السّلام عليكم وَ رحمة الله و بركاته
:
إهداء إلى أولئك الذين يملؤون حياتي بهجة ..
إلى الصّديقات اللواتي تعلمت منهن معنى الصّداقة
و أدركت أن الحياة بدونهم " ما تسوى " !
و إلى سَنى الحرف و نبضة الأمل و أقانيم ، الصديقتان اللتان أحبها كثيراً جداً !
{ مَدخل
رفيقي اللي ما يغيّره التغيّر و الزمان
يوم أن بعض الناس معرف شكلها من لونها
ثابت رفيقي
ما يهزه لا فلان و لا فلان
دايم ورى الهقوة رفيقي ما يجي من دونها
معي بزين الوقت و إلا كان وقتي معي شان
يقدّر الرفقة و يمشي من على قانونها
:
أنا صديقك لا قسى الوقت و أكفيك
ولاني من اللي وقت المصالح يجونك
و من كثر ما أعزك صرت أعز اللي يعزّونك
أفتخر لا قالوا إني مخاويك
يا منبع الطيب قلبك و الصّفا في عيونك
جعل الصداقة اللي بيننا دايم الدوم
شخص إلا منه مضى لي معه كم يوم
أندم على أيام مضت قبل ما ألقاه
أحتاج له لا صار في صدري هموم
و لو ينكسر ساقي تسندني يمناه
جعل المعزة بيننا دايم الدوم
هذا الرفيق اللي من الصعب تنساه
والله ما أنسى صاحب ما نساني
لو طالت الغيبة و ضاعت نواحيه
يبقى معي ما بين قلبي و عينيl
و النفس من بد المخاليق تغليه
و أنشد عن أحواله بعاصف سنيني
و أرتاح لا زانت و طابت لياليه
:
أنا لا قلت لي شلونك
و أنا ضايق أقول بخير
مدامك سائلٍ عني
أكيد إن ضيقتي راحت
أنا من كثر ما أحبك
أشوفك في عيوني غير
تضيق النفس من غيرك
و لا من شفتك ارتاحت
:
دامي على الدنيا و أشم النسايم
والله ما أبيعك يا رفيقي و أخلّيك
لو حال من دونك بغيض و لايم
مغليك مهما كلّف الأمر مغليك
و لو صار من دونك جدال و شتايم
أبيع عمري و أفتخر يالخوي فيك
:
: مخرج }
هذا رفيقي وافتخر به من زمان اليا زمان
عهداً عليه رفقته مهما حصل ما اخونها
وانا حزامه في خفايا الوقت ولا في البيان
حيه وحي الضحكة اللي من بياض سنونها
:
أول موضوع وسائِط لي .. 
أتمنى يعجبكم ،
* لا أحلل من ينسب مواضيعي لنفسه .
ммs [ الصّداقة مالها بند و شروط .. الصّداقة ساسها صون العهد ] ммs
رد مع الاستدلال
الروابط المفضلة