وكمان اندومى انا متهيألى اى اكل ممكن الواحد يبقى يفف الدهون على اد ما يقدر يكون افضل انا دلوقتى بعمل كده مبحطش زيت او زبده عمال على بطال يعنى غير فى الحاجه الى متنفعش من غير دهون بحاول اعمل كده وصدقينى الناس بيقولوا ان الدهون هى الى بتدى الاكل الطعم الحلو لا ابدأ لكلام ده مش صح عن تجربه انا كنت لما اجرب حاجه من غير زيت او سمن كنت بلاقى طعمها حلو عادى خالص يعنى لو حد اكلها مش هيعرف هى فيها ولا لا
وايت عجبني جدا كلامك وفعلا انا مقتنعه بكلامك عن تقليل الدهون...انا مبقتش باكل سمبوسه لاني بحبها جدا وكنت بفترسها ههههههه انا بقالي فتره بحاول اظبط الدهون والنشويات والسكريات يعني مشكلتي الكبيره جدا في فتره بليل ببقا عايزه اكل حلويات او اي حاجه مسكره بس انا فرحانه بالايس كريم كبديل ...والفرن كمان يبقا كده تمام اوي انا دخلت في موضوع في ركن الريجيم عاملاه مشرفه هي اخصائيه تغزيه وحطيتلها كل معلومات عني ووزني الجديد وقعدت افتكر اكلي في رمضان الي فات وحطيتهولها بس لقيت نفسي مفجوعه جدااااااا كنت خارجه من دايت ايامها وكنت بخلص علي اكل البيت هههههه بس الغريب اني وزني كان زاد 2كيلو بس في رمضان مع اني كنت باكل اكل عيله كامله ...هشوف بقا هي هتقولي ايه وايت ماتديني امثله كده للاكلات الي بتخففي منها الدهون ولو عندك افكار لرمضان تكون سعرتها قليله قوليها اصلي مليش اوي في المطبخ
اندومى حبيبتى مش ملاحظه انن قلبنا المجموعه هنا للاكل بس مش مهم مهى اميرة مش موجوده مش هتضربنا ول حاجه بصى يا ستى بلنسبه لتقليل الدهون ممكن افكر كتيرة اول حاجه انا مبستعملش فى كل الاكل الا زيت عباد الشمس لانه اخف من الذره كريستال ده الى بعمل بيه كل حاجه وكمان السمن البلدى الطبيعى وده فى القليل القليل يعنى لما اكون حابع اعمل رز يعنى اوبيض مقلى مثلا يعنى بسيط جدا ومبجبش الص السمن النباتى الى كله عبارة عن دهون مهدرجه تتخن وتتعب الشرايين على الفاضى يعنى لا ريحه ولا طعم ولا فايده حتى بصى انا بعمل البشاميل مثلا من غير دهون خالص يعنى بقلب اللبن الى الدسم مع الدقيق مع مكعب مرقه يعنى للطعم وملح وفلفل وتحطيهم على النار مع التقليب بمضرب سلك هتلاقيها تنت وبقت بشاميل دايت وكمان اللحمه المعصجه الى بنستخدمها فى كل الحشوات بعملها اننى بحط اللحمه الاول وبعدين البصل وممكن فلفل والتوابل وبحطها على النار لغايه ما تستوى كده يبقى عندك لحمه مفرومه ممكن تستعمليها فى اى حشوة من غير ولا نقطه دهون وممكن تسلقى المكرونه وتعملى مكرونه بالبشاميل كده من غير ولا زيت ولااى حاجه وبتبقى طعمها تحفه بجد جربيها وقوليلى وكمان الضار اى خضار ممكن يتحط على بعضه يهنى مثلا بسله على الطماطم المعصورة والبصل والتوابل وتوضع على النار لحد ما تتسبك وده مثل يطبق على جميع الخضروات تقريبا الارز ممكن تحطى الماء لحد ما يغلى ومكعب ماجى للارز الابيض وملح وتستعملى ارز بسمتى لحد ما يستوى يبقى عندك ارز ابيض حلو اووى من غير دهون خالص بصى ده مجرد امثله وانتى ممكن لو قعدتى تنكرى فى افكار هتلاقى حاجات كتير اووى اه افتكرت كل انواع المحشى ممكن تبقى ارز مع البصل والتوابل والشبت والبقدونس والكسبرةبس تكترى الخضرة ده وتقللى الارز وتعملى منه محشى من غير دهون خالص سواء باذنجان ورق عنب كرنب اى شىء
وايت افكارك جامده جدا ....طيب انا هجرب اللحمه والمكرونه بالبشاميل انهارده يارب تطلع حلوه ...بس عارفه انا هبقا استبدل المرقه بشوربه علشان سمعت ان المرقه دي مضره اوي ..هجرب واقولك ...ده انتي عبقريه...ايه رايك نعمل موضوع في قسم الريجيم عن اكلات لرمضان من غير دهون وانتي الي تقودي المسيره؟بصي الفكره عجباني اوي لاننا كده هنجمع افكار كتير من بلاد كتير يعني هيطلعلنا اكلات جديده بدهون اقل ..ها ايه رايك؟
ممكن قسم الطبخ وانتي تبداي بتجاربك وكل بنوته في المنتدي تدخل تقول افكار تانيه كمان ومش محتاجين صور هو الحوار كلو افكار انتي جربتيها وتكتبيها زي ماكتبتيهالي دلوقتي
سلااااام عليكم ...اهلا بالقمرات ...كل سنة وانتم طيبين ... معلش غبت الفترة اللي فااتت النت كان بشع وبصراحة حتى الان متلصم جدااااااا... ربنا يسرتها بقى ... المهم بقى ...قريت مناقشتكم يا وايت انتي واندومي على الاكل ... على فكرة انا بعمل كدا فعلا يا وايت في كل اكلي ... ماعدا البطاطس المحمرة ...جوزي مش بيحبها الا مقلية في الزيت ... المشكلة بقى اني بحب الاكل الصحييييييي جدااااااا ... وجوزي مش بيحب الدسم بس في نفس الوقت مش بيحبه اوي صحي ...عني بين البينين .. انا المسعقة مش بعملها الا في الفرن ...بدهن الباذنجان زيت وفي الفرن واقلبه لما يحمر لونه ... وهكذا بقى كل حاجة ... وفعلا بتبقى جامده ماشاء الله لاقوة الا باللة ... بس بصراحة السمبوسة بانجز وبقليها فوق ) باستسهل يعني ... والاكل كله نئ في نئ ... والمفروم بعمله زيك يا وايت ... والبانيه ... ولو افتكرت حاجة تانية هاقولهالك يا اندومي باذن الله
اندومى حبيبتى تسلمى يا رب يا ريت تكون عجبتك افكارى وتجربيها ان شاء الله حلوة فكرت التجارب ده بس المشكله انهم بيبقوا فى قسم الاكل كل الى يدخل عايز يشوف الاكله متصورة وانا مش بعرف اصور وانزل موضوعات زيهم كده بس ممكن نبقى نعمل زى ما قولتى مجرد افكار وكل واحده تقول فكرة اكيد الكل هيستفيد طبعا نفس ازيك حبيبتى عامله ايه وايه اخبارك اه فعلا مفيش احسن من الاكل الصحى بس ممكن متقوليش لجوزك يعنى ان ده مثلا معمول فى الفرن انا عارفه ان فى رجاله لما تقوللهم على حاجه يمسكوا فيها فى حين انك لو ما قولتيش عليها مش هيعرف فهمانى
سلاام عليكم ... ازيكم جميعا ... ايوا يا وايت انا فاهماكي ... ودا فعلا اللي بيحصل ... بس فيه اكل هوا بيكتشف انه كدا وسعات مش بياخد باله ... يعني بظروفها بقى ... انا فعلا مش بحاول اقوله على اي حاجة لانه من النوع اللي زي ما بتقولي بالظببببببببط ... وبندم اني قلت الحاجة فعلا ) ... بس اديني بحاول والله المستعان
مقولتليش نفس عملتى اكل ايه انهارده
ايه يا بنت انتو فين مش باينين ليه
