✿*تطبيق متميز*✿ تطبيقي للكيكة الرخامية للغالية نور الهدى...بجد روعة
السلام عليكم ورحمة الله وبركاته
على فكرة ده أول مشاركة لية في المنتدى اللي أنا بحبه جدا وكنت متابعاه باستمرار قبل ما أشترك فيه
وبعد عناء وأخيرا قدرت أشاركوأول مشاركة لية هاتبأة الكيكة الرخامية للغالية نور الهدى
بجد يا بنات الكيكة ده جميلة جدا...واللي هتجربها مش هتندم إن شاء الله
ودلوقتي هقولكم على المقادير والطريقة
المقادير:
1 كوب دقيق
1 معلقة كبيرة ممسوحة بيكنج بودر
3 بيضات
نصف كوب لبن
نصف كوب إلا شوية زيت...يعني ما تخلوش نص الكوباية مليان
1 معلقة كبيرة ممسوحة كاكاو أو لو حبيتو اتنين بس معلقة واحدة كويس أوي
فانيليا
الطريقة:
1_نضع البيكنج بودر على الدقيق وننخلهم الاتنين مع بعض
2_نضع البيض والفانيليا والسكر واللبن والزيت في الخلاط(خلاط الطماطم)
3_ده هيكون شكلهم بعد ما خلطناهم في الخلاط
الصورة مكبرة
4_هنضيف خليط البيض والسكر واللبن والزيت والفانيليا على خليط الدقيق والبيكنج بودر
الصورة مكبرة
وهنخفقهم بالخفاق اليدوي لحد ما الدقيق يختفي
الصورة مكبرة
ده شكلهم بعد الخفق
ندهن صينية مستطيلة بالزبدة والدقيق
نضيف نصف الخليط الأبيض في القالب
هناخد جزء من الخليط الأبيض الباقي تقريبا ربعه ونضيف عليه معلقة الكاكاو ونخلطها كويس ونضيفها في وسط الخليط الأبيض
الصورة المكبرة
نعمل دوائر أو أي شكل بواسطة خلة الأسنان
الصورة المكبرة
نضيف باقي الخليط الأبيض ونعمل تموجات بالخلة
الصورة المكبرة
نحطها في فرن 180 لمدة 35 دقيقة تقريبا
أو فرن 200 درجة لمدة 30 دقيقة أو أقل ...بس لازم يكون الفرن متشغل عند بداية الشغل في عمل الكيكة
وده شكلها بعد ما طلعت من الفرن
الصورة المكبرة
وده لما قطعته
الصورة المكبرة
بجد يا بنات نفسي تجربوها وتقولولي رأيكم...أنا مستنية تجاربكم
رد مع الاستدلال
[
كتبت بواسطة noorelhoda
]
...شرفتيني
.
الروابط المفضلة