انا عملت البلوزه دى ووقفه على الاكمام مش عارفه ابتدى من تحت ولا من فوق بس انا كنت عاوزه اعملها بنفس الغرزه اللى فى البلوزه تحت فهل ينفع ابتدى من تحت اصل انا بابتدى من فوق بالاقيها فرشت معايا قوليلى اعمل ايه انا مش عارفه اتصرف
وده الباترون هتلاقى الكم مرسوم فيه وفيه حرده فهل معنى ذلك انا ابدا من تحت
انا موجوده ام مازن مستنياكى
لسه ما جيتيش طيب انا هادخل كل شويه اشوفك
بسم الله الرحمن الرحيم.......... والصلاة والسلام علي سيدنا محمد أشرف الخلق أجمعين.......... أهلا وسهلا بكل أخواتي وحبيباتي المشتركات في المجموعه ............ وصلني طلبك ياتاتا وفكرت شويه ولاحظت انك بتفضلي تشتغلي الكم من تحت ........ بس طبعا الكم عندك في الباترون من فوق وكمان غرزته عباره عن سلاسل وانتي عايزه تشتغلي بالغرزه اللي في البلوزه من تحت....... وانا عندي أقتراح .......... مادمتي عايزه تشتغلي الكم من تحت يبقا قبل ما تبدأي في شغل الكم أعملي سطرين بنفس غرزة الكم اللي في الباترون عشان لما تنتهي من شغل الكم اللي في دماغك تلاقي حردة الكم قدامك جاهزه للتشبيك بسهوله وده طبعا لأن الصدر عباره عن وردات وان شاء الله يكون شكله حلو....... ولو ما عجبتك الفكره ممكن ندور علي وحده تانيه بس جربي......... ممكن تعملي السطرين اللي أنا بقولك عليهم دول وبعدين تنفذي جزء من الكم وتحاولي تشبكي عشان تشوفي النتيجه هتظبط وللا لأ........... وان شاء الله تنجح الفكره..........
فيه حاجه مش فهماها انتى قولتى قبل مااشتغل فى الكم اعمل سطرين بنفس الغرزه اللى فى الباترون ؟ ده مش فهماه ايه علاقته بحرده الكم ده هيبقى تحت ممكن توضحى؟
وفى حاجه كمان مش فهماها انتى قولتى ان الكم فى الباترون بيشتغل من فوق ازاى وهو عامل كانه مفرود واحنا هانطبقه
شوفى كده صوره الكم فى الباترون تحسى كانك هاتعمليه قطعه واحده مفروده وتحردى من الجنبين وبعد مانخلص نطبقه ونخيطه ونشبكه فى الكتف ؟ كده صح ولا انا غلطانه ارجوكى ردى عليا
طيب لو دخلتى او اى حد دخل يرد عليا انا هاقفل دلوقتى وهابقى اشوفكوا بكره ان شاء الله
السلام عليكم: بصي يا تاتا, اعتقد ان الكم في الباترونات دي بيبقى من تحت, بيتعمل منفصل وبعد كده يتشبك في البلوزة, بس انا شخصيا مش بعرف اعملها كده, الكم الوحيد اللي عملته لحد دلوقتي بدأته من فوق لأني حسيت ان الكم لو عملته منفصل مش هايبقى مظبوط معايا او مش هاعرف اتحكم فيه عشان اشوفه صح ولا لأ زي لو بدأته من فوق.
