رغد وحشتيني انت فين و عاملة ايه؟
Printable View
رغد وحشتيني انت فين و عاملة ايه؟
ايمي حبيبتي ياااااااااااارب يكرمك ويطمنك زي ما طمنتيني ويارب يقر عينك بالذرية الصالحة عاجلا غير اجلا
بصي يا جميل انا الدكتورة ادتني علاج وقالتلي ممكن يبقي فيه جماع عادي مع العلاج لاني في فترة التبويض وهي ادتني لبوس كنت بخده لما كنت حامل هو مش بياثر علي الحمل او علي الحيوانات المنوية وبعدين هي قالتلي ان القرحة بسيطة وما اخفش منها
وعلي فكرة رغم اني عندي الكيس ده وعندي القرحة لكن انا املي في ربنا كبيييييييييييييييييير والحمد لله
بس ان بثول لنفسي كده علشان ما احوطش الموضوع في دماغي كتير ولو جت البريوت ما ازعلش
فهمتي انا بقصد ايه يا ايمي؟
ويارب قريب نفرح بخبر الحمل بتاعك يا ايمي وربنا معاكي
ربي لا تذرنا فردا وانت خير الوارثين
حبيبتي اهلا بيكي معانا نورتينا ويارب قريب نفرح بيكي وبخبر حملك
انا زيك بالظبط كل ما اروح لدكتور يقولي خسي خسي بس بصراحة انا تعبت من الكلمة ديه وكتير بشوف اطخن مني وبيحملوا
انا عن نفسي حصل لي حمل 3 مرات وانا مش خاسة هو اه مكملش بس علشان انا عندي الغدة الدرقية هي السبب وبعدين وده اولا واخيرا دي حاجة بتاعت ربنا وقت ما يريد حيحصل باذنه
انا مش بقولك كده علشان ما تخسيش لا بس انا حبيت افرح ان فرج ربنا ما بيحتاج الا للدعاء والاستغفار والتقرب من الله كثيرا وخصوصا احنا في ايام كفترجة ولا الدوا ولا غيره لان كل دي اسباب
توكلي علي الله وقولي يارب
يااااااااااااااااااارب اعطي اختنا الجديدة في الله الذرية الصالحة عاجلا غير اجلا اللهم امين
انا عايزة اقولك انا تعبت من الريجيم وادوية الريجيم ودكاترة الريجيم
وقررت اني مش هعحمل ريجيم بس ححاول اقلل من اكلي وده اللي انا عملته قللت في الاكل خسيت 9 كيلو في شهرين والحمد لله
وبحاول علي اد ما اقدر اني اقل تاني
مش علشان حاجة بس علشان انا صحتي من الادوية الكتير تعبت فققرت اني اخس بس براحتي مش بسرعة زي ما الدكاترة عايزين
وربنا معايا ومعاكي يارب اللهم امين
ربي لا تذرنا فردا وانت خير الوارثين
السلام عليكم و رحمه الله و بركاته
ازيكم يا حبايبى اخباركم ايه يارب تكونوا بخير
لميس و شيماء و يارا ربنا يسمع منكم يارب انا إن شاء الله هروح للدكتوره انهارده و إن شاء الله تطمنى
و اول ما اعرف اى اخبار هقولكم إن شاء الله و يارب يكون خير و اكون حامل يارب و ربنا يرزقنا كلنا إن
شاء الله قريب ياارب يا ارحم الراحمين ارحمنا برحمتك و ارزقنا الحمل الثابت قريب يارب يا كريم
اخبارك ايه يا رغد يارب تكونى بخير يا حبيبتى ابقى طمنينى عليكى و يارب يرزقك الحمل الشهر ده يارب
دودو يا حبيبتى اخبارك ايه يا قمر بتختفى فين يا بنتى ربنا يكرمك بالحمل قريب يا دودو يارب
مايا ازيك يا قمر يارب تكونى مرتاحه فى الشغل الجديد و يارب نباركلك على الحمل قريب
ملكه الاحساس ربنا يرزقك الحمل الشهر ده يارب يا كريم
روبى يا قمر اخبارك ايه شاطره انك بتقللى اكلك لوحدك و إن شاء الله ربنا هيكرمك بالحمل قريب
عندى ثقه فيك اهلا بيك معانا يا قمر و يارب تتنقلى قريب لتجمع الحوامل يارب
و يارب يا بنات ربنا يرزقنا كلنا قريب الحمل الثابت و الذريه الصالحه ببركه الايام المفترجه اللى احنا فيها دى
يارب يا يارا و الله انا عامله زى اللى عندى امتحان مش عارفه اعمل ايه و الله مش هزعل لو جات
بس عايزه اطمن و اخلص