عمل المقلوبة بالصور خطوة خطوة من مطبخ ام مودي

[ام مودي]

السلام عليكم ورحمة الله وبركاته

سبق و كتبت طريقة المقلوبة من زماااان و لكن في الاعادة الافادة اليوم عملتلكم مقلوبة و صورتلك اياها ..بس شووووووووووو شي بياخد العقل و لو ان الشكل النهائي كان شوي خربان لاني قلبتها و هي كتير سخنة و هذا غلط..و لكن كنت مستعجلة..يالله قلت قصة حياتي هالايام صايرة ارغي كتير..

المهم نرجع لموضوعنا و ارككم مع الشرح..

المقادير المطلوبة طبعا عالبركة و حسب العيلة..

دجااجة مسلوقة و البهارات المستخدمة معروفة هيل و فلفل اسود و بهار حلو و طبعا اهم شي القرفة للمقلوبة و مكعبين ماجي و ملح...

مرقة الدجاج

باذنجان مقطح شرايح و مملح و يترك مدة نص ساعة قبل القلي ممكن استخدام الزهرة للي ما بيحبو الباذنجان او مشكل بطاطا و باذنجان و زهرة حسب الرغبة

فصوص ثوم غير مقشرة تنقع بالماء

بندورة مقطعة شرائح

ارز مغسول و منقوع

الطريقة..

[ام مودي]

نقلي الباذنجان بزيت غزير هكذا


ثم يوضع على ورق نشاف ليمتص الزيت

يصفى الارز من الماء و نرش عليه قليل من البهارات المستخدمة

في قاع القدر نضع قليل من السمنة و نرش القليل من الارز

ثم نصف الطماطم و نوزع فصوص الثوم

نصف الباذنجان فوق الطماطم

ثم الدجاج و يرش عليه القليل من البهارات

ثم نضع الارز و نساوي السطح بالملعقة

ثم نضيف كمية من مرقة الدجاج اللازمة لنضج الارز

و توضع على نار عالية الى ان تقل كمية المرقة و تصل تحت الارز بقليل .تخفف الى نار هادئة

و تترك على التار الى ان ينضج الارز تماما

[ام مودي]

و ثم نقلبها لكن بعد ان تبرد ..لا تعملو متلي عالعجلة قلبتها سخنة و صارت مقلوبة مايلة



يم يم يم


و تقدم مع السلطة طبعا و لبن مع نعنع و ثوم و خيار..و يالله تفضلو لا تستحو

[sima]

الله الله يا ام المود روائع عزيزتي تسلم هالايدين صور بفتح النفس ما شاء الله عليك

[الجمان]

يمييييي..شو بتشهي..

روعه ياأم مودي..

الله لايحرمنا منك ومن طبخاتك..

يعطيك العااااااافيه..

[إيمان علي]

الله أكبر .. شو هالفن يا أم المود بس! ما شاء الله ولا قوة إلا بالله
أنا كنت بقول في نفسي: الحمد لله، شبعانة وما رح أتعشى الليلة، رحتي قلتيلي تعالي شوفي المقلوبة، والله قريت الكلمة وبدأت معدتي تتحرك بموت عليها لولا شغلها الكثير.. بس بتعرفي، طريقتك فيها اختلاف عن طريقتي، بدي أجرب تبعتك وأشوف أي أطيب؛ تبعتك والا تبعتي.. ولو ربحتي رح أعترفلك، لأني مشهورة بالمقلوبة

[نور العاشقين]

سلم ايدك ام الموووووووووووود

[ام مودي]

الله يسلمك يا رب يا سيما و يعافيكي و يالله جربي هالمقلوبة و ادعيلنا

الجمان الله يعافيكي حبيبتي..و انت الاروع و بانتظار تجربتك

ام بلال والله ما حدا فنان الا امونتنا ...فعلا المقلوبة يا اوختي لا تقاوم بموووت فيها انا كمان..و يالله جربي هالطريقة و عطينا طريقتك بليز عشان نجربها

تسلمي يا ام عبدالله و الحمدلله رجع التشاط و انفتحت القريحة بعد ما كنت مشششششش طايقة حتى نفسي ..الحمدلله..و الثوم مش عارفة شو الفايدة ما جربت ما اقشره و اشوف الفرق بس يمكن عشان ما يطعم كتير بالاكل و لما تاكليه هيك بتعصريه بصير زي المعجون روووععععة...يالله جربيها و راح تعجبك..و توصي بالسمنة تراها تعطيها طعم بيجنن و المكسرات كمان..

الله يعافيكي يا ام امين و تسلميليي ياا رب ويالله طبقي الطريقة حتحبيها

الله يسلمك يا وعود...يالله هاتي طريقتك...شو بتستنو انت و ام بلال..خلينا نتبادل الافكار و نغير شوي عن الطرق المعتمدة..ضحكتيني على اب سايد داون هيك بنسميها انا كمان مرة عزمت وحدة ايطالية عالغدا و عملتلها الاب سايد داون و كل ما تشوفني بتقعد تمدح بالاب سايد داون تاعتنا

تسلميلي يا رسيل الشوق كلك ذوق حبيبتي..اخجلتي تواضعي

سيسوووووووووووو تسلمي حبيبتي انت الاروع عزيزتي

تسلمي يا الخرجاوية عزيزتي انت الاروع و ممكن تنعمل باللحمة و بتطلع كتير طيبة يالله جربيها على السحور و بالعافية و راح تعجبكم اكيد..و صحة و عافية

الامل الجميل سلامة عيونك يا قلبي..يالله جربيها و بانتظار النتايج

[ام مودي]

ام فئ الله يعافيكي يا رب عزيزتي

لولوه الله يسلمك يا رب عزيزتي

الله يسلمك يا سراب الليل ..تسلميلي والله

تسلمي يا بنبونة و يالله عالتطبيق ..و انا كمان بدي طريقة ايمان و وعود يالله هااتو الطريقة...تحيااااااااااتي

[فيروز محمد]

ربي يسلم إيديكِ وعينيكِ يا أم المود

ذكرتيني بمقلوبتي عملتها الأسبوع الماضي وما شاء الله كأنها حلم راحت في الباي باي

صحه وعافيه للأكل ...

وأنا كمان مختلفه شوي طريقتي

المقلوبه عندنا نوعين 1) بباذنجان وبطاطا

2) بالزهره

الأولى : بسلق الدجاج أو اللحم وأثناء السلق بقلي الباذنجان تحمير خفيف وبتكون قطعه أصغر من قطع أم

مودي وبعده أقلي البطاطا حلقات صغيره ..وبعدين حطي المقالي على ورق ليمتص الزيت منه ... وفي

قدر جديد أقطع طماطم وأحط شوية زيت وأقلي البندوره وبعدين بحط فوقه البطاطا المقليه والطبقه الثالثه

الباذنجان وممكن أصف الدجاج فوقهم أو إني أكتفي بمرقه وتحمير الدجاج وآخر طبقه الرز المبهر والمملح

قليلا مع مراعاة تذكر إنك ملحت الدجاج وأحيانا أضيف مع الرز علبة حمص حب مسلوق ( ممكن

تستغني عنها) بس طيبه

وبغمر الرز بالمقدار المطلوب وبس يستوي بقلبه على صينيه وبصف عليه الدجاج المحمر وبزينه باللوز والصنوبر