاج والكلام اللي صاير بينكم في الفصل كان سمعتوا


استاذة منهجنا صعب...خططيلنا على الكتاب-
من قبل المعلمة فيه 3 ردود لهذا الطلب: الرد الاول:ايش؟؟؟اخططلكم؟؟اطفال انتم.؟؟
)الرد الثاني:انتي واحدة كبيرة..صرتي بصف (...) لازم تخططين بنفسك
الرد الثالث:مافي تخطيط ..كل شيء معاكم احفظوه


ـ أستاذة..دفتري ضايع..وش أسوي؟؟
في هالحالة الابلة ترد باحدى هالثلاث ردود: الرد الاول:هاه..نعم؟؟! وش تسوين؟؟ايش رايك اروح بيتكم وادور عليه؟؟لا انتي دوري عليه وانا شذنبي ان كان ضايع؟؟انا اللي ضيعته؟
الرد الثاني: لا لا,,الحمدلله..ماعندي دفاتر بمكتبي انا ارسلتها لكم يوم الاحد اللي فات..
الرد الثالث:ترى ان مالقيتي دفترك..راح تعيدينه لي كامل


المشهد/بنت تمسح السبورة ..بعد ماخلصت من التسميح:
ـ استاذة..ممكن أغسل يدي(البت اللي تسأل كانت تمسح السبورة)
ـ انا اعرفكم يابنات ..اذا تبغون تطلعون تسمحون السبورة..لا ياحبيبتي مافي طلعة..خذيلك منديل


ـ استاذة..الفصل حار مانقدر نستوعب
ـ شايفيني انا المصلح اللي يصلحلكم المكيف؟؟روحوا الادراة وقولولهم ..يلا لا تضيع حصتنا


ـ استاذة..فيه نملة تحت الدرج!
ـ اصلا النملة تخاف منكم..يلا بلا تضييع وقت..خلونا نكمل شرحنا..بس عشان نملة صغيرة مسويين قضية..


ـ استاذة الجو حلو..ممكن نفتح الشبابيك
-انتم ماتبغون تفتحون الشبابيك الا عشان تتفرجون على الرايح والجاي.. لا ماراح نفتح ـ استاذة بس الجو فظيع..لا نضيع هالفرصة
ـ عندكم فرصتين للطلعة..بعدين..يلا نكمل الدرس


ـ استاذة..الشمس على عيوننا ممكن نسكر الستاير؟
ـ لا خلوها احسنلكم ,,الشمس مفيدة لكم


ـ استاذة..صراحة..الامتحان كان مرة صعب
ـ اسكتوا ماحد طلب رايكم sid


ـ(هذا في حصة الفراغ) ـ استاذة..الله يخليكي ..طلعينا برة
ـ مجنونة انا اطلعكم؟؟!عشان تسوون ازعاج وتزعجون الادارة..بعدين المديرة ماترضى


ـ استاذة..انتي دخلتي اي جامعة؟؟(البنت اللي تسأل الغرض من سؤالها الاستفادة من تجارب الآخرين)
ـ انتم ملاقيف بس تبغون تعرفون اسرارنا..ايشرايك بعد تساليني متى تزوجت؟هذا اللي ناقص!!


ـ استاذة..انا تعبانة..وديني عند المشرفة
ـ معليش ..لا تشاركين معانا..بس استمعي او تقولها:ـ حطي راسك على الدرج ونامي,


المشهد/دق الجرس وبدأت فسحة الصلاة والابلة باقي تشرح الدرس البنات يقولون :ـ استاذة..نبغا نطلع..بنروح نصلي
(تبتسم المعلمة ابتسامة خبث وتقول:تصلون؟؟ولاّ تلعبون؟؟..وتدورون بالاسياب؟؟


المشهد:المعلمة تملي البنات الدرس..
ـ استاذة..ايش؟عيدي
ـ اسكتوا وبتسمعون


ـاستاذة..نذاكر من الدفتر ولاّ من الكتاب؟؟
تتحول ملامحها الى ملامح شر وتقول: ـ من الأثنين..


