بسم الله الرحمن الرحيم....
السلام عليكم ورحمة الله وبركاته ...

الحلقة الاولى :

الجو خيااااااااااااااال روووووووووووووعة ما شاء الله لذلك قلت خليني اكتب قصة نتخيل فيها
إننا طالعين للبر ..... ونااااااااااااااسة ....

نبدأ بسم الله على بركة الله :
صحت فسفس " الفيلسـوفة " من النوم الظهر وعيونها متورمة والشوشة منفوشة وحالتها حالة المهم نزلت علشان تشرب الشاهي وتصحصح المهم كانت طفشانة قالت خليني أشغل شريط كشتات أوسع صدري شوي " كشتات برنامج كان يعرض في قناة المجد "
وبينما كانت تشاهده رن الجوال وجري على المطبخ المتصل الفراشة المضيئة (فروشة ) يااااااااااااي من زمان عنها ...
فسفس : الو فروشة وينك يا القاطعة ؟
فروشة : الناس يقولون السلام عليكم ..
فسفس : السلام عليكم ..
فروشة : وعليكم السلام وش أخبارك ؟
فسفس : الحمد لله تمام ... قاعدة أشوف كشتات ...
فروشة : أنا طفشانه خلينا نسولف شوي ...
فسفس : وش رايك بالجو ؟ خطييييييييييييييير ...
فروشة : يا زين البر هالوقت تصدقين جيراننا مخيمين بالبر لهم أسبوع !
فسفس : ماشاء الله عليهم أنا نفسي أطلع للبر من زمان ما طلعنا ..
فروشة : تخيلي لو نطلع للبر كلنا يا بنات لكِ !
فسفس : يا سلاااااااااااااام فكرة روووووووووعة ليش ما نسويها ؟
فروشة : معقولة أهالينا يوافقون !
فسفس : سهلة .... نستأجر مخيم بالثمامة .... واحد لنا وواحد للشباب ...
فروشة : وش قصدك بالشباب ؟
فسفس : كل وحده فينا راح يوديها أخوها وإلا زوجها نستأجر مخيم لهم, فرصة حتى يتعرفون على بعض ....
فروشة : حليتيها ما شاء الله عليك !...
فسفس : شفتي .... المهم شاوري أهلك وأنا ابشاور أهلي إذا وافقوا نقول للبنات ...
فروشة : خلاص أرد عليك إذا شاورتهم ... والحين مع السلامة .
فسفس : مع السلامة .. سلمي لي على الأهل ...

ياااي لو نسويها يا رب يوافقون أهالينا ....
وجري على غرفة ماما .....
فسفس : يمه وش رايك ................ "الحديث مشفر "
المهم النتيجة ماما وبابا .......

وافقوا ..... يا سلاااااااام الحمد لله ...

الساعة الآن العاشرة والنصف ليلاً وفسفس قاعدة تقرأ كتاب رجال من التاريخ للشيخ علي الطنطاوي رحمه الله ... قصة عالم عامل ...
فسفس فسفس فسفس الجوااااااااااااال الحقي قبل ما ينقطع بسرررعة ...
جري على مصدر الصوت وينه ؟ عطوني إياه بسرعة منتظرة مكالمة ...
فسفس : الو هاه وش صار ...
المتصل : ما لقيت ينفع أجيب جالكسي بالكراميل ؟..
فسفس : الله يأخذ عدوك روعتني لا ما ينفع .. أقولك جب لي سنكرس خلاااااااص !..
المتصل : كان قلتي من أول ...
فسفس : مع السلامة ...
"المتصل أخو فسفس مرسلته يجيب لها فلوتات علشان تسهر عليها "
فسفس : يااااي وينك يا فروشة ؟ تأخرتِ علي أكيد أهلها ما وافقوا .. الله يستر بس ..
وترجع فسفس تكمل قرأتها ....
ماما فسفس : فسفس تعالي العشاء ...
فسفس : وش المناسبة مهب عادتنا نتعشى ؟ !
ماما فسفس : أقول تعالي لا يكثر الهرج عجلي ...
فسفس : ما أبغى ... شبعانه ..
ماما فسفس : غريبة مهب عادتك آآآآآآآآآه علشان فروشة ما أتصلت !!
.................................................. .................................................. ...........
الساعة الثانية عشر وفروشة ما أتصلت ..
فسفس : خليني أدق عليها بس شكلها مو متصلة !
فسفس تأخذ الجوال فروشة فروشة وينك ؟
فسفس :............ ليش ما ترد ؟
فروشة : الو مين فسفس أهلين وش عندك ؟
فسفس : اللي يده في النار مو زي اللي يده بالماء ..
فروشة : خير ؟
فسفس : أحّر ما عندي أبرد ما عندك .. وش صار على أهلك ؟
فروشة : تصدقين نسيت أرد عليك على العموم ما وافقوا ...
فسفس : أقول رفعتي ضغطي ببرودك ... مع السلامة ..
فروشة : مع السلامة ...

والله قهر يا ليتهم وافقوا ... لا حول ولا قوة إلا بالله ... أروح أنام أحسن لي ....
الله يعين على شماتة إخواني بس ...

.................................................. .................................................. ........

الساعة الواحدة ظهراَ
فسفس قومي صلي عجلي تأخر الوقت ...
فسفس : صحيت هذاني قمت ...
وتقوم الأخت وتصلي وتدعي الله وتنزل تتغدا ... وبعد الغدا ......
يدق الجوال ... فسفس : هذي فروشة غريبة وش عندها ؟
فسفس : الو ..
فروشة : السلام عليكم ..
فسفس : وعليكم السلام .. خير وش عندك ؟
فروشة : شكلك زعلانه !..
فسفس : يعني نوعاً ما ..
فروشة : المهم افتحي الرسائل الخاصة وشوفي ...
فسفس : ليش ؟
فروشة : مع السلامة ..
فسفس : الو فروشة ......... سكّرت !!!
نفتح وش ورانا..
فسفس جري على الجهاز ...... وبسرعة تفتح الرسائل وتقرأ وتفرك عيونها معقولة ؟
أحلام الطفولة "حلومة" , حلى قهوة " حلولو " , عاشقة الشكولاته " عشوقة " ,
أم أحلى البنوتات , كيتكات , أم قتيبة , المها السعودية " مهاوي " , مملكة الفهد "ملوكة "
خجوولة , وضووحة , كرتون مناديل "كرتونه " , طيف الظل "طيوفه " , أورفي , عنودة قطر , فرولاية جدة "فوفو " ,كنافة بالقشطة " كنوفة " البحر المكنون الخنساء "خنوسة , العين الخضراء "عيونه " .....
كل هذولا أهاليهم موافقين !!.. أكيد هذا مقلب من فروشة .. خليني أرسل لها ...
هذا نص الرسالة :

فروشة كذا تلعبين بأعصابي كل أمس ترسلين و أنا يا مسيكينة محترق رزي ! أهون عليك ؟
"ودمتم على طاعة الله "

وبعد دقيقة واحدة .. يجي الرد :
وش رايك بالمفاجأة ؟ عاد الباقين عليك ...

وتقعد أختنا في الله ترسّل لبنات الركن الترفيهي كلهم ....
.................................................. .................................................. ....................
المغرب :
فسفس : خليني أشوف ردود البنات ...
وتفتح اللي أعتذرت واللي ما تقدر والحمد لله الكثير منهم أهاليهم وافقوا ...
باتفاق من الجميع حدّدوا الاربعاء والخميس ... وطبعاً الكل يقط "يدفع " ...
تكفلت عشوقة بإستجار المخيم والفلوس زي ما قلت قطيه "الكل يدفع "
.................................................. .................................................. ........................
اليوم السبت لازم نستعد من الآن .... الجوال يرن .....
فسفس : هذي عشوقة الو مرحبا .
عشوقة : السلام عليكم .
فسفس : وعليكم السلام . هاه بشري وش الأخبار ؟
عشوقة : الحمد لله زي ما قلت عمي عنده مخيم والحمد لله حجزنا مخيم كبير إن شاء الله يكفينا ...
فسفس : الله يبشرك بالخير معليش تعبناك معنا ..
عشوقة : وش دعوه كلنا نبي نطلع مهب بس أنت ...
فسفس : أجل أرسلي للبنات وخبريهم ... أنا باأطلع الحين أبغى اشتري صحون وملاعق وسمط " سفرة الأكل " و كيسان بلاستك للرحلة ... و أبغى أمر على المكسرات والفصفص
للبنات مع إني ما أحبه ... بس علشان البنات يستاهلون ..
عشوقة : المفروض نتفق كل مجموعة عليهم شي وإلا وش رايك ؟..
فسفس : عين الصواب صدقتي .
عشوقة : أجل أتفق معهم ...
فسفس : ايه الله يعافيك ... ما تقصرين والله ..
عشوقة : الحين مع السلامة خليني الحق على البنات هذا وقت الذروة بالركن ..
فسفس : مع السلامة الله يجزاك خير ...
وفسفس تلبس عبايتها وعلى محلات البلاستك ........

