بما ان سوق السمك امامى عالبحر الاول كنت بشترى السمك بالمن المن هنا يعنى اربعه كيلو على بعض بيبقى اوفر بجيب مثلا من جمبرى من فيليه من كابوريا من كاليمارى واقسمهم شنط فى الفريزر كل شنطه فيها كام حاجه من كل نوع وعلى قد الاكله بحيث ان اكله السمك تكون فيها كل البحريات بس بصراحه الطريقه دى فاشله جدا ليه بقى انا وفرت فى الفلوس بس الاستفاده اقل لان السمك بيفقد كتير من قيمته الغذائيه وهو فى الفريزر يبقى انا معملتش حاجه وبما ان سوق السمك امام بيتى وبيفتح من المغرب تقريبا يبقى اليوم اللى حعمل فيه سمك انزل قبلها بيوم المغرب اتمشى واشترى على قد يومين ورا بعض واطلع البيت انضف واتبل وتانى يوم اقلى واعمل الرز طبعا هنا عندى مفيش فراخ بلدى كله مجمد فبشترى الفراخ المجمده وبراعى اجيب الوزن الصغير حوالى 900 او 1000 بالكتير ودائما اشويها او اعملها صينيه او مع الخضار فى الكيس الحرارى اللحمه المفرومه بجيب كل شهر حوالى 5 كيلو ماشاء الله ليه بقى اول ما بجيب اللحمه باخد جزء منها واحط عليه رز واعشاب واطحنه فى الكبه واعمل كفته رز واعملها كور صغيره او اصابع وارصها فى اطباق واشيل فى الفريزر وجزء تانى اعمله بالتوابل والبصل وبرده كور صغيره وده عشان داوود باشا او بالصلصه مع المكرونه واقسم فى اطباق الباقى بسيبه بصراحه فى كيس كل كيس حوالى 400 جرام على قد صينيه المكرونه او الجلاش
حسيبكم الان عشان اصحى نور للحضانه ولنا عوده ان شاء الله
صباح الخير يام نور ربنا يخليلك نور طريقتك حلوة ماشاء الله قريبه من طريقه والدتي لانها فالسعوديه والنظام المعيشي تقريبا واحد ماعدا السمك ماشاء الله انا الحوسه هنا فالسمك مبحبش المجمد وجوزي مبيحبوش غير طالع من البحر عالاكل فبنستنى كل فترة لما حد معرفه ينزل اسكندريه او بورسعيد او حتى العريش دي عملالي مشكله لان نفسي الاولاد ياكلوا سمك اكتر من كده فرح ربنا يعينك ويشفيلك جوزك يارب بس حرام كده تلات ارباع الاكل مبيكلوش ربنا معاك طريقه ام نور حلوة انا كمان جوزي شغله من 7 صباحا ل8او9 بالليل فالوجبه الرئيسيه بالليل وبحتار كده لاني ببقى عايزة اعمله حاجه يحبها
صباح الخير عليكم يا قمرات بناتى انا كمان سمعت عن الملوخيه مثلكم اصل يا غاليين فى ناس لما بتضعها على المرقه مش بتتركها تغلى ودا بيخلى اى حشرات فيها متموتش فهمتوا قصدى يعنى لما نضعها لازم تفور يعنى تطلع فقاقيع لكن عموما انا بفضل اعمل على القد و افضل الخضرا انا مش بفضل الملوخيه المجمده والحمد لله يا بنات دلوقتى الملوخيه متوفره طول السنه اتمنى حبيباتى تبحثوا فى هذا الموضوع وربنا يوفقكم
ازيكم يابنات ..............عامليين ايه انا عامله اليوم محشى كرنب وزى مقلتلكم باعمل الاكل ليومين يعنى حشيت حلتين اسوى واحده اليوم وواحده بكرةوكل اللى عايشين بره مصر عارفين ان الكرنب بيكون صغير ومش بيكون فيه ورق زى مصر فطبعا اتصرفت وكملت بورق حس بيكون حلو جدا فى المحشى وده باعتبره استغلا واستفاده من شىء موجود فى البيت حسب كلا العزيزة الكس ونسيت اقلقكم ان عروق الكرنب كمان خللتها
شوفوا يا بنات عايزين نتفق على حاجه ان الاكل الفرش واكل الخضروات والفواكة فى موسمها احسن الف مرة وافيد الف مرة وده عشان صحتنا وصحة اولادنا يعنى مثلا بما اننا بنتكلم عن الملوخيه انا مش باعملها ابدا فى الشتا رغم انها هنا متوفرة طول العام وشكلها فى الشتا احلى بس هى خضرة صيفية(يارب تكون الفكرة وصلت يا حبايبى) انا مش هاقولكم انى مش بافرز الاكل لا بافرز بس فى اضيق الحدود بس الاساسى فى الفريزر بتكون اللحوم مش الخضروات انا عارفة ان معظمنا بيكيف نفسه حسب الظروف ودى اهم حاجة
معلش يا بنات الرسالة الاولى سقط منها حروف كتير بس انتوا شطورات وهتعرفوا تقروها
تى تى ازيك طب انا عازمه نفسى عندك النهارده محشى وااااااااااااااااااااااااااااااو الف هنا وشفا بس قوليلى انتى عايشه فين
ازيك انت حبيبتى ياسلام تشرف وتنور (الريااااااااااض )كلها اخبارك ايه واخبار بنوتك القمر
السلام عليكم يا قمرات ماشاء الله عليكم انا مش مصدقه اني بتكلم مع الاسامي الجامده دي شكرا ليكي يا ام نور والله بصي يا شخبط شخابيط انا فعلا ابتديت بشكل كبير اغير من نفسي بس الفريزر عندي مش كبير جدا فمش بيكفي كل حاجه وهوا ده الي بيعجزني الخضار غالبا بجيب المجمد البامية البسله والملوخيه ساعات لكن كيس الخضار حوالي 400 جم اكتر من احتياج يوم واقل من احتياج يومين وبالتالي بيتبقي شويه احطهم في التلاجه وساعات يبوظو بس خلاص انا حرمت علشان خايفه من ربنا بصراحه