ندا يا عسل بصي بقي النمل عندك من الصيدلية سائل مبيد النمل زجاجة صغير جدا انا بأحطها في بخاخ و عليها مية يعني حوالي 1/2 لتر عشان يبقي مركز و رشي بقي علي الأماكن ولو شايفة الفتحة رشي فيها و كمان ممكن تمسحي بيه بس ريحته رهيبة رشي أحسن و ان شاء الله مش هتشوفيهم تاني خالص
بصي بقي يا ستي استعدادتي انا هافرم بصل و افرزنه و كمان هأتبل الفراخ للشوي و انا بقي نضفت البيت كله تنضيف عميييييييييييييييييييييييييييق دواليب و سراير و حمام و مطبخ و تلاجة و كله كله الحمد لله مت من التعب بس هأرتاح بعد كده ان شاء الله لغابية العيد عجبتني اوي كفتة البطاطس دي هأعملها ان شاء الله اما بقي المشتروات لسة بصراحة هأعمل لست و أشوف عايزة ايه كمان عجبني اوي حشوة الفول السوداني بتاعتك يا ندا هأجربها انا كمان مش جبت ياميش السنة دي بأدبس فيها لوحدي و لسة عندي من السنة اللي فاتت جبت بقي تمر هندي عشان أعمله انا عشان أعمل ليا من غير سكر عشان الدايت ياللا لما أعمل حاجة تانية هأجي اقول لكم سلام
شكرا على نصايحكم للنمل بس حكاية الرش دى صعبه لان المطبخ يعنى اكل وميه وهيصه ده غير انه نمل اهبل مش عارف هو جاى منين ولا رايح فين بيلوش حموت من الزعل ماعلينا
كفتة الارز نص ك لحمه مفرومه / كوب ارز مطحون ( موجود جاهز فى السوبر ماركت زى الدقيق المغلف ) حزمه محترمه بقدونس وزيها نعناع وملح وفلفل اسود ولو عاوزه توابل من عندك حطى معلقه كبيره نشا وعملت اضافه جديده انى حطيت فول صويا منقوع فى الماء نص ساعه ومصفى بصله مفرومه وثوووم بس كده كله مع بعض يعجن وفى الكبه وشكلى اصابع او كور حسب الرغبه وتقلى فى الزيت ولو عاوزه تشيليها فى الفريزر او توضع فى الصلصه المعموله بالبصل والتوم بس تتحط فيها قبل التقديم بدقيقه علشان متنفش منك وتتاكل مع ارز بسمتى ابيض وبطاطس محمره يالهووووووووووووى جعت
شكلها رووووعه كثير الكفته ندى جوعتيني تسلم ايديكِ انتي عارفه احنا بنعملها لكن فيها تغير اشويه والله حابه اجربها بس اجيب لحم مفروف اجربها ان شاء الله وشوف شو يطلع معايه لكن اهي كفته كيف تاكليها مع رز بسمتي ماتاكليها بدون شي ؟؟؟؟
طيب الصلصه اللى معاها حتتاكل بايه مش لازم تتحط على الارز هههههههههههههههههههههه طفاسه
سلام عليكم كل البنات الحلوين ماشاء الله عليكي يا ندى أنتي شكلك شاطره خالص اللي يشوفك في الدايت مايشوفكيش هنا ده أنا هبطل دايت علشان اجرب وصفاتك كلها أحلى من بعض حبيت اشاركك في تحضيرات رمضان أنا بأعمل حاجه جديده مفيش حد بيعملها وكل اللي بقوله عليها مابيصدقش بفرز البسبوسه يعني بجهزها وبدل مااصبها في صينيه احطها في كيس وعلى الفريزر وفي رمضان اصبهافي الصينيه وعلى الفرن وكمان بجهز العسل أو القطر واحطه في زجاجة في التلاجه والقطايف بحشيها وارصها في الطبق وفي الفريزر بدمس الفول واحطه في اكياس على قد الاستخدام للسحور بأعمل شيش طاوق في الستيك متبل وجاهز على الشوي بالاضافه لحاجات من اللي انتم قلتوها
برافو عليكى يا تراى انا كمان بعمل القطر فى الزجاجات بس بعمله قبل رمضان بيومين والقطايف كمان بعملها قبلها بيوم لان المحلات مش بتعملها الا فى رمضان بس عارفه كمان بجهز كمية مشروبات زى قمر الدين والتمر هندى والكركديه وعلى الفريزر للزيارات المفاجئه او يوم مقدرتش او ملحقتش اعمل عصاير اما فكرة البسبوسه دى جديده حجربها ان شاء الله
عملت امس الكبيبه ودخلتها الفريزر بس اخدت وقت معايا لان المفرمه عملت فصل مش حلو وباظت وانا ببدا فوترتلى اعصابى
