هناء الرفاعى أهلا بك يا حبيبتى ده أنت تشرفينا بوجودك معانا وفى أسكندرية بجدبحس بسحر خاص عمرك ما هتلاقيه فى حتة تانية أنت هنا فى أسكندرية ولا برضه متغربة؟
السلام عليكن حميعا حبيبتي ام بيجاد احنا خلاص اصحاب انا قريت رسالتك حالا و فرحت بيها اوي.... انا باجيب لهم محفظة في البيت و باشكرك انك قولتيلي على المنهج ان شاء الله يحصلوهم في الصيف هو ابني دلوقتي حفظ لحد سورة الفجر و بنتي لسة في العاديات معلش انا بادخل المجموعة في وقت متاخر عشان غالبا طول اليوم باكون مشغولة في البيت ومع الاولاد ازيك يا هندام منورة ان شاء الله تنزلي مصر قريب على فكره انا كنت باسمع ان عندكم الدولة بتحفظ الاطفال القران مجانا و بتوفرلهم المواصلات من و الى الدار مش عارفة اذا كان ده صحيح؟ ازيك يا نهى طبعا فاكرينك و ان شاء الله نتجمع كلنا هنا و نفيد بعض و نستفيد الاخت الجديدة هناء اهلا بيكي انا باتعاطف مع كل المغتربات لاني ز ي ما قولتلكوا جربت الغربة و بكل انوااااااعها
السلام عليكم ازيكم يا بنات الاسكندريه عامليين ايه انا كنت بسال ياترى يا رانيا المحفظه الى بتيجى عندك ممكن تيجى عندى للبنات فى الصيف انا ساكنه فى ميامى و ان شاء الله هانزل 1-7 ياريت تساليها لان المحفظه الى كانت بتيجى للبنات كان عندها بنتها مريضه ربنا يعافيكم و يعافى اطفالكم و كانت علشان البنات بتجيبها معاها بعد رجوعها من المستشفى كل مرة لما بحس انها بتتعذب معانا
هلا اختى ام بيجاد rania واختى noana واختى هناء فعلا الدولة هنا بتوفر المواصلات بس بيغدوقت كتير على ما الدور يجى او يكون فى مكان عند محفظ انا بقى اكتر من ست شهور مقدم ليوسف ولسه ما جه دور عشان كده لما انزل هوديهم يحفظوا على ما ارجع يكون دوره جه ربنا يسهل ان شاءالله
رانيا أنت فين مش باينة لعل المانع خير
نهلة أخبارك أيه وزادك الله حرصا على تحفيظ أولادك القرآن وجعلة فى ميزان حسناتك
هند أم يوسف والله كنت بفتكر أن أسمك هندام ولما عرفت أن عندك يوسف قعدت أضحك لأنى كنت أقرأها هندام على فكرة أنا أخى محفظ قرآن فى قطر مش فاكرة أسم الدار أية لكن ممكن تكتبى لى أنت مقدمة ليوسف فين يمكن أقدر أساعدك
رانيا سمعت عن الكورس الذى فى فيكتوريا كولدج للأولاد وأيه رأيك فية ؟
السلام عليكم ورحمه الله وبركاته ازيكم جميعا يارب تكونوا بخير انا ناويه ان شاء الله احغظهم القران بس انا بنتي عندها سنتين و 7 شهور وابني 7 شهور فبالنسبه لبنتي مش عارفه ابدا معاها من دلوقتي ولا من السنه الجايه
نهلة لو حاسة أن بنتك بتستجيب ونطقها معقول توكلى على الله وأبدأ بالحفظ لى صديقة بنتها اتمت حفظ جزء عم قبل الثلاث سنوات
