مساء / صباح الورد
مو عارفه من فين ابتدي بصراحه
لكن والله العظيم تعبت ودي افضفض لاحد ودي اشكي تعبت وانا شايله في قلبي وساكته تعبت وانا اشكي لاوراقي الخرساء
وودي اشكي لكم همي ابغى منكم دعوه صادقه ويمكن القى عندكم حل او علاج لي
اناحلــــــوه بشهادة الجميع وذكيه ومتفوقه وكنت سعيده في حياتي
مافيه شيء مزعجني فيها وكل طلباتي اوامر ومتدلله ومتدلعه دلع مافي بنت متدلعه زيه لكن فيه شيء مزعجني ومحزني وكاسرني من الداخل
والله العظيم اضحك وانا من الداخل مكسوره
الكل يقول مو مأثر فيك ومو معيبك ومو منقصك وعلى رغم اللي فيك انتي
احلى وحده في بنات الجماعه والحمدلله ما عاقني هذا الشيء عن دراستي
ادري اني طولت عليكم لكن ودي اقول لكم كل اللي في قلبي
انا فقدت شعري من قبل كم سنه ناس تقول عين وناس تقول ثعلبه
ومو راضي يطلع ما بقيت دكتور الا رحت له ولا شيخ الا قرأ علي
ولا خليت دواء في الصيدليه ولا عند العطار الا استخدمته لكن مافيه فايده
يطلع ويرجع ينزل
بصراحه انا تعبت ونفسيتي تعبت ما ادري ايش اسوي
قلبي ينكوي وما اقدر امسك نفسي عن البكاء لما احط يدي على راسي
وما القى شعري
اصلا احس نفسي اني في حلم مو مصدقه شعري هذاااااك راح
وخايفه انه ما يطلع واعيش باقي حياتي كذا
انا نفسيتي تتعب اكثر لما اتخيل اني بكون " عااااانس " والسبب شعري
كل البنات اللي معاي انخطبوا وهم اقل مني في كل شيء ادري ان هذا الشيء قسمه ونصيب لكن احزن على نفسي
واحس اني بنت غير مرغوب فيها وان مافيه ام تتمناني لولدها
والسبب " شعري " سبب مالي اي ذنب فيه
اشوف نظرات الحريم لي واشوف الاعجاب في عيونهم
لكن فيه شيء يمنعهم انهم يخطبوني لعيالهم
طبعا انا البس باروكه وماشيه حياتي عادي
بس والله العظيم تعبت حتى مستواي في الدراسه نزل
بعض احيان اضحك على نفسي واقول ايش هو الشعر ؟ خيوط سوداءمثبته
لكن والله العظيم اسكت نفسي وابكي
احس انه جاتني حاله نفسيه
تكفووووووووووون اللي عندها علاج او وصفه او تعرف دكتور او شيخ تدلني عليه
وين ما يكون حتى لو يكون في القطب المتجمد عادي اروح له
وان كان اللي فيني عين حسبي الله على اللي صابتني
وادعوووووووووووولللللللي ان ربي يشفيني ويرجع لي شعري
احسن مما كان عليه
آسفه على الاطاله وعلى كلماتي المبعثره
انتظر ردودكم واقتراحاتكم
الروابط المفضلة