سلام عليكم عدنا حبوووبات من جديد أهلين بي كل من أنظم لينا معليش كان عندنا سبات صيفي هه وتو رجعنا ليكم في رمضان. نقاشنا حيكون كيف يكون يومك في رمضان ؟؟ وطبعا في الغربه و وفي غياب الأهل والأحباب كيف تحسي روحك أقصد تحسي نفسك تقدري تقرأ قرأن أكثر وتذكري ربي اكثر صح ولا شن رأيكم. يله شاركونا أراكم . نستنه فيكم .
هلا بالغالية الشيماء موضوعك حلو للنقاش وللافادة ان شاء الله بالنسبة ليا رمضان فى اى مكان حلو وانتى بنفسك تقدرى تسيطرى على كل شى بالنسبة ليا ولا ظرف من الظروف يبعدنى عن ختمة او اكثر ويارب يعينى هالسنة برضوا ادعولى يارب احبك رمضان لاننى اجد فيه سلوايا وحاجتى وروحى يارب اعتق رقابنا من النار وارحمنا برحمنك الواسعة يارب
أأأأمين يارب العالمين نورتي غاليتي بيبي المجموعه
السلام عليكم ورحمة الله وبركاته اهلين بالاخت شيماء تشرفنا حبيبه بالنسبه ليا بصراحه تامه في رمضان اهني انحس روحي اكتر عبادتي اتقرب اكتر بها للمولي سبحانه وتعالي صحيح في ليبيا نختم القران لكن مره وحده بس بحكم الزيارات اما هنا الحمد الله اكتر من مره بعني الغربه تساعدك اكتر للتقرب بالدعاء والعباده وربي يعينا وتبتنا علي دينا في كل مكان وزمان مشكوره حبيبتي علي الدعوه
ياهلا بيكي معانا صح هو بحكم الغربه يعني مافيش زيارات التقرب أكثر إلي الله. بس سوأل مش حاسين إنكم مثلا مضايقين وخاطركم في ناس ولا لمه زي لمات رمضان في ليبيا . وأنتو عارفين في الغربه كل واحد في حاله تموتي وتعيشي ماحد يسمع بي التاني الله يصبرنا ويعوضنا خير
السلام عليكم ورحمة الله وبركاته جزاك الله اختي على الرسالة والسؤال .الحمدالله انا بخيرومازلت في الغربة هههه .اتمنى ان تكوني بالف خير ورمضان كريم.
طبعا فيه شويه ضيق علي القلب وجيتي علي الحرج تموتي وتعيشي محد سامع بيك ولا يندري اعليك مهما حديري صاحب او صديق مش حيحسك متل اهلك وناسك الصحبه هنا صعبه ومن الصعب تجدي صديق وفي مخلص بنيه وقلب والحمد الله علي كل حال وربي اعوضنا خير انت كيف حالك وشن مدايره
السلام عليك شن اخباركم وكل عام وانتم بخير وينعاد على الجميع انى الحق انقطعت عليكم لكن ظروف والله وحتى نخش للمنتدى فيسع وما نسجلش فى دخول لكن انتم ديما فى القلب وبنكمل على كلامكم لانه جانى على الجرح الغربة مرة زي ما يقولوا وزي ما قالت اختى غيدونا مهما تديري من اصحاب مش حيكونوا وفيين ليك وعن تجارب نقول فيه الكلام وربي يهدي الناس وخلاص ولكن بجديات رمضان برا البلاد صح تفقدى فيه ناسك واللمة معاهم لكن الحمد لله تتقربي فيه لربي اكتر وتكتري من الصلاة وقراءة القران وتهتمى باطفالك اكتر وحوشك وان شاء الله كل سنة وانتم طيبين ونحاول نخش مرة مرة