وتبدأ عشوقة وترسل على البنات ...
وهكذا الاتفاق : حلومة وفروشة و حلولو و طيوفه و فسفس وعشوقة ومهاوي عليهم اللحم
كنوفة و أم قتيبة و أم أحلى البنوتات وكرتونه وملوكة و خنوسة عليهم المواعين ..
عنودة وكيتكات و البحر المكنون و فوفو و أورفي و وضووحة عليهم الخضروات والفاكهة
فسفس و خجوولة و مايلين وعيونه عليهم البلاستك ...
مع العلم بأن الكل سيدفع قيمة المخيم ويحضر معه الماء و الأكل الذي يريده ...


وهكذا تم الاتفاق المبدئي ......... وهناك حلقات أخرى هل أعجبتكم القصة حتى نكمل مع العلم بأن الذين لم أذكر أسمائهم سنتطرق إليهم في الحلقات القادمة ...

ملاحظة : شخصيات القصة فرضنا إنهم موجودين في الرياض ...

إذا أعجبتكم ردوا عليّ وإلا أقلب وجهي ؟!!

أعرف إنه في قصص عنكم بس هذي غير من تأليفي ...


فائدة : لا تنسوا ذكر الله ...

"ودمتم على طاعة الله "

و عليكم السلام و رحمة الله و بركاته


هيهيهيهيهيهيه


بانتظار الحلقة الثانية

جزاك الله خيرا أختي ......
يا رب أنت الشافي إشفي أمها و أحفظها لها ..
أسأل الله العظيم رب العرش العظيم أن يشفي والدتك ...
اللهم آمين ..

"ودمتم على طاعة الله "

جميله خالص يا فسفس



انا كمان بانتظار الحلقه التانيه

اههههههههههههي والله امينة مشاء الله عليه اوصل الرسايل للبنات اخخخخخخخخخخخ
مشكورة فسفوسة

ههههههههههههه

يسلمو فسفس الصرااحه روووووووعه

ثانكس

جميله يا فسفس







وانتظر الحلقه التانيه



وشكرا ليكى انك افتكرتينى مع الاعضاء

يسلمووووووووووووووو

الصرااحه روووووووعه

بانتظار الحلقه التانيه

مشكورة مرة ..... على الموضوع الروعة

ونبي نشوف الحلقات الجية يلا بسرعة

بسم الله الرحمن الرحيم
السلام عليكم ورحمة الله وبركاته ....

الحلقة الثانية :
وبعد ما رجعت فسفس من محلات البلاستك ... على طووووول ترمي عبايتها و تجري تستحم ........ وتنزل بسرررررررعة على الجهاز وتفتح الرسائل الخاصة يوووووووووه هذي رسايل جديدة خلينا نقراها هذي من نسمة الخريف " نسومة " :
أفااااااااااااااااا يا فسفس كذا تنسوني ! هذي آخرتها ما حد يعزمني ...
عموماً أنا عازمة نفسي و أبقط لا تخافون ....
بس من أي مجموعة أنا ؟ .... بسررعة ردي لاني ابطلع الساعة عشر و نص ابروح لابو ريالين اشتري لإخواني أقلام و خرابيط مدارس علشان قبل الزحمة ...
فسفس لازم أرد عليها قبل ما تطلع ...
أهلين نسومة وش دعوة إحنا ما ننسى الحبايب بس كنت مشغولة مره وأرسلت لبعض البنات واليوم اكمل الباقين ... وبعدين هي مهب عزيمة الكشته لكل البنات بس لازم تقطين ههههههههههه أنت من مجموعة المواعين هاه وش رايك والا تبغين تغيرين ؟ المهم لا تزعلين علينا ...
"ودمتم على طاعة الله "

وهذي الرسالة من سارونا :
أنا ماما ما وافقت لان عندنا زواج يوم الخميس وتقول ما ينفع تطلعين للبر و تخرب البشرة وتسمرين .... قولي لي وش أسوي ؟
والحين أرد على سارونا :
مرحبا ألف بسارونا كيف الحال ؟ لازم تجين نبي نجتمع ونشوف بعض ما تدرين يمكن هالفرصة ما تتكرر و قولي لمامتك الدعوه سهلة ما قصروا أخترعوا واقي للشمس وبالنسبة لرجلينك علشان ما يطلع به شطوب "تشققات القدمين " البسي شراب "جوارب " ودهنيهن بفازلين و فيكس وتعالي الأربعاء وارجعي بنفس اليوم مهب لازم تنامين معنا والا نامي وارجعي الصبح هاه وش رايك ؟ وقولي لماما ما أطلع من الخيمة و إذا تبين نريحك ما نخليك تشتغلين وش تبين أكثر من كذا ؟ .......
"ودمتم على طاعة الله "

وهذي الرسالة من عبقرية زمانها " عبقرينو " :
السلاااااااااااام وش آخر أخباركم سمعت إنكم تبي تكشتون ممكن أعزم نفسي ؟..... وترى العصيرات علي إغراء ههههههههههه ...

وهذا الرد : وعليكم السلام هلا وغلا بعبقرينو والله إنك عبقرية بسالفة العصيرات ...... وإحنا نرحب فيك " مهب علشانك علشان العصيرات ههههههه" " ودمتم على طاعة الله "

الحين لازم أرسل لسنيورايتا و ساندي بل 3 و النملة المبرقعة "نمولة " و بغداااد ...
السلام عليكم .......
قررنا نحن أعضاء الركن الترفيهي بأن نذهب رحلة برية إلى الثمامة ونخيم الأربعاء والخميس و يسرنا لو أنضممتِ لنا .... مع العلم بأن الكل سيدفع و نرجو منكم الرد بسرعة و لمعرفة المزيد من التفاصيل أرسلي لفسفس أو فروشة أو عشوقة .... نحن بانتظارك "ودمتم على طاعة الله "

هذا رد من نسومة :
يا سلام عليك أنا مع المواعين و أنت مع اللحم ... ههههههههه
عموماً أنا موافقة ... وشكرا ً

فسفس يا حليلها نسومة خليني أرد عليها :
أنا يا حلوة مع اللحم و البلاستك و أبجيب معي مواعين علشان أنا فرحااانه مرررره بالجمعة ... "ودمتم على طاعة الله "
ماما فسفس تدخل عليها ...
ماما فسفس : فسفس وراك ما شريتي مناديل ؟ مهب عادتك أخبرك من عشاق المناديل !!
فسفس : ايه صح نسيت اروح بكره إن شاء الله و أجيب .. والا أقولك خليها على كرتونه ...
ماما فسفس : بكيفكم أنتم بنات تتفاهمون مع بعضكم ..
فسفس : كرتونه كانت من جماعة اللحم لا أظنها مع المواعين ... خليني أرسل لها ...
الرسالة :
كرتونة وش أخبارك مع الزكمة الله يعين عليك شكلك راح تعدينا المهم تم إعفاؤك من المواعين كل اللي عليك جيبي منااااديل لفة وعادية وكثري
المشكلة أخاف إنك تخلصينها أنت علشان كذا لازم نخلي وحده ثانية معك ...
"ودمتم على طاعة الله "

هذي رسالة من سارونا يا رب تكون ماماها وافقت ...

الرسالة : فسفس الله يجزاك خير خليتي ماما توافق يوم قرت ردك قعدت تضحك وتقول ما أبغي أفشلها ..... هاه من أي مجموعة أنا ؟

فسفس الحمد لله وافقت خليني أعطيها المناديل مع كرتونه :
وأخيراً وافقت ما بغينا المهم أنت ما عليك إلا المناديل اللفه والعادية
ولا تنسين الفكس والفازلين وحطي واقي وجيبيه معك والبسي شراب ......
بعدين تفشلينا مع ماما مع السلامة ... "ودمتم على طاعة الله "

هذي رسالة من المغتربة :
خسارة كان نفسي أكون معكم بس زي ما تعرفون أنا ثقيلة ما أقدر أدعوا لي أقوم بالسلامة ... الله يوفقكم .

فسفس : يا ليتها تقدر المهم لازم أرد عليها ..
كنا نتمنى إنك تكوني معنا بس الشكوى لله يارب تقومها بالسلامة ...
"ودمتم على طاعة الله "

وهذي ردود من نمولة وساندي بل 3 و بغداااد و سنيورايتا ...
كلهم موافقين الحمد لله ...
نخليهم من مجموعة البهارات والبيض وهالحاجات هذي ...
نرسل لهم : سعدنا بموافقتك ونرحب بانضمامك لنا يا مرحبا وأنت من أهل الدار المهم أنتم يا بغداااد وساندي بل 3 ونمولة وسنيورايتا عليكم البهارات والبيض وهالحاجات هذي ... واتفقوا مع بعض ..."ودمتم على طاعة الله "
ياااااااااه تعبت اروح أنام وراي شغل الله يعين ....
والى السرير .......
وأختكم الكريمة قعدت تتخيل أشكال البنات وهم حوسة و ناااااااااااااسة
وبسابع نووووووووووووووومة ....
.................................................. .................................................. ..........