المشهد/المعلمة داخلة الفصل..والبنات بتأفف يسالونها
ـ أستاذة,,اليوم بتعطينا درس؟؟
ـ اجل ليش جايتكم؟؟


ـ استاذة..ماجبت الدفتر
في هالحالة المعلمة تختار احد هذه الردود:
ليش؟؟ايش قاعد يسوي في البيت؟؟نايم؟؟
اجل ليش جاية المدرسة؟؟؟
شلون نسيتي الدفتر؟؟ضاقت من كل المواد مانسيتي الا دفتر مادتي؟؟
ليه نسيتي الدفتر انتي ناسية الفسحة مثلا؟؟

ـ استاذة..ماأستلمت كتاب
ـ ليه؟؟؟ كنتي نايمة لما وزعوا عليكم الكتب؟؟
او تقول:
ـ انا ايش ذنبي؟؟روحي المكتبة‍
او تقولها:ـ صوريلك كتاب من اي بنت (رغم امتلاء المكتبة المدرسية بمثل هذه الكتب)


ـ أستاذة..لا تمتحنينا بالدرس السابق..كان علينا اليوم امتحان وماامدانا نذاكر الدرس السابق
ـ اصلاً الدرس هذا سهل مرررة وبسيط...ومايبغاله شيء...لو انكم امس منتبهين معاي كان عرفتوا تحلون الاسئلة حتى لو ماذاكرتوا


ـ استاذة..ممكن نتفتح الباب؟
ـ لا..عشان تتفرجون على صديقاتكم..خليه مقفل..عشان تنتبهون للدرس


المشهد/بنت تتعنى وتطلع من فصلها ،وتروح لفصل صديقتها عشان تاخذ منها شيء..تدق الباب :
ـ استاذة..ممكن اكلم (فلانة)
ـ لأ..بعد الحصة‍‍
ـ استاذة..بعطيها شيء وأروح
ـ لأ..أطلعي بره..قلتلك بعد الحصة


المشهد/الأبلة تفتش على الواجب..بنت توقف وتقول
ـ استاذة..انا كنت غايبة..ماحليت الواجب
الغياب عندي ماينفع عذر..ليش ماكلمتي واحدة من صديقاتك ولا ماعندكم تلفون؟؟؟_
ـ استاذة..ماكنت اقدر اكلمهم..لاني كنت مرة تعبانة
ـ مرة تعبانة؟؟(تقولها باستخفاف)اجل ليش جيتي المدرسة اليوم ..كان قعدتي في البيت



هذا بعض من معاناتنا نحن الطالبات ..

أنتظر تعليقات الطالبات

تقبلوا خالص ودي واحترامي أختكم / روعة الورود ..


___________

[أريج الليلك]

رورو موضوع رووووووووووووووووووووووووووووووعه

و كل اللي قلتيه يصييييييييييييييييييييييييييير وش رايك نشكيهم حقوق الإنسان و إلا الحيوان بيرحمنا أكثر منهم .


و شوووووووووووووووووووووووكرن جزيييييييييييييييييييييييييييييلا

دايم أكتبي فضايح خلااااااااااااااااااااااص

[روعة الورود]

والله شكلي بشكيهم لحقوق الانساااااااااااااان

بس والله حاله الطالبات

مساكين ..

مشكورة أريج على مرورك ..

وانتظر بقيه الطالبات ..

[عنودالريم]

بصراحه الموضوع رووووووووووووووووووووووووووووووووووعه

عجبني كلامج اختي ..لأني عانيت شوي من هالنوع من المدرسات

بس الحمدلله تخرجنا و افتكينا من بلاويهم>>>>راح انذبح الحين من قبل المدرسات

واتمنى منك يا أخت رووعة الورود المشاركه بمواضيع تكون على نفس المنوال لأنها حقا مواضيع شيقه ومرحه في نفس الوقت

تحيااااااااااااااااااااتي

[روعة الورود]

شكرا عنود على مرورك العطر ..


عنود انتي خلصتي دراااسه بس باقي احنا


الله الله ادعو لنا مابقى على الاختبارات شي ..

[(سارونا)]

بصراحه موضوعك

















يجنن





لالالا






حلو










لالالالالالا





روووووووووووووعه




كل المشاكل اللي قلتيها صارتلي




((يارب شكثر اعاني))


مشكووووووره على موضوعك


تحياتي

[اموما]

شكرا ياعسل والله هذي معاناة البنات خاصة المتوسط يارب تعدي هاذي السنه ع خير واتخرج


مواقف من مدرستنا :

ياابله ماحليت الواجب ................ ليش عندك عشر بزارين تربيهم

ياابله نسيت الكتاب ............. ليش مين رتبلك الجدول انتي ولا الشغاله