المتبقي .... * الجزء الثاني. * الجزء الثالث. * الجزء الرابع. * الجزء السادس. * الجزء السابع من صفحه 1: 118.
* الجزء الأول. "زقزوقه" * الجزء الثالث. "ياسمين 10" * الجزء الخامس. "أم جوري" * الجزء السابع من صفحه 119: 192. "أودي" معرفش اللي مجمعاه عن المصريه الدوليه ايه مصيره او المدارس الازهريه
مش عارفه هيبقى احسن لو كمان نجمع اللي اتقال في الفيس بوك ولا لا اناكنت بدأت في ترجمه المدارس الازهريه اللي هناك بس قلت اسألكم الأول عشان متعبش على الفاضي وكمان عندي عنواين وارقام تليفونات مدارس كتييييييير انا مجمعها من على النت لو تحبي تستعيني بيهم يا مسلمه ولو تحبي اعمل معاك النهائي فبرحب بكده
انا جيت اهو يا جماعة ايه الجزء الرابع ماحدش عايز يقربلة ليه .. يمكن علشان زودناها شويه فى الرغى طيب .. ممكن انا اخد الجزء الرابع اول 50 صفحة
بصوا يا حبايبي طبعا احنا هنجمع الأراء المختلفة عن المدارس من خلال الأجزاء اللي بنقراها، و طبعا أي معلومات مفيدة تانية تخص المدارس هل سنذكر المشاركة كاملة و اسم الشخص صاحب المشاركة و لا ايه ؟ و بعد ما نجمع الأراء دي : نحط في الأول المعلومات العامة عن كل مدرسة اللي هي الأساسيات زي التليفون و العنوان و الموقع و الوصف العام و .... هكذا ، و بعدين أراء الناس فيها كدة صح و لا غلط
اكون سعيده بانضمامي واتمنى انكوا تعملوا رؤساء اقسام ومساعدين بمعنى المساعدين يلخصوا فقط ويصب عند رئيس القسم الذي يفهرس الموضوع (ولتفادي الانحياز في الراي حول مدرسه بوجه خاص او الذم في اخرى نضع اقتراع او تصويت بنقاط وده اللي هيخلي فيه مصداقيه لكلامنا مش اراء وخلاص) اتمنى ان تحددوا لي جزء ابدا بهلان رغم مشغوليتي في كتابه الدكتوراه الا انني اتمنى ان ابذل ولو جهد ضئيل في سبيل الله
انا اسفه يا ام فريده لسه واخده بالي من انك اخدتي الجزء التاني معلش
مسلمة يا حبيبتي ممكن يكون في المشاركة الواحدة كلام عن أكتر من مدرسة أقسم المشاركة لكل مدرسة لوحدها ، و لا أحط كل المشاركة كاملة زي ما هي ؟ مستنية ردك
السلام عليكم با أحلى أمهات أنا عايزة أشارك معاكم يا ترى الجزء الجزء الثالث حد أخده؟؟
ما شاء الله ما شاء الله اغيب شويه الاقى كل ده جزاكم الله كل خير - أودى انتى بجد فى العين و القلب ربنا يقويكى يا حبيبتى و يجزيكى كل خير كل و اى معلومه انتى جمعتيها عن اى مدرسه حتى لو مكنتش ذكرت فى المنتدى بتاعنا هنحطها و نستخدمها ان شاء الله - زقزوقه كلامك تمام ميه ميه هو ده اللى كنت اقصده معلومات عامه عن المدرسه و بعدين اراء اولياء الأمور فيها و يا ريت يا حبيبتى لو المشاركه بتتكلم عن اكتر من مدرسه حطى كل كلام يخص مدرسه تحتها ( يعنى تحت المدرسه نفسها) و مش لازم اسم اللى قال المشاركه (ده رأى انتم رأيكم ايه) - طمطومه اتفضلى يا حبيبتى تشرفينا ما دام محدش اخد الجزء ده يبقى تمام خديه - مسعصام جزاكى الله كل خير و جعله فى ميزان حسناتك و لو وقتك يسمح يبقى ممكن تاخدى الجزء الرابع من اول صفحة 51 الى 100 و ادينى ال اوكيه علشان اشطبه من عندى - اودى حبيبتى انا يشرفنى اننا نتعاون فى التجميع النهائى . لحد ما البنات تخلص انا بجمع الشغل و بحاول احطه فى صوره مقبوله بعد كده نقعد نظبطه انا و انتى ان شاء الله علشان التواصل بين اتنين بيكون ايسر من التواصل بين مجموعه كبيره فى نفس الوقت و بيخلى الشغل يمشى اسرع ان شاء الله ربنا يبارك فيكم يا بنات و عقبال الباقى يجى يشارك معانا