وفي يوم الأحد الظهر :
بعد ما غسلت الاخت مواعين الغدا جري على الكمبيوتر وتلاقي أختها تسولف بالتليفون ...
فسفس : ممكن تسكرين عندي شغل بسرررررعة عجلي ..
أخت فسفس :طيب اصبري شوي ...
فسفس : فيه أحد يسولف الظهر يالله صباح خير !!..
أخت فسفس : مع السلامة ..
هذا جزاي أسأل لك عن طريقة الحلى اللي صلحته خالتي يوم العزيمة !
فسفس : أصلاً الحلى مهب من اختصاصي الحلى على حلولو ... والحين أنا أبدخل و أشوف وش صار على البنات ؟....
أخت فسفس : أقول أروح أنام أحسن لي ...
فسفس : الحين لازم نتفق على الحلى والأكلات الحلوة و المكسرات و........
لازم أنزل موضوع بالمنتدى ...
هذا النص :...
أهلا وسهلاً بالكشافة وش أخباركم ؟ إن شاء الله تمام !
المهم نبغى نعرف من سيتولى الآتي :
الحلى , الأكلات الشعبية , المكسرات " أنا اشتريت بس ابغى وحده ثانية معي " , الشكولاتات , ..........
ويجب على الجميع إرتداء قمصان علشان نحس بالبساطة ..واللي ما عندها تشتري ...
نريد بنات متخصصات بالالعاب وكل وحده قبل ما تجي تجّمع سواليف علشان ما نقعد نناظر بعض .... والشباب خبروهم إننا غير مسؤلين عنهم " يعني كأنهم كاشتين لحالهم بس مجرد محرم و علشان يحرسونا "
واللي عندها إضافات ترد على نفس الموضوع ....
"ودمتم على طاعة الله "


وجاءت الردود كتالي :
عشوقة : أنا عليّ الشكولاته .. من معي .

حلولو : أنا الحلى من معي ؟....

أم قتيبة : أنا المواعين من معي ههههههه ؟... الموضوع




مو مكرر ... ههههههههههه

عنودة : أنا مع حلولو .. و الخضار والفواكه ...

مهاوي : أنا المكسرات مع فسفس ....

حلومة : أنا الشكولاته ... مع عشوقة ..

فروشة : أنا من لجنة المسابقات ... من تساعدني ؟...

وضووحه : أنا من لجنة السواليف ههههههههه من معي ؟

كيتكات : أهلين يا بنات يا عانسات ... وش أخباركم ؟.......
أنا راح أزودكم بالكيتكات وش تبون أكثر من هالكرم ؟! ههههههه

كنوفة : أنا عليّ الكنافة بالقشطة والبسبوسة كمان ...
مشكورين على الفكرة الحلوة ...

نسومة : أنا مع أم قتيبة المواعين وبس والله يعين على الحوسه ..

عبقرينو : أنا علي ّ العصيرات وبس ...

أم أحلى البنوتات : أنا عليّ شنطة الإسعافات الأولية ممكن أجيب معي الاء وهاجر والا ممنوع اصطحاب الأطفال ؟.........
أحبكم في الله ..

بحوره "البحر المكنون ": أنا عليّ الببسي والسفن أب واللي تبون ..

ساندي بل 3 : أنا مع الحلى ...

نمولة : أنا ابجيب لكم معمول وكليجا جارتنا قصيمية تبيع معمول وكليجا روووووعة ...

الردود :
أهلين بالحلوات وين الباقين ؟
أم أحلى بنوتات ما شاء الله عليك الله يجزاك خير فعلاً الشنطة مهمة كيف نسيتها ما أدري ونرحب فيك و بالاء وهاجر
كيف بر و ممنوع اصطحاب الأطفال ... . الله يهديك بس !

بحوره : لا البيبسي مضر بالصحة ... بس إذا تبغون ما فيه مانع ...

و بإنتظار البقية .......
"ودمتم على طاعة الله "





وانتهت الحلقة الثانية أتمنى إنها أعجبتكم !
وانتظروا البنات ومرمططة الأسواق وكيف إستعدداتهم للرحلة .......

فائدة : ألا بذكر الله تطمئن القلوب ...